1 YOHANES 5:3 - KITAB NU TUMPU ALLA LELE MA'IMAI'

³ Kalana mongkalibosi Tumpu alati'nyo tulu-tulutanmo i palentah-Nyo iwi-iwi'. Ka' palentah-Nyo iwi-iwi' madi' maboat hi kita,

1 YOHANES 5:3 ပူးပေါင်းရင်းမြစ်များ

2 TOMU-TOMUNDO' 18:6

Madi' toho' ia pinanggaga hi Tumpu. Iwi-iwi' na palentah nu Tumpu anu binee'nyomo ka' pinoto'imo i Musa nu tuluti hondo-hondo i Hizkia.

MAZMUR 119:140

Anu jinanji'mo nu Belento mahoson ka' timbali opalesaya talalo hondo ku ka'ima'i.

MAZMUR 119:45

Sahingga aku tumuu' bebasmo kalana binala'usahamo montuluti pangajalan nu Belento.

NOSABATMO 20:6

Panyo Ku potoa na kalibosan-Ku hi mada-madala na lee' nu to mia-mian anu mongkanonongi Aku ka' tulu-tulutan hi Palentah-ngKu.

AMSAL 3:17

Kapandean bapikin momposanang kantumuu'an nu belemiu ka' ka'ima'an nu kantumuu'an.

DANIEL 9:4

Iwi-iwi' na dosa' nu bansangku ingakuankumo hi Tumpungku. Aku notatae, “O, Tumpu, belentomo na aku daka'na kakuasa'an, ka' kami mongangga'i Belento. Belento saja' mongganapi palajanjian nu Belento ka' nompotoamo mae kalibosan nu belento anu madi' ko kamingkotannyo hi aha anu mongkalibosi belento ka' mombau anu Nu palentahkon.

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

MATIUS 23:4

Aha montuntut hahan anu mahan, ka' mombee'i to atu-atulan anu maboat, panyo sangkiding pe'e aha madi' montulungi mian anu monjalanakon.

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

YOHANES 15:10

De komiu monjalanakon iwi-iwi' na palentah-ngKu, komiu saja' montuluti pongkalibosing-Ku, pokakana sumo Aku saja' montuluti pongkalibosi nu Tuuma, kalana monjalanakon palentah-Nyo iwi-iwi'.

YOHANES 15:14

Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

ROMA 7:12

Atulan nu agama nolengkat mae hi Tumpu, ka' batu-batu palentah i uno nu atulan aijo' nolengkat mae hi Tumpu, sahingga adin ka' ma'ima'.

ROMA 7:22

Kinyonyoangku mongka'ima'ai atulan nu Tumpu,

PO'ULE' INGULIT 5:10

Panyo Aku mompotoa kalibosan-Ku hi momada-madala na lee' nu to mia-mian anu mongkanonongi Aku ka' tulu-tulutan hi palentah-ngKu.

PO'ULE' INGULIT 7:9

Otutugi ahi' saba' Tumpu Allah nu belemiu ola sa'a-sa'angu'nyomo Ia na Tumpu Allah, ka' Iamo na Tumpu Allah anu talalo manonong. Tumpu mongganapimo apaa na anu jinanji'-Nyomo ka' nompotoamo kalibosan-Nyo sidu-sidutu' sampe samadala na lapisan nu lee'nyo nu aha mian anu mongkanonongi Ia ka' tulu-tulutan hi iwi-iwi' na palentah-Nyo.

IBRANI 8:10

Panyo uuka aiya, aiyamo na palajanjian anu Ku baumo tiba mian nu Israel, i sina-sinaa anu tokaje mae, koonyo nu Tumpu: Aku monguna'mo atulan-Ku i uno nu pikilan nu aha, ka' montulismo i kinyonyoa nu aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

1 YOHANES 2:3

De kita tulu-tulutan hi iwi-iwi' na palentah nu Tumpu, aijo'mo na tandanyo taalu' kita nonsumbu'mo Tumpu.

2 YOHANES 1:6

Mongkalibosi alati'nyo tumuu' mombatuki iwi-iwi' palentah nu Tumpu. Ka' palentah anu i hongomo miu salatanmo pe'e momonanyo, aijo'mo komiu tionyo ahi' tumuu' mompaha kali-kalibosi samian ka' samian.