1 YOHANES 4:9 - KITAB NU TUMPU ALLA LELE MA'IMAI'

⁹ Tumpu nompopiamo kalibosanan-Nyo hi kita, aijo'mo, nonsaimo mae Anak-Nyo anu sa'a-sa'angu'nyomo tinoka i dunia da kita mohumpak kantumuu'an hi Anak-Nyo aijo'.

1 YOHANES 4:9 ပူးပေါင်းရင်းမြစ်များ

KAJADIAN 22:2

Tumpu Allah notatae, “Lako'mo i tano' Moria tiba i Ishak anak nu beleyum anu sa'a-sa'angu'nyomo atina', anu talalo hondo nu kalibosi. Ikiijo' mae, i sa'angu' na bungkutnyo anu Ku potiju'je hi belemiu, osombahkon na anak nu beleyum salaku bau koloban hi belengku anu opapui.”

MAZMUR 2:7

Notataemo na tomundo', “Ku bebakonmo apaa na anu tinantukanmo nu Tumpu. Ia notataemo hi belengku, ‘Beleyum ana-Ku mo'ane, sinaa aiya aku timbalimo Tuuma nu beleyum.

MARKUS 12:6

Ihe mule' na anu timbali osai nu tumpu nu ale' aijo'? Me ahi' samian, aitumo posi anaknyo anu nunu kalibosi. Jadi ahennyo ia nonsai anaknyo aijo' hi anu mokalaja aijo'. ‘Tantu anaku o angga'i,’ na tinutugannyo.

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala

YOHANES 10:10

Anu buling toka ola da mombuling, da mompatei tiba mongidei. Panyo Aku toka da mian mohumpak kantumuu'an – tumuu' molabi-labi.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

YOHANES 3:18

Mian anu palesaya hi Ia madi' o hukum. Panyo anu madi' palesaya polo'mo i hukum nu Tumpu, kalana ia madi' palesaya hi Anak nu Tumpu anu sa'a-sa'angu'nyo.

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

YOHANES 6:29

I Yesus nontaami, “Aiya na anu nukahanda'i nu Tumpu hi komiu: Palesayamo hi Ia anu sinai mae nu Tumpu.”

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

YOHANES 6:57

Tuuma anu tumuu' aijo' nonsai mae Aku, ka' Aku mule' tinumuu' kalana i Tuuma. Sumo aitu mule' na mian anu mongkaan butong-Ku, tumuu' kalana Aku.

YOHANES 8:29

Ka' Ia anu nonsai mae Aku daagi' poja-pojajalan tiba Aku. Ia madi' toho' mompojohok Aku sausa', kalana Aku saja' mombau apaa na anu momposanang kinyonyoa-Nyo.”

YOHANES 8:42

Lantas i Yesus notatae hi aha, “De Tumpu aijo' Tuumaum, komiu tionyo mongkalibosi Aku, kalana Aku tinoka mae lengkat hi Tumpu. Aku madi' tinoka kalana posi pongka'oho'ku, panyo Ia anu nonsai mae Aku.

YOHANES 9:3

I Yesus nontaami, “Ia mapisok misa' kalana dosa'nyo, kabai dosa' nu tu'anyonyo, panyo da mian montoa kuasa nu Tumpu anu nokalaja i uno nu butongnyo.

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

IBRANI 1:5

Madi' toho' Tumpu notatae sumo uuka hi samian pe'e na malaikat; “Beleyumo na Anak-Ku; sinaa aiya Aku timbalimo Tuuma nu beleyum.” Ka' mule' madi' toho' Tumpu notatae sumo uuka mau mule' kona hi malaikat anu pa' iyamae, “Akumo na timbali Tuumanyo, ka' ia timbalimo Anakku.”

1 YOHANES 3:16

Tiba jalan anu sumo aiya kita nonsumbu'mo mosia na mongkalibosi sangko mian: I Kristus nombee'mo butong-Nyo kalana kita. Kalana aijo', kita suele tionyo ahi' mombee' kantumuu'anto kalana to Utu-utusto!

1 YOHANES 4:10

Aiyamo na kalibosan: Misa' kita na anu nongkalibosimo Tumpu Allah, panyo Tumpu na anu nongkalibosimo kita, ka' anu nonsaimo mae Anak-Nyo da kalana Ia, dosa'to iwi-iwi' nohumpakmo ka'ampunan.

1 YOHANES 4:16

Kita nonsumbu'mo ka' pinalesayamo i kalibosan nu Tumpu Allah hi kita. Tumpu aijo', mongkalibosi. Mian anu kantumuu'annyo kinuasanmo nu kalibosan, mian aijo' nosa'angu'mo tiba Tumpu Allah, ka' Tumpu nosa'angu'mo tiba ia.

1 YOHANES 5:11

Aiyamo na anu sinakisianmo aijo': Tumpu nombee'imo kita kantumuu'an kopian ka' sampe toka sidu-sidutu', ka' Anak-Nyo aijo'mo na pinolengkatan nu kantumuu'an aijo'.

1 YOHANES 5:13

Aku nontulis toka hi komiu anu pinalesayamo hi Anak nu Tumpu Allah, da osumbu' miu saba' komiu ko kantumuu'anmo kopian ka' sampe toka sidu-sidutu'.