1 YOHANES 4:7 - KITAB NU TUMPU ALLA LELE MA'IMAI'

⁷ To Utu-utus anu okanonongi! Imbo' da kita mompaha kali-kalibosi samian ka' samian, kalana kalibosan nolengkat mae hi Tumpu. Mian anu mongkalibosi atina' Anak nu Tumpu, ka' ia monsumbu' Tumpu.

1 YOHANES 4:7 ပူးပေါင်းရင်းမြစ်များ

YOHANES 13:34

Palentah bu'ou Kubee' hi komiu: Pompaha kali-kalibosi samian ka' samian. Sumo Aku mongkalibosi komiu, sumo aijo' suele na komiu tionyo mompaha kali-kalibosi.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

1 KORINTUS 8:3

Panyo anu totu-totu'u mongkalibosi Tumpu, ia nusumbu' nu Tumpu.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

GALATIA 4:9

Panyo uuka komiu nonsumbu'mo Tumpu, kabai lebe kona mule', Tumpu nonsumbu'mo komiu. Jadi, kadaka' komiu mongka'oho' mule' minsusule' hi to roh-roh nu dunia aiya anu madi' moko ala mombau apa-apaa ka' kasiasi? Kadaka' komiu mongka'oho' mule' nubotuani nu to roh-roh aijo'?

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

2 TIMOTIUS 1:7

Kalana Roh anu binee' nu Tumpu hi kita, misa' Roh anu mombau kita mabuhuk. Panyo ahi' da Roh nu Tumpu aijo' mombau kita timbali mahoson, ka' saja' mongkalibosi ka' moko ala ahi' mongkuasai butongto.

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 YOHANES 2:10

Mian anu mongkalibosi utusnyo, tumuu'mo i uno nu jingka, sahingga madi'mo ko sa'angu' pe'e hi ia na anu monsaduakon mian sangga'at manabu' i uno nu dosa'.

1 YOHANES 2:29

Komiu nonsumbu'mo taalu' i Kristus titumuu'mo tulu-tulutan i pongka'oho' nu Tumpu. Kalana aijo' komiu tionyo ahi' monsumbu' suele saba' batu-batu mian anu tumuu'mo tulu-tulutan i pongka'oho' nu Tumpu, atina' anakmo nu Tumpu.

1 YOHANES 2:3

De kita tulu-tulutan hi iwi-iwi' na palentah nu Tumpu, aijo'mo na tandanyo taalu' kita nonsumbu'mo Tumpu.

1 YOHANES 2:4

Mian anu motatae, “Aku monsumbu' Tumpu,” panyo madi' tulu-tulutan hi iwi-iwi' na palentah-Nyo, mian aijo' baleko', ka' Tumpu madi' ko anu i uno nu kinyonyoanyo.

1 YOHANES 2:7

To Utu-utus anu okanonongi! Anu ku tulis aiya misa' sa'angu' na palentah anu sala'je. Aiya palentah anu pininmo anu pinotokamo hi belemiu salatanmo pe'e komiu nontampu'unimo pinalesaya hi Kristus; aijo'mo lele anu lengkat mae hi Tumpu Allah anu noko hongomo miu momonanyo.

1 YOHANES 3:9

Mian anu tinimbalimo Anak nu Tumpu, madi'mo saja' mombau dosa', kalana sipat nu Tumpu daagi'mo hi ia. Ka' kalana Tumpu aijo' Tuumanyomo, sahingga ia madi'mo timbali sabau-baunyo dosa'.

1 YOHANES 4:11

To Utu-utus anu okanonongi, de Tumpu sumo aijo' na pongkalibosinyo kita, kita suele tionyo ahi' mompaha kali-kalibosi samian ka' samian.

1 YOHANES 4:12

Madi' ko samian pe'e na anu toho'mo nontoa Tumpu, panyo de kita mompaha kali-kalibosi, Tumpu mosa'angu'mo tiba kita, ka' kalibosan-Nyo ganaapmo i butongto.

1 YOHANES 4:16

Kita nonsumbu'mo ka' pinalesayamo i kalibosan nu Tumpu Allah hi kita. Tumpu aijo', mongkalibosi. Mian anu kantumuu'annyo kinuasanmo nu kalibosan, mian aijo' nosa'angu'mo tiba Tumpu Allah, ka' Tumpu nosa'angu'mo tiba ia.

1 YOHANES 4:20

De samian motatae, “Aku mongkalibosi Tumpu,” panyo ia madi' mongkalibosi utusnyo, mian aijo' baleko'. Kalana mian anu madi' mongkalibosi utusnyo anu nutoa, madi' moko ala mongkalibosi Tumpu anu madi' nutoa.

1 YOHANES 4:8

Mian anu madi' mongkalibosi, madi' monsumbu' Tumpu; kalana Tumpu aijo' mongkalibosi.

1 YOHANES 5:1

Mian anu pinalesayamo tukoonyo i Yesus aijo'mo na Tomundo anu Momposalamat anu jinanji'mo nu Tumpu, mian aijo' Anakmo nu Tumpu. Mian anu mongkalibosi tuumanyo, tuumanyo suele mongkalibosi anaknyo.

2 YOHANES 1:5

Kalana aijo', Pontina'on, ku poita sabole-bole da kita iwi-iwi' mompaha kali-kalibosi. Anu ku poto'i aiya misa' sa'angu' na palentah anu sala'je; palentah aiya binee'mo hi kita salatanmo pe'e kita nontampu'unimo pinalesaya.