1 YOHANES 5:16 - KITAB NU TUMPU ALLA LELE MA'IMAI'

¹⁶ De komiu montoa sala'samian sangko kita mian Kristen mombau dosa' anu madi' mongahenakon mian aijo' talakangkanan i kantumuu'an kopian ka' sampe toka sidu-sidutu', tionyo ahi' komiu mondo'akon hi Tumpu; ka' Tumpu mombee'je kantumuu'an aijo' hi ia. Aiya kona hi aha anu dosa'nyo madi' mongahenakon aha talakangkanan i kantumuu'an aijo'. Panyo daagi' ko dosa' anu mongahenakon mian talakangkanan i kantumuu'an aijo'. Mongkona han aijo' aku madi' notatae tukoongku komiu tionyo mondo'akon hi Tumpu.

1 YOHANES 5:16 ပူးပေါင်းရင်းမြစ်များ

KAJADIAN 20:17

Tumpu nompolengke'mo iwi-iwi' na boune hi laigan i Tomundo Abimelekh kalana apaa na anu tinimbalimo hi Sara bengkele' i Abraham aijo'. Lantas i Abraham binalado'amo hi Tumpu Allah, ka' Tumpu Allah nompo'alinmo i Abimelekh, bengkele'nyo ka' to posa-posaihonnyo boune, sahingga boune haha aijo' po'ule' mule' nohampeakon anak.

KAJADIAN 20:7

Panyo uuka aiya sule'akonmo na ia hi langkai'nyo. Langkai'nyo te nabi, ka' nu do'akonje na beleyum da beleyum madi' silaka. Panyo de beleyum madi' monsule'akon ia, yo toaje beleyum ka' layat nu beleyum iwi-iwi' silakamo.”

MAZMUR 106:23

Sahingga Tumpu kinoniatmo da opateimo na mian anu palesayamo hi Ia, panyo tinewa'mo i Musa mian anu pinile'an-Nyomo aijo'. I Musa na nombisalai aha poti-potimbiha', sahingga Tumpu madi'mo pinusa.

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

YEREMIA 11:14

Kalana aijo' Yeremia bolimo mondo'akon aha kabai momoita tulung hi beleng-Ku da otulungi na aha! De aha nutokaimo nu kasusa'an ka' momoitamo mae tulung hi beleng-Ku, saba' Aku madi'mo ahi' mohongo-hongo aha.”

YEREMIA 14:11

Tumpu notataemo mae hi belengku, “Bolimo mae momoita hi belengku da otulungi na mian haha aijo'.

YEREMIA 7:16

Tumpu notatae, “O Yeremia boli mondo'akon mian haha aiya. Boli momoita tulung kabai mondoa'kon aha; boli mae montetengakon hi beleng-Ku kalana Aku madi' mohongo apaa na anu opoita nu belemiu atina'.

YEHEZKIEL 22:30

Aijo' hi aha mian nu Israel haha aijo' Ku lio na mian anu timbali mompotinjo pagan mesen kabai tuminjo itampat-tampat anu ko anumo nohobo' na pagan nyo mesen da timbali montinjohakon lipu' aijo' de aku mohansunimo kalana Aku talalomo notambuha'; panyo mau samian madi' ahi' ko anu kinabot-Ku.

NOMBILANGMO 12:13

Sahingga i Musa notataemo hi Tumpu, “O Tumpu, ku poita, po'alinakon na ia!”

NOMBILANGMO 15:30

Panyo de aha mian Israel kabai mian anu lengkat mae i salipu'an ototonggolakonmo na mombau dosa' ia monteemo Tumpu. Mian aijo' tionyo ahi' o hukumo mate,

LUKAS 12:10

De mian montaloakon apa-apaa monggagakon Anak nu Mian, ia timbali o ampuni; panyo de ia mompopo'ise' Roh nu Tumpu Allah, ia madi' timbali o ampuni.

YOHANES 17:9

Aku mondo'akon aha. Aku madi' mondo'akon dunia, panyo ola to mia-mian anu binee'mo nu kita Tuuma hi beleng-Ku, kalana aha i Tuuma na tumpunyo.

2 TIMOTIUS 4:14

I Aleksander, tukang tutuk tambaga aijo' nombaumo hahan anu ma'idek hondo hi belengku. Tumpuje na mombalosi ia sitimbang tiba apaa na anu binaunyomo.

1 YOHANES 5:17

Iwi-iwi' na kalakuan anu sala' atina' dosa', panyo daagi' ko dosa' anu madi' mongahenakon mian talakangkanan i kantumuu'an kopian ka' sampe toka sidu-sidutu'.

1 SAMUEL 12:19

Lantas notataemo na aha hi Samuel, “Tulungi mae kita Tuuma, do'akon mae na kami aiya hi Tumpu Allah nu belento da kami madi' silaka. Uuka aiya sinumbu'mo mami taalu' kami po'ule'mo nombau dosa susumo dosa' mami naipuan mae kalana nompoitamo samian na tomundo'.”

1 SAMUEL 2:25

De mian mombau kasala'an hi sangko manusia Tumpu Allah na montimbangi kasala'annyo; panyo de mian baladosa'mo hi Tumpu, ihe na moko ala montulungi?” Panyo aha madi' mompajuli pokinde' nu tuuma nu aha i Eli, kalana tinantukanmo nu Tumpu na aha opateimo.