1 YOHANES 5:20 - KITAB NU TUMPU ALLA LELE MA'IMAI'

²⁰ Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

1 YOHANES 5:20 ပူးပေါင်းရင်းမြစ်များ

YESAYA 44:6

Aiyamo na potatae nu Tumpu Anu Daka' na Kuasanyo, Tomundo' ka' anu monjagai aha Israel, “Aku Tumpu Anu Sa'a-sa'angu'nyomo, anu momonanyomo pe'e mae ka' anu saidi' mae imihinyo.

YESAYA 54:5

Anu nompotimbalimo beleyum sumomo ahi' langkai' nu beleyum, Tumpu Israel anu susi' aijo'mo na anu Momposalamat beleyum. Tumpu Anu Daka' na Kuasanyo, atina'mo na sanggo-Nyo, Iamo na Tumpu anu mongkuasai songko-songko na dunia.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

YEREMIA 23:6

De ia na mompalentah, mian nu Yehuda salamatmo ka' mule' mian nu Israel tumuu'mo madi'mo ko anu mompoposia. Tomundo' aijo' osanggohimo ‘Tumpu anu momposalamat Kita’.

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

LUKAS 24:45

Lapas aijo' i Yesus nombukamo pikilan nu aha da monsumbu' apaa na koonyo nu Kitab nu Tumpu.

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 10:30

Aku tiba Tuuma sa'a-sa'angu'nyomo.”

YOHANES 14:20

De tokamo na sinaa aitu, osumbu'je miu taalu' Aku mosa'angu' tiba Tuuma, komiu mosa'angu' ka' Aku, ka' Aku mosa'angu' tiba komiu.

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 14:9

Panyo i Yesus nontaami, “Sumo u'ukamo na kinopiinnyo Aku no'imboa tiba komiu, ka' madi' mule' beleyum monsumbu' Aku, Filipus? Mian anu nontoamo Aku, nontoamo Tuuma. Mosia ka' beleyum timbali notaloakon, ‘Potiju'akon mae na Tuuma hi kami’?

YOHANES 15:4

Tataap mosa'angu' tiba aku, ka' Aku mule' tataap mosa'angu' tiba komiu. Posi panga' madi' moko pimbua', beilako' de ia tataap i kau'nyo. Sumo aitumo na komiu moko ala mimbua', de saja' mosa'angu' tiba Aku.

YOHANES 17:14

Aku nompoto'iakonmo hi aha potatae nu kita Tuuma, ka' dunia nongka'idekimo aha, kalana aha misa' anu nu dunia, pokakana sumo Aku suele misa' anu nu dunia.

YOHANES 17:25

Kita Tuuma anu adin! Dunia madi' monsumbu' kita Tuuma, panyo Aku monsumbu' kita Tuuma; ka' mian haha aiya monsumbu' taalu' kita Tuuma na nonsai mae Aku.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 20:28

I Tomas notatae hi Yesus, “Tumpungku ka' Tumpu Allah-ngku!”

YOHANES 8:42

Lantas i Yesus notatae hi aha, “De Tumpu aijo' Tuumaum, komiu tionyo mongkalibosi Aku, kalana Aku tinoka mae lengkat hi Tumpu. Aku madi' tinoka kalana posi pongka'oho'ku, panyo Ia anu nonsai mae Aku.

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

ROMA 9:5

Aha ilee'akon nu mompolee'to. I Kristus salaku mian nolengkat mae i bansa nu aha. Ia na lebee i bawo molingkudui iwi-iwi' aijo'. O puji' na Tumpu toka sidu-sidutu'! Amin.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

2 KORINTUS 5:17

Mian anu nosa'angu'mo tiba i Kristus tinimbalimo mian bu'ou totu-totu'u. Anu pini-pininmo imadi'anmo – iwi-iwi' tinimbalimo bu'ou.

EFESUS 3:18

Aku balado'a bisa-bisa' hingga-hinggat tiba mian iwi-iwi' anu palesayamo hi Tumpu, komiu moko ala monsumbu' palias na ko ewanyo ka' ko mantannyo, ka' ko tangkasnyo, ka' ko leengnyo na kalibosan i Kristus,

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

IBRANI 1:8

Panyo hi Anak aijo', Tumpu notatae, “Kalaja'an nu Belento, o Tumpu, sangkutnyo sampe toka sidu-sidutu'! Kapalentahan nu Belento atina'mo na kapalentahan anu adin.

