1 YOHANES 4:18 - KITAB NU TUMPU ALLA LELE MA'IMAI'

¹⁸ Mian anu nongoa'imo totu-totu'u kalibosan nu Tumpu, madi'mo monsumbu' mongoa'i mabuhuk, kalana kalibosan anu ma'ima' hondo aijo' nongalinakonmo iwi-iwi na kabuhukan anu o'oa'i. Jadi osumbu'mo de mian ma'isa nongoa'i kalibosan nu Tumpu anu ma'ima' hondo, mian aijo' mabuhuk na mongahopi Sinaa anu Pomputusianmo.

1 YOHANES 4:18 ပူးပေါင်းရင်းမြစ်များ

AYUB 15:21

Onyi' anu okabuhuk hondo momposiingmo bihingnyo; de madi'mo ko anu lewa' o'inau' na apa-apaa an mompopobuhuk, tololang tokamo mae montongkali.

MAZMUR 119:120

Aku ilangkakatanmo kalana nabuhukumo hi Belento, kinyonyoangku nangada'mo kalana kaputusan nu Belento.

MAZMUR 73:19

Ola sinangkinihap aha sinilakamo talalo ahi' okabuhuk na kina'ahenannyo nu aha,

MATIUS 9:34

Panyo to mia-mian Farisi notatae, “Kapala nu roh ma'idek aijo' na nombee'i Ia kuasa da molaa' to roh-roh ma'idek aijo'.”

ROMA 8:15

Kalana Roh nu nubee' nu Tumpu hi komiu, madi' monsaduakon komiu timbali botuan, sahingga komiu tumuu' i uno nu kabuhukan. Ola o, Roh nu Tumpu aijo' mompotimbali komiu to ana-anak nu Tumpu. Ka' kalana kuasa nu Roh nu Tumpu aijo', kita molaga Tumpu aijo', “Tuuma, o Tuumangku!”

2 TIMOTIUS 1:7

Kalana Roh anu binee' nu Tumpu hi kita, misa' Roh anu mombau kita mabuhuk. Panyo ahi' da Roh nu Tumpu aijo' mombau kita timbali mahoson, ka' saja' mongkalibosi ka' moko ala ahi' mongkuasai butongto.

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.

YAKOBUS 2:19

Te madi' opalesaya miu Tumpu ola sa'angu'? Jadi to roh-roh ma'idek suele palesaya ka' nulakat nu kabuhukan na aha!

1 YOHANES 4:12

Madi' ko samian pe'e na anu toho'mo nontoa Tumpu, panyo de kita mompaha kali-kalibosi, Tumpu mosa'angu'mo tiba kita, ka' kalibosan-Nyo ganaapmo i butongto.