1 YOHANES 5:14 - KITAB NU TUMPU ALLA LELE MA'IMAI'

¹⁴ Ka' baanimo na kita mangadap hi Tumpu, kalana opalesayanto totu-totu'u do'anto Nu talimamo, de opoitanto, mau mule' pa' apaa, asan anu kona i pongka'oho'-Nyo.

1 YOHANES 5:14 ပူးပေါင်းရင်းမြစ်များ

1 TOMU-TOMUNDO' 3:12

jadi apaa na anu pinoita nu beleyum aijo' Ku ganapimo. Ku potimbalije na beleyum da lebe pande ka' lebe monsumbu' apaa-apaa molingkudui mian iwi-iwi', mau tempo' anu i hikuhakonmo, kabai tempo' anu aiya mae anu o ahopi.

AYUB 34:28

Ahamo na nonsaduakon sahingga mian anu kasiasi lewa'mo nahahunsa'an i kasusa'an aha i humang i hongomo nu Tumpu Allah.

MAZMUR 145:19

Ia momposanang kinyonyoa nu to mia-mian anu tulu-tulutan; Ia mompotombihing apaa na nu kakase nu aha ka' momposalamatmo aha.

MAZMUR 31:22

O puji' na Tumpu' Talalo ahi' okabangangi na kalibosan-Nyo hi belengku, tempo'nyo aku tinikumo ka' tinumbuhanmo.

MAZMUR 34:17

Panyo mian anu mombau palabuatan anu ma'idek na Nu ka'ideki ahi'; de aha silakamo, aha sampa okolilimi.

MAZMUR 69:33

Montoa han aijo' mian anu sinakisamo lame'mo, mian anu monsombah Tumpu bilahimo.

AMSAL 10:24

Mian anu madi' tageo' na kinyonyoanyo mohumpak apaa na anu nu kahanda'i; panyo mian anu ma'idek na kinyonyoanyo mohumpak apaa na anu talalo hondo nu kabuhuk.

AMSAL 15:29

Tumpu mompotombihing de ko mian anu manonong na balado'a; panyo Ia madi' mompajuli mian anu duluhaka.

YEREMIA 33:3

“Poloboo'mo mae hi Belengku da Ku taamije; Ku poto'ije hi beleyum hahan anu handa hondo ka' anu okahelani hondo ka' ma'isa nu sumbu' nu beleyum.

MATIUS 21:22

Mau mule' apaa na anu opoita miu i uno nu do'aum, tionyo o humpak miu, asan komiu palesaya.”

YOHANES 11:42

Kusumbu' Kita saja' mohongo Aku, panyo Ku taloakon na aiya kona hi to mia-mian anu aiya; da aha palesaya saba' Kitamo na nonsai mae Aku.”

YOHANES 14:13

Ka' mau mule' pa' apaa na o poita miu de momboa sanggong-Ku, aijo' tionyo Kubee' bau bagi nu belemiu, da kalana anak, Tuuma opopodaka'.

YOHANES 15:7

De komiu saja' mosa'angu' tiba Aku, ka' pangajalan-Ku maninguna' i kinyonyoaum, poita hi Tuuma mau mule' apaa na o kahanda'i miu; anu opoita miu atina' tantu obee'.

YOHANES 16:24

Sampe tempo' uuka komiu ma'isa toho' nompoita apa-apaa momboa sanggong-Ku. Poitamo, komiu tionyo mohumpak, da kalame'an miu ma'ima'.”

YOHANES 9:31

Osumbu'to saba' Tumpu madi' mohongo mian baladosa', panyo mian anu mongangga'i Tumpu, ka' mombau pongka'oho'-Nyo.

EFESUS 3:12

Kalana palesaya hi Kristus, ka' kalana nosa'angu'mo tiba Ia, kita pinoloasmo mongohani Tumpu kalana pinalesayamo totu-totu'u.

IBRANI 10:35

Mokonyo aijo' opohoson na kinyonyoa, kalana de komiu tataap palesaya, saba' tambonyo nu han aijo' daka' hondo!

IBRANI 3:14

Kita iwi-iwi' mosangalumo tiba i Kristus, i sa'angu' na tanga'an asan kita sampe toka imihinyo na montoongi hoso-hoson kapalesaya'an anu totu-totu'u anu daagi'mo hi kita salatanmo pe'e imoonanyo.

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

YAKOBUS 4:3

Ka' mau mule' komiu nomoitamo, komiu madi' ahi' mohumpak, kalana anu okahanda'i miu opoita sala'; apaa na anu opoita miu atina' ola bau kasanangan nu posi butong.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.