1 YOHANES 2:23

Mian anu madi' mongakui Anak, alati'nyo madi' montalima Tuuma mule'. Ka' mian anu mongakui Anak, alati'nyo montalima Tuuma suele.

1 YOHANES 2:24

Kalana aijo', lele anu i hongomo miu salatanmo pe'e momonanyo komiu pinalesayamo tionyo ahi' o toongi miu ma'i-ma'ima' i uno nu kinyonyoa. De lele aijo' o toongimo miu ma'i-ma'ima', komiu saja'mo tumuu' mosa'angu' tiba Anak ka' tiba Tuuma.

1 YOHANES 2:6

De ihe na motatae tukoonyo ia tumuu' nosa'angu'mo tiba Tumpu, ia tionyo ahi' tumuu' mombatuki lawo i Kristus.

1 YOHANES 4:14

Kami nontoamo Anak nu Tumpu, ka' kami nompolelemo Ia, anu sinai mae nu Tuuma da timbali Tomundo anu Momposalamat dunia aiya.

1 YOHANES 4:16

Kita nonsumbu'mo ka' pinalesayamo i kalibosan nu Tumpu Allah hi kita. Tumpu aijo', mongkalibosi. Mian anu kantumuu'annyo kinuasanmo nu kalibosan, mian aijo' nosa'angu'mo tiba Tumpu Allah, ka' Tumpu nosa'angu'mo tiba ia.

1 YOHANES 4:2

Sumo uuka na obau da osumbu' miu pa' Roh nu Tumpu kabai misa': Mian anu mongakui tukoonyo i Yesus Kristus tinokamo i dunia salaku mian, mian aijo' ko Rohmo anu tinoka mae lengkat hi Tumpu.

1 YOHANES 5:1

Mian anu pinalesayamo tukoonyo i Yesus aijo'mo na Tomundo anu Momposalamat anu jinanji'mo nu Tumpu, mian aijo' Anakmo nu Tumpu. Mian anu mongkalibosi tuumanyo, tuumanyo suele mongkalibosi anaknyo.

1 YOHANES 5:15

Kalana osumbu'to taalu' Ia mohongo kita, de kita momoita hi Ia, sahingga osumbu'to suele taalu' Ia mombee' hi kita apaa na anu opoitanto hi Ia.

1 YOHANES 5:18

Osumbu'to saba' iwi-iwi' na mian anu tinimbalimo to ana-anak nu Tumpu, madi' sabau-baunyomo dosa', kalana Anak nu Tumpu Allah na monjagai ia, ka' Anu Ma'idek madi'mo moko ala mombau apa-apaa hi ia.

1 YOHANES 5:5

Ihe na moko ala mohungku'i dunia? Ola mian anu palesayamo tukoonyo i Yesus aijo'mo na Anak nu Tumpu.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.

ANU PINOTO'I HI YOHANES 3:14

“Toka hi malaikat anu kiijo' hi jama'at nu Laodikia; tulismo sumo uuka: Aiyamo na potuunon lengkat mae hi Sang, Amin, sakisi anu mohongo-hongo ka' anu totu'u, pinolengkatan mae nu iwi-iwi' apaa anu pinotimbalimo nu Tumpu.

ANU PINOTO'I HI YOHANES 3:7

“Toka hi malaikat anu kiijo' hi jama'at nu Filadelfia, tulismo sumo uuka: Aiyamo na potuunon lengkat mae hi Ia anu susi', ka' anu tumuu' kopian. Gunsing i Daud Ia na montoongi; de Ia na montuhea'akon madi' ko samian pe'e na timbali montumban, ka' de Ia na montumban, madi' ko samian pe'e na timbali montuhea'akon.

ANU PINOTO'I HI YOHANES 6:10

Aha noloboo' daka-daka', “O Tumpu Anu Matangkas na kuasanyo, anu Susi' ka' totu'u! Daagi' hipian na kopinnyo lantas Beleyum momputusimo anu jojoong i dunia ka' mohukummo aha kalana nompateimo kami?”