1 YOHANES 4:3 - KITAB NU TUMPU ALLA LELE MA'IMAI'

³ Panyo mian anu madi' mongakui han aijo' mongkona i Yesus, madi' ko Roh nu Tumpu. Mian aijo' ko roh lengkat mae hi Sampo Bali' i Kristus. Kita Utus nohongomo tukoonyo Roh aijo' tokamo mae, ka' tempo' uuka ia, aiyamo i uno nu dunia aiya.

1 YOHANES 4:3 ပူးပေါင်းရင်းမြစ်များ

MATIUS 24:5

Kalana da'isan na mian anu toka mae mongala sanggong-Ku ka' motatae, ‘Akumo na Tomundo anu Momposalamat!’ Da'isan na mian nu akali nu aha.

1 YOHANES 2:18

To ana-anakku, kakiamatan ohanimo! Pinoko poto'imo hi komiu i momonanyo tukoonyo Sampo Bali' i Kristus tokamo saidi' mae; ka' tempo' uuka aiya i lubatmo da'isan na mian anu monsampo bali' i Kristus. Aijo'mo na tandanyo saba' kakiamatan malia'mo toka.

1 YOHANES 2:22

Anu baleko' atina'mo mian anu motataemo tukoonyo i Yesus misa' Tomundo anu Momposalamat anu Jinanji'mo nu Tumpu. Mian aijo' Sampo Bali' i Kristus; ia madi' mongakui Tuuma kabai Anak.

2 YOHANES 1:7

Manjoo'mo na anu baleko' nololomo i songko-songko na dunia. Ahamo atina' na to mia-mian anu madi' mompalesaya i Yesus Kristus anu tinokamo i dunia sumo samian na mian. Mian anu sumo aijo' atina'mo na anu mongakali ka' Sampo Bali' i Kristus.