2 KORINTUS 1:19 - KITAB NU TUMPU ALLA LELE MA'IMAI'

¹⁹ Kalana i Yesus Kristus, Anak nu Tumpu, anu pinolele i Silas, i Timotius, hi belemiu; ka' tiba aku, misa' mian “Ii'” ka' “Madi'”. Panyo ola ahi' Ia susumo pinontaami “Ii'” lengkat mae hi Tumpu.

2 KORINTUS 1:19 ပူးပေါင်းရင်းမြစ်များ

MAZMUR 2:7

Notataemo na tomundo', “Ku bebakonmo apaa na anu tinantukanmo nu Tumpu. Ia notataemo hi belengku, ‘Beleyum ana-Ku mo'ane, sinaa aiya aku timbalimo Tuuma nu beleyum.

NOSABATMO 3:14

Notatae na Tumpu Allah, “Aku memang AKU DAAGI'. Aiyamo na anu tionyo nu taloakon hi bansa Israel, Iamo na anu osa-osanggohi AKU DAAGI', nonsaimo mae aku toka hi belemiu.

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

MATIUS 27:40

Aha notatae, “Beleyum na anu mongka'oho' mohobo'akon Laigan nu Tumpu, ka' nompotinjo ola i uno nu tolunsinaa! De Belento Anak nu Tumpu, pintau'mo mae i salib atina' ka' oposalamat na butong-Um!”

MATIUS 27:54

Kapala nu pasukan nohingga-hinggat tiba to sulu-suludadu anu hau-haunyo monjagai Yesus, inabuhukmo hondo salatan nongoa'imo luulu' ka' iwi-iwi' anu jinadimo aijo'. Aha notatae, “Totu'u, Ia aiya Anak nu Tumpu!”

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

MATIUS 4:3

Ibilis tinoka ka' notatae, “Te Beleyum misa' Anak nu Tumpu Allah? Yo pokau na batu haha aiya timbali roti.”

MARKUS 1:1

Aiyamo na Lele Ma'ima' anu mongkona i Yesus Kristus, Anak nu Tumpu.

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

YOHANES 1:34

Pinositoang-Kumo,” na koonyo i Yohanes, “ka' aku nompoto'imo anu sinakisiankumo saba' Iamo na Anak nu Tumpu.”

YOHANES 1:49

“Kita Tuumangku Gulu',” na koonyo i Natanael, “Kita Tuuma Anak nu Tumpu! Kitamo Tuuma na Tomundo bansa nu Israel!”

YOHANES 19:7

To mia-mian nu Yahudi aijo' nontaami, “De pongka'oho' nu atulan mami, Ia tionyo o hukum mate, kalana Ia mangaku butong-Nyo Anak nu Tumpu.”

YOHANES 20:28

I Tomas notatae hi Yesus, “Tumpungku ka' Tumpu Allah-ngku!”

YOHANES 20:31

Panyo iwi-iwi' aiya tinulis, da komiu palesaya taalu' i Yesus aijo' Tomundo anu Momposalamat, Anak nu Tumpu, ka' kalana palesaya hi Ia, komiu mohumpakmo kantumuu'an.

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

YOHANES 6:69

Kami pinalesayamo totu-totu'u, kalana i Tumpumo na anu susi' sinai mae lengkat hi Tumpu.”

YOHANES 8:58

I Yesus nontaami, “Totu'u na anu Ku taloakon hi komiu: ma'isa pe'e i hampe na i Abraham, Aku polo-polo'mo daagi'.”

SISIKON NU TO RASUL-RASUL 15:22

To rasul-rasul ka' to pola-polaya', nohingga-hinggat tiba iwi-iwi' mian anu ninsoopmo jama'at aijo' nomputusimo da mompile'imo to pia-piangkuka na mian anu kiijo' hi aha anu osai mamba mokiijo' i Antiokhia mohingga-hinggat tiba i Paulus ka' i Barnabas. Sahingga aha nompile'imo i Silas ka' i Yudas anu o sanggohi i Barsabas. Ua'aha na mian aiya, aitumo to mia-mian anu talasanggo ka' mian anu palesayamo kiijo' i Yerusalem.

SISIKON NU TO RASUL-RASUL 16:1

I Paulus i lumajang mule' nokiijo' i Derbe, lapas aitu nokiijo'mo i Listra. I kiijo' daagi' ko samian na anu saja' mombatuki Yesus sanggonyo i Timotius. Tinanyo mian nu Yahudi, anu pinalesayamo hi Yesus; panyo tuumanyo mian nu Yunani.

SISIKON NU TO RASUL-RASUL 18:5

Salatan i Silas ka' i Timotius tinokamo lengkat mae i Makedonia, i Paulus nonggunaakon iwi-iwi' na kasampatannyo da mompolele lele lengkat mae hi Tumpu toka hi to mia-mian Yahudi tukoonyo i Yesus aijo'mo na Tomundo' anu Momposalamat anu jinanjimo nu Tumpu.

