2 KORINTUS 1:17 - KITAB NU TUMPU ALLA LELE MA'IMAI'

¹⁷ Panyo binali'ankumo na tanga'anku aijo'; jadi te aijo' momponyata' au'aitu pikilanku madi' tataap? Tempo'nyo nombau tanga'an, te aku binatanga' mombatuki posi pongka'oho' nu butongku, saidi' motatae, “Ii'” ka' saidi' mule' “Madi'”?

2 KORINTUS 1:17 ပူးပေါင်းရင်းမြစ်များ

YEREMIA 23:32

Aku, Tumpu, mongewamo nabi haha aijo' anu mompoto'i ipionnyo haha aijo' anu baleko' ahi' hondo-hondo aijo'. Aha nompotalasmo pikilan nu mian anu palesayamo hi beleng-Ku nu kabaleko'an tiba sisik-sisik anu bulon aijo' hi aha. Aku madi' nompalentah nabi haha aijo'. Aha madi' hondo-hondo ko gunanyo hi aha mian anu palesayamo hi beleng-Ku. Aku, Tumpu, notataemo.”

ZEFANYA 3:4

To nabi-nabinyo mule' me tulu-tulumo na anu olakukan ka' madi'mo opalesaya nu mian, to ima-imam nohumimi'imo apaa na anu osombahkonmo hi Tumpu ka' mule' monggeo-geo'akonmo atulan nu Tumpu da boda-boda baumo posi ka' untungan nu aha.

MATIUS 1:19

I Yusuf, dohoinyo aijo', samian anu saja' mohongo-hongo atulan nu agama. Jadi ia mongka'oho' mongga'atakon dohoinyo aijo', panyo nu pohowini, da i Maria madi' ma'ambang i mian da'isan.

MATIUS 5:37

Taloakonmo, ‘Ii'’ kabai ‘Madi'’ – molabii anu sumo aijo' nyata' nolengkat mae i Ibilis.”

YOHANES 8:15

Komiu momputusi palakala nu mian sumo baunyo nu mian momputusi; Aku madi' momputusi palakala nu samian pe'e.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

2 KORINTUS 11:18

Memang manjoo' na mian anu mombuulakon hahan nu dunia, jadi aku mongka'oho' mombuulakon singkona.

GALATIA 1:16

Tumpu nomponyata'mo Anak-Nyo hi belengku, da Lele Ma'ima' mongkona Anak-Nyo timbali ku polele hi to mia-mian anu misa' Yahudi. Tempo'nyo aitu aku madi' namba hi samian pe'e momoita da opokinde'i mae.

GALATIA 2:2

Aku namba nokiijo' i Yerusalem kalana Tumpu nompoto'imo hi belengku, tukoonyo aku tionyo mamba. Ka' i uno nu sa'angu' na binagombuan, ola samata-mata to pola-polaya' anu i kiijo' mae, aku nompotalangakonmo Lele Ma'ima' anu pinolelengkumo hi to mia-mian anu misa' Yahudi. Kalana aku madi' mongka'oho' usahangku anu u'utu, mae kabai pe'e anu uuka aiya, ola palasuma.

1 TESALONIKA 2:18

Kami ko tanga'an mamba molenga komiu; ka' aku nonsobamo ninsan ka' pininduanmo, panyo kami nugologo'i nu Ibilis.

YAKOBUS 5:12

Anu talalo hondo penting, aijo'mo: Boli basumpa', mau tiba sanggo nu langit, mau tiba sanggo nu tano', kabai tiba sanggo nu mau mule' pa' apaa. Ola ahi' otaloakon “Ii'” de kahanda' nu beleyum ii', ka' “Madi'” de kahanda' nu beleyum madi'; da komiu boli opokonai hukuman nu Tumpu.

TO MIA-MIAN KOPIAN 9:4

Lapas aijo' aha nombee'imo ia pitumpulu' na doi salaka anu ingala i laigan ponsomban Baal-Berit. Doimo aijo' na pinontamboi i Abimelekh gombuan nu aha to mia-mian anu madi' talakana' da mosa'angu' tiba ia,