1 YOHANES 5:1 - KITAB NU TUMPU ALLA LELE MA'IMAI'

¹ Mian anu pinalesayamo tukoonyo i Yesus aijo'mo na Tomundo anu Momposalamat anu jinanji'mo nu Tumpu, mian aijo' Anakmo nu Tumpu. Mian anu mongkalibosi tuumanyo, tuumanyo suele mongkalibosi anaknyo.

1 YOHANES 5:1 ပူးပေါင်းရင်းမြစ်များ

MATIUS 16:16

I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

LUKAS 7:5

“kalana ia mongkalibosi bansanto, ka' nompotinjomo laigan pogalejaan mami.”

YOHANES 1:3

Iwi-iwi' na anu pinotimbali nolengkat mae hi Ia, ka' iwi-iwi' na anu daagi', madi' ko sa'angu' pe'e na anu pinotimbali de misa' Ia.

YOHANES 15:23

Mian anu mongka'ideki mae Aku, mongka'ideki Tuumang-Ku.

YOHANES 3:3

I Yesus nontaami, “Palesayamo, madi' ko samian pe'e timbali minsoop anu palesayamo hi Tumpu, de madi' ia po'ule' ohampeakon.”

YOHANES 6:69

Kami pinalesayamo totu-totu'u, kalana i Tumpumo na anu susi' sinai mae lengkat hi Tumpu.”

YOHANES 8:42

Lantas i Yesus notatae hi aha, “De Tumpu aijo' Tuumaum, komiu tionyo mongkalibosi Aku, kalana Aku tinoka mae lengkat hi Tumpu. Aku madi' tinoka kalana posi pongka'oho'ku, panyo Ia anu nonsai mae Aku.

SISIKON NU TO RASUL-RASUL 8:36

Hau-haunyo i lumambanan, aha tinokamo i sa'angu' na tampat anu ko ueenyo. Anu ko pangkat matangkas aijo' notatae, “Toa aijo' ko ueenyo! Apaa mule' na kulangnyo mompalamandikan aku?” [

SISIKON NU TO RASUL-RASUL 8:37

I Filipus notatae, “De Kita Tuan palesayamo totu-totu'u i kinyonyoa, Kita Tuan timbalimo o palamandikan.” “Aku palesayamo hi Yesus Kristus, aijo'mo Anak nu Tumpu Allah,” koonyo nu anu ko pangkat matangkas lengkat mae i Etiopia aijo'.]

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.

1 YOHANES 2:10

Mian anu mongkalibosi utusnyo, tumuu'mo i uno nu jingka, sahingga madi'mo ko sa'angu' pe'e hi ia na anu monsaduakon mian sangga'at manabu' i uno nu dosa'.

1 YOHANES 2:29

Komiu nonsumbu'mo taalu' i Kristus titumuu'mo tulu-tulutan i pongka'oho' nu Tumpu. Kalana aijo' komiu tionyo ahi' monsumbu' suele saba' batu-batu mian anu tumuu'mo tulu-tulutan i pongka'oho' nu Tumpu, atina' anakmo nu Tumpu.

1 YOHANES 3:14

Sinumbu'tomo, saba' kita nosabatmo i kapatean, ka' nolalinmo i kantumuu'an. Sinumbu'tomo na aijo', kalana kita mongkalibosi to Utu-utus bubu' kita. Mian anu madi' mongkalibosi, alati'nyo daagi' nu kuasai nu kapatean.

1 YOHANES 3:17

De samian anu daagi' ko kangalabian, montoa utusnyo anu madi'mo ko apa-apaa, panyo madi' mongka'oho' montulungi utusnyo aijo', mosia na mian aijo' timbali montaloakon tukoonyo ia mongkalibosi Tumpu?

1 YOHANES 3:9

Mian anu tinimbalimo Anak nu Tumpu, madi'mo saja' mombau dosa', kalana sipat nu Tumpu daagi'mo hi ia. Ka' kalana Tumpu aijo' Tuumanyomo, sahingga ia madi'mo timbali sabau-baunyo dosa'.

1 YOHANES 4:2

Sumo uuka na obau da osumbu' miu pa' Roh nu Tumpu kabai misa': Mian anu mongakui tukoonyo i Yesus Kristus tinokamo i dunia salaku mian, mian aijo' ko Rohmo anu tinoka mae lengkat hi Tumpu.

1 YOHANES 4:20

De samian motatae, “Aku mongkalibosi Tumpu,” panyo ia madi' mongkalibosi utusnyo, mian aijo' baleko'. Kalana mian anu madi' mongkalibosi utusnyo anu nutoa, madi' moko ala mongkalibosi Tumpu anu madi' nutoa.

1 YOHANES 4:7

To Utu-utus anu okanonongi! Imbo' da kita mompaha kali-kalibosi samian ka' samian, kalana kalibosan nolengkat mae hi Tumpu. Mian anu mongkalibosi atina' Anak nu Tumpu, ka' ia monsumbu' Tumpu.

1 YOHANES 5:18

Osumbu'to saba' iwi-iwi' na mian anu tinimbalimo to ana-anak nu Tumpu, madi' sabau-baunyomo dosa', kalana Anak nu Tumpu Allah na monjagai ia, ka' Anu Ma'idek madi'mo moko ala mombau apa-apaa hi ia.

1 YOHANES 5:4

kalana toto samian na anak nu Tumpu moko ala mohungku'i dunia anu ma'idekmo aiya. Ka' pohungku'into dunia aiya aijo'mo kita palesaya totu-totu'u.

1 YOHANES 5:5

Ihe na moko ala mohungku'i dunia? Ola mian anu palesayamo tukoonyo i Yesus aijo'mo na Anak nu Tumpu.