SISIKON NU TO RASUL-RASUL 8:36

Hau-haunyo i lumambanan, aha tinokamo i sa'angu' na tampat anu ko ueenyo. Anu ko pangkat matangkas aijo' notatae, “Toa aijo' ko ueenyo! Apaa mule' na kulangnyo mompalamandikan aku?” [

SISIKON NU TO RASUL-RASUL 9:20

Ia lau-laus namba nokiijo' i to lai-laigan pogalejaan ka' mulai nompolele tukoonyo i Yesus aijo'mo na Anak nu Tumpu.

2 KORINTUS 1:1

To Utu-utus jama'at nu Tumpu i Korintus tiba iwi-iwi' mian anu palesayamo hi Tumpu songko-songko i Akhaya. Aku, i Paulus, rasul i Kristus Yesus, anu i hangkatmo kalana pongka'oho' nu Tumpu hingga-hinggat tiba Utusto i Timotius,

1 TESALONIKA 1:1

To utu-utus jama'at nu Tesalonika, anu pinalesayamo hi Tumpu Allah Tuuma ka' Tumpu Yesus Kristus: Kami, aiya i Paulus, i Silas ka' i Timotius, montaha'imani ka' mongamalakon da Tumpu mombee'i balakat tiba ka'ima'an hi komiu.

2 TESALONIKA 1:1

To Utu-utus jama'at i Tesalonika, anu tinimbalimo mian anu pinalesayamo hi Tumpu Tuumanto ka' hi Tumpu Yesus Kristus! Kami, aitumo i Paulus, i Silas ka' i Timotius

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

IBRANI 1:11

Iwi-iwi' aijo' tionyo lanyap, ka' timbali mahude sumo baju'; panyo Belento madi' mongabali'.

IBRANI 13:8

I Yesus Kristus tataap pokakana mau naipuan mae, tempo' uuka, ka' sampe toka sidu-sidutu'.

1 PETRUS 5:12

Sulatku anu ola kodo-kodo' aiya tinulisku toka hi belemiu tinulungan i Silas, anu ku anggap samian na utus Kristen, anu mohongo-hongo. Aku kahanda' mongkakeha' belemiu, ka' mompohoson kinyonyoa nu belemiu, kalana apaa na anu tinuliskumo aiya lele anu totu'u aijo'mo balakat nu Tumpu. Opai-pai lio da komiu mintoong ahi' hoso-hoson i balakat aijo'.

2 PETRUS 1:17

Kami kiijo' mae tempo'nyo Ia ingadatan ka' pinotalasanggo nu Tumpu Tuumanto. Tempo'nyo aitu i hongo na potatae lengkat mae hi Anu Talasanggo anu notatae hi Ia, “Aiyamo na Anak-Ku anu ku ku kalibosi. Ia momposanang kinyonyoang-Ku!”

1 YOHANES 1:3

Apaa na anu tinoamo mami ka' i hongomo, aijo'mo mule' na anu opolele mami hi komiu, da komiu tiba kami bubuu' mongoa'i totu-totu'u tumuu' nosa'angu' tiba Tuuma ka' Anak-Nyo i Yesus Kristus.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

2 YOHANES 1:9

Mian anu madi' montoongi pangajalan i Kristus, ka' ola mule' monggeo-geoakon apaa na ingajanakonmo i Kristus, mian aijo' madi' ko Tumpunyo. Mian anu tataap i uno nu pangajalan i Kristus, alati'nyo daagi'mo ko Tumpu Tuuma ka' mule' Anak.

ANU PINOTO'I HI YOHANES 1:11

Lewo' aijo' notatae, “Tulismo apaa na anu tinoaum, ka' pakatumo na kitab aijo' toka i popitu' na jama'at aijo'mo: Efesus, Smirna, Pergamus, Tiatira, Sardis, Filadelfia, ka' Laodikia.”

ANU PINOTO'I HI YOHANES 1:17

Salatan tinoangkumo na Ia, aku dinumaladupu i ahop-Nyo sumo mian anu sinilakamo. Panyo Ia nompotiik lima-Nyo koanan hi belengku ka' notatae, “Boli mabuhuk! Akumo na anu i momonanyo ka' anu imihinyo.

ANU PINOTO'I HI YOHANES 1:8

“Akumo na anu i momona ka' anu i mihinyo,” koonyo nu Tumpu Allah, anu polo-polo'mo daagi', ka' anu daagi'mo, ka' anu sidu-sidutu' sabole-bole daagi', Anu Matangkas na Kuasanyo.

ANU PINOTO'I HI YOHANES 2:18

“Toka hi malaikat anu kiijo' hi jama'at nu Tiatira, tulismo sumo uuka: Aiyamo na potuunon lengkat mae hi Anak nu Tumpu, anu mata-Nyo moak sumo apu ka' tengke-Nyo mimboyai' sumo tambaga pinapuan.