1 YOHANES 4:16 - KITAB NU TUMPU ALLA LELE MA'IMAI'

¹⁶ Kita nonsumbu'mo ka' pinalesayamo i kalibosan nu Tumpu Allah hi kita. Tumpu aijo', mongkalibosi. Mian anu kantumuu'annyo kinuasanmo nu kalibosan, mian aijo' nosa'angu'mo tiba Tumpu Allah, ka' Tumpu nosa'angu'mo tiba ia.

1 YOHANES 4:16 ပူးပေါင်းရင်းမြစ်များ

MAZMUR 31:19

Paha onsongi na nganga' nu mian anu toto bale-baleko' kalana katabuulan nu aha sola'mo mongalu mian anu madi' tageo' na kinyonyoanyo.

YESAYA 64:4

Ma'isa toho' kinomian nohongo ka' ma'isa toho' kinomian anu nontoamo samian na tumpu anu nompalentahmo mian anu taha'iman hi ia, olamo ahi' samata-mata belento na nombaumo hi aha anu sumo aijo'.

YOHANES 6:69

Kami pinalesayamo totu-totu'u, kalana i Tumpumo na anu susi' sinai mae lengkat hi Tumpu.”

YOHANES 9:3

I Yesus nontaami, “Ia mapisok misa' kalana dosa'nyo, kabai dosa' nu tu'anyonyo, panyo da mian montoa kuasa nu Tumpu anu nokalaja i uno nu butongnyo.

1 KORINTUS 2:9

Ola ahi' han aijo' sumo anu tinulismo i Kitab nu Tumpu Allah, “Apaa na anu madi' toho' tinoa kabai i hongo nu mian, ka' madi' mule' toho' i lubat i pikilan nu mian, aijo'mo na pinotouka nu Tumpu bau bagi nu to mia-mian anu mongkalibosi Ia.”

1 YOHANES 3:1

Soba toa na Tumpu nongkalibosimo hondo sahingga kita ingakuannyomo sumomo to ana-anak-Nyo. Ka' memang kita to ana-anakmo nu Tumpu. Mokonyo aijo' dunia anu na'idekmo aiya madi' monsumbu' kita kalana dunia madi' monsumbu' Tumpu.

1 YOHANES 3:16

Tiba jalan anu sumo aiya kita nonsumbu'mo mosia na mongkalibosi sangko mian: I Kristus nombee'mo butong-Nyo kalana kita. Kalana aijo', kita suele tionyo ahi' mombee' kantumuu'anto kalana to Utu-utusto!

1 YOHANES 3:24

Iwi-iwi' na mian anu tulu-tulutan i to pale-palentah nu Tumpu, tumuu' nosa'angu' tiba Tumpu, ka' Tumpu nosa'angu' tiba aha. Ka' osumbu'to saba' Tumpu tumuu' nosa'angu' tiba kita, kalana Ia nombee'imo Roh-Nyo hi kita.

1 YOHANES 4:7

To Utu-utus anu okanonongi! Imbo' da kita mompaha kali-kalibosi samian ka' samian, kalana kalibosan nolengkat mae hi Tumpu. Mian anu mongkalibosi atina' Anak nu Tumpu, ka' ia monsumbu' Tumpu.