2 KORINTUS 1:20 - KITAB NU TUMPU ALLA LELE MA'IMAI'

²⁰ Kalana montului Ia Tumpu notataemo “Ii'” hi iwi-iwi' na anu jinanji'-Nyomo. Mimpu'u i aijo' sahingga kita montaloakonmo “Amin” hi Tumpu kalana i Yesus Kristus. Kami mombau sumo aijo' da Tumpu opopodaka'.

2 KORINTUS 1:20 ပူးပေါင်းရင်းမြစ်များ

KAJADIAN 22:18

Iwi-iwi' na bansa i dunia mongkakaseje hi belengku da Ku balakati na aha susumo Aku nombalakatimo lee' nu beleyum – kalana beleyum nontulutimo palentah-ngKu.”

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

MAZMUR 102:16

Kuasa nu Tumpu nukabuhukmo nu to bansa-bansa; ka' kakuasan-Nyo anu tinalasanggomo aijo' nukabuhukmo nu to tomu-tomundo' iwi-iwi',

MAZMUR 72:17

O'amalakon da sanggo i tomundo saja' o inau' sampe toka sidu-sidutu', ka' mompaka togilele na sanggonyo kopinnyo daagi' ko batu nu sinaa. O'amalakon da tobansa-bansa mongkakase hi Tumpu da obalakati susumo ia, ka' iwi-iwi' na mian montaloakonmo ia, tukoonyo nu aha ia nohumpakmo ka'ima'an.

YESAYA 65:16

Toto samian ilipu' aijo' momoita balakat, momoita da obalakati nu Tumpu anu manonong. Toto samian anu mongka'oho' basumpa', basumpa'mo i sanggo nu Tumpu anu manonong. Kalana kasansala'an anu u'utu mae imadi'mo ka' kinolilimanmo.”

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 3:5

I Yesus nontaami, “Totu-totu'u na potataeng-Ku aiya: de mian madi' ohampeakon nu uee ka' mule' nu Roh nu Tumpu, mian aijo' madi' timbali mian anu palesayamo hi Tumpu.

ROMA 11:36

Tumpu na nombau iwi-iwi' aijo'. Iwi-iwi' nolengkat mae hi Tumpu tiba mule' bau kapentingan nu Tumpu. Puji' na Tumpu sampe toka sidu-sidutu'! Amin.

ROMA 6:23

Kalana kapatean aijo' tambo nu dosa'; panyo tumuu' kopian ka' toka sidu-sidutu' tiba i Kristus Yesus Tumpunto, aijo'mo tajuu anu i halala'akonmo nu Tumpu.

1 KORINTUS 14:16

Kalana de kita Utus ola montaloakon talima kase hi Tumpu Allah nu kinyonyoa, ka' daagi' ko mian sangga'at anu madi' mangalati' i basa' anu okabangangi, anu lengkat mae hi Roh nu Tumpu aijo', saba' mian aijo' madi' moko ala motatae, “Aku setuju” i do'a pontalima kaseum aijo'; kalana ia madi' monsumbu' apaa na anu tinaloakonmo nu kita Utus.

2 KORINTUS 4:15

Iwi-iwi' aijo' bau kapentingan. Kalana lebe manjoo' na mian mongoa'i kalibosan nu Tumpu, mompaka lebe manjoo' mule' suele na do'a pontalima kase anu opotoka hi Tumpu; jadi desumo aijo' Tumpu opopodaka'mo.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

GALATIA 3:22

Panyo i uno nu Kitab nu Tumpu tinulismo, iwi-iwi' na manusia daagi' i uno nu kakuasa'an nu dosa'. Mokonyo aijo', anu obee' jina-jinanji'mo mimpu'u i palesaya hi Yesus Kristus obee' aijo' hi aha anu palesayamo.

EFESUS 1:6

Puji' na Tumpu anu talalo talasanggo kalana palesaya hi Anak-Nyo anu nu nukanonongi hondo, Ia suele nongkalibosimo hondo kita.

EFESUS 2:7

Tumpu nombau sumo aijo' da tempo' anu tokaje aiya mae i ahop, mian montoamo mosia na kodaka'nyo na kalibosan nu Tumpu. Kalibosan aijo' pinonyata'mo nu Tumpu kalana ka'ima'an nu kinyonyoa-Nyo hi kita nontului jalan hi Kristus Yesus.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

2 TESALONIKA 1:10

iwi-iwi' aijo' timbalimo de sinaa katokaannyomo da Ia opopodaka'mo nu mian-Nyo anu palesayamo, ka' o'angga'imo nu iwi-iwi' mian anu pinale sayamo. Komiu suele pinonsoopmo i kiijo' hi mian anu palesayamo hi Tumpu aijo', kalana komiu pinalesayamo i lele anu pinotokamo mami hi komiu.

IBRANI 11:13

Iwi-iwi' na mian haha aijo' tataap bala'iman sampe silaka. Aha madi'mo mohumpak hahan anu jinanji'mo nu Tumpu, panyo ola montanggalakon ka' molabot aijo' mae jo'o-jo'on. Ka' aijo' mule' aha mongakui, saba' aijo' aha ola mian anu lengkat mae i salipu'an ka' anu ola jojoong madi' pin i dunia aiya.

IBRANI 13:8

I Yesus Kristus tataap pokakana mau naipuan mae, tempo' uuka, ka' sampe toka sidu-sidutu'.

IBRANI 7:6

I Melkisedek misa' tulunan nu aha Lewi, panyo ia suele mohumpak ahi' sambagian hi anu binagimo sampulu' apaa na anu i humpak mae i Abraham, ka' nombalakati mule' i Abraham anu sabenannyo ia nontalimamo ahi' janji' hi Tumpu.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

1 YOHANES 5:11

Aiyamo na anu sinakisianmo aijo': Tumpu nombee'imo kita kantumuu'an kopian ka' sampe toka sidu-sidutu', ka' Anak-Nyo aijo'mo na pinolengkatan nu kantumuu'an aijo'.

ANU PINOTO'I HI YOHANES 3:14

“Toka hi malaikat anu kiijo' hi jama'at nu Laodikia; tulismo sumo uuka: Aiyamo na potuunon lengkat mae hi Sang, Amin, sakisi anu mohongo-hongo ka' anu totu'u, pinolengkatan mae nu iwi-iwi' apaa anu pinotimbalimo nu Tumpu.

ANU PINOTO'I HI YOHANES 7:12

Aha notatae, “Amin! O puji' na Tumpunto anu talasanggo ka' anu pande hondo. Ia patut saja' otaloakon talima kase, ka' o'adati. Ia matangkas na kuasanyo ka' mahoson sampe toka sidu-sidutu'! Amin.”