2 KORINTUS 1:22 - KITAB NU TUMPU ALLA LELE MA'IMAI'

²² Kalana han aijo' sahingga Tumpu nompotantumo kita, iamo na tumpu-Nyo, ka' nombee'imo Roh-Nyo i kinyonyoanto salaku tanda pompohoson saba' tionyo nu bee' hi kita iwi-iwi' na anu jinanji'-Nyomo.

2 KORINTUS 1:22 ပူးပေါင်းရင်းမြစ်များ

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

YOHANES 3:33

Mian anu palesaya hi anu sinakisian-Nyomo aijo', mongakui saba' Tumpu aijo' totu'u.

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”

ROMA 4:11

Ia sinunat i mihinyo, ka' sunatnyo aijo' ola sa'angu' na tanda, kalana Tumpu nontalimamo ia salaku mian anu momposanang kinyonyoa nu Tumpu, kalana palesaya hi Tumpu Allah. Ia tinalima nu Tumpu tempo'nyo ia ma'isa pe'e mombatuki atulan nu sunat. Ka' i Abraham tinimbalimo tuuma i uno nu kapalesaya'an mongkona iwi-iwi' na mian anu palesaya hi Tumpu Allah, ka' anu tinalimamo nu Tumpu salaku mian anu momposanang kinyonyoa-Nyo, mau mule' aha madi' mombatuki atulan nu sunat.

ROMA 8:23

Ka' misa' ola songko-songko na dunia na motusa'; kita suele motusa' i uno nu kinyonyoanto. Kita nohumpakmo Roh nu Tumpu Allah, panyo kita daagi' po'ule' montanda'i Tumpu mompobebas butongto iwi-iwi' ka' mompotimbali kita to ana-anak-Nyo.

ROMA 8:9

Panyo komiu madi' tumuu' mombatuki sipat nu mian. Komiu tumuu' mombatuki pongka'oho' nu Roh nu Tumpu – de memang, Roh nu Tumpu totu-totu'u montoongi kuasa i uno nu butongum. Mian anu madi' ko Roh i Kristus, mian aijo' misa' i Kristus na tumpunyo.

2 KORINTUS 5:5

Posi Tumpu na mompotouka kantumuu'anto aijo', ka' iamo na nombee'i Roh-Nyo hi kita salaku bau tanda da opalesaya na janji'nyo.

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

ANU PINOTO'I HI YOHANES 2:17

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan, Ku pobee'je na mongkaan manna anu ma'isa nusumbu' nu aha, ka' toto samian mohumpakje hi beleng-Ku sambatu na batu mopute'. I batu aijo' tinulis sa'angu' na sanggo anu sala'je, anu madi' nu sumbu' nu mian mau pe'e pa' ihe, de misa' mian anu memang mohumpak.”

ANU PINOTO'I HI YOHANES 7:3

Malaikat haha aijo' notatae, “Bolimo pe'e mongidei katano'an ka' ambai kabai to kau-kau' de kami ma'isa mombee'i tanda segen i siakan hi to posa-posaihon nu Tumpunto.”

ANU PINOTO'I HI YOHANES 9:4

Aha madi' opobee' na mongidei hemput, kabai to kau-kau', kabai sangga'at anu tumuu' i tano'. Aha ola timbali mombosik to mia-mian anu madi' ko tanda segen i siakannyo anu pinokona nu Tumpu.