1 YOHANES 5:9 - KITAB NU TUMPU ALLA LELE MA'IMAI'

⁹ Kita palesaya hi anu sinakisianmo nu mian, panyo anu sinakisianmo nu Tumpu na lebe totu'u. Ka' aijo'mo na anu sinakisianmo nu Tumpu mongkona Anak-Nyo.

1 YOHANES 5:9 ပူးပေါင်းရင်းမြစ်များ

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

YOHANES 10:38

Panyo kalana Aku mombau palentah-Nyo, opalesaya apaa na anu Kubau aijo', mau mule' komiu madi' mongka'oho' palesaya hi beleng-Ku. Atina'je ka' osumbu' miu, ka' mangalati' taalu' Tuuma tataap mosa'angu' tiba Aku, ka' Aku tataap mosa'angu' tiba Tuuma.”

YOHANES 5:39

Komiu mompakalioi Kitab nu Tumpu kalana monsangka au'aitu desumo aijo' komiu ko kantumuu'anmo anu talakana' ka' toka sidu-sidutu'. Ka' posi Kitab nu Tumpu aijo' nombee'imo katalangan mongkona Aku.

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

SISIKON NU TO RASUL-RASUL 5:32

Kamimo na to saki-sakisi mongkona iwi-iwi' aijo' – kami ka' suele Roh nu Tumpu anu binee'mo nu Tumpu hi to mia-mian anu mombatuki palentah-Nyo.”

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

1 YOHANES 5:10

Kalana aijo', mian anu palesayamo hi Anak nu Tumpu nontalimamo anu sinakisian aijo' i uno nu kinyonyoanyo; panyo mian anu madi' mompalesaya Tumpu, mombata-bataimo au'aitu Tumpu baleko', kalana ia madi' palesaya apaa na anu pinoto'imo nu Tumpu mongkona Anak-Nyo.

1 YOHANES 5:8

Roh nu Tumpu, uee ka' baso' – toto-totolu' aijo' nompoto'i anu sinakisiannyomo pokakana.