2 KORINTUS 1:11 - KITAB NU TUMPU ALLA LELE MA'IMAI'

¹¹ Opalesaya mami kalana do'a miu hi kami, sahingga Tumpu Allah po'ule' momposalamat kami da boli balaa'. Tumpu mombalakatimo kami salaku pontaami do'a anu nanjo'mo pinondo'akon mae kami, kalana aijo' manjoo' na mian montalima kase hi Tumpu Allah.

2 KORINTUS 1:11 ပူးပေါင်းရင်းမြစ်များ

YESAYA 37:4

Tomundo' nu aha Asyur nonsaimo mae suludadunyo mata-matangkas na pangkatnyo da mompopo ambang Tumpu anu tumuu'. Ihe anu monsumbu' pa' Tumpu nohongomo mae anu binau pinopo ambang nu aha aijo' ka' mohukumo aha anu nontaloakonmo mae aijo'! Kalana aijo' balado'amo hi Tumpu da nu tulungi mae na kita to mia-mian anu daagi' tutuu'.”

SISIKON NU TO RASUL-RASUL 12:5

Jadi i Petrus pinosoop i uno nu talungku'; panyo to jama-jama'at ola ahi' saja' nondo'akon i Petrus totu-totu'u hi Tumpu.

2 KORINTUS 4:15

Iwi-iwi' aijo' bau kapentingan. Kalana lebe manjoo' na mian mongoa'i kalibosan nu Tumpu, mompaka lebe manjoo' mule' suele na do'a pontalima kase anu opotoka hi Tumpu; jadi desumo aijo' Tumpu opopodaka'mo.

2 KORINTUS 9:14

Jadi aha mondo'akonje komiu kalana kinyonyoa nu aha mongoa'i molibos kalana Tumpu talalo manonong hi komiu.

FILIPI 1:19

kalana kusumbu' saba' do'a miu tiba mule' tulungan lengkat mae hi Roh i Yesus Kristus, aku opobebasje.

KOLOSE 4:3

Odo'akon suele na kami, da Tumpu mombee'i mae kami kasampatan anu ma'ima' na mombebakon lele mongkona lahasia i Kristus. Kalana han aijo', sahingga aku uuka aiya pinosoopmo i uno nu talungku'.

1 TESALONIKA 5:25

Do'akon mae na kami, to Utu-utus!

2 TESALONIKA 3:1

Ka' mule' to Utu-utus, do'akon mae na kami. Balado'a da lele lengkat mae hi Tumpu saja' sampa tolele ka' otalima ma'i-ma'ima' susumo anu toho'mo jinadi hi komiu u'utu mae.

FILEMON 1:22

Ka' mule', tulungi posadiai salipi' na aku i laiganum, kalana kutaha'imani Tumpu montalimakonmo iwi-iwi' na do'a nu to Utu-utus ka' po'ule'mo momboa aku minsusule' hi belemiu.

IBRANI 13:18

Saja' odo'akon mae na kami. Otutugi mami, kinyonyoa mami totu-totu'u hodi', kalana iwi-iwi na han saja' anu totu'u na obau mami.