1 YOHANES 4:15 - KITAB NU TUMPU ALLA LELE MA'IMAI'

¹⁵ Ihe na mongakui tukoonyo i Yesus aijo' Anak nu Tumpu, Tumpu tumuu' nosa'angu'mo tiba mian aijo', ka' mian aijo' suele tumuu'mo mosa'angu' tiba Tumpu.

1 YOHANES 4:15 ပူးပေါင်းရင်းမြစ်များ

MATIUS 10:32

“De ihe na mongakui Aku i ahop nu mian da'isan tukoonyo ia anu mombatuki Aku, Aku suele tionyo mongakui ia i ahop nu Tuumang-Ku i suluga'.

LUKAS 12:8

“O inau' ma'i-ma'ima': Mian anu mongakui i ahop nu mian da'isan tukoonyo ia anu saja' mombatuki Aku, ia o akui suele nu Anak nu Mian i ahop nu to mala-malaikat nu Tumpu.

YOHANES 6:56

Mian anu mongkaan butong-Ku ka' monginum baso'-Ku tataap mosa'angu' tiba Aku, ka' Aku tiba ia.

SISIKON NU TO RASUL-RASUL 8:37

I Filipus notatae, “De Kita Tuan palesayamo totu-totu'u i kinyonyoa, Kita Tuan timbalimo o palamandikan.” “Aku palesayamo hi Yesus Kristus, aijo'mo Anak nu Tumpu Allah,” koonyo nu anu ko pangkat matangkas lengkat mae i Etiopia aijo'.]

ROMA 10:9

Kalana de kita Utus mangaku nu nganga'um tukooyum “I Yesus aijo' Tumpu”, ka' kita Utus palesaya i kinyonyoaum tukooyum Tumpu mompotumuu'mo i Yesus anu sini-sinilakamo, saba' kita Utus o posalamat.

FILIPI 2:11

Aha iwi-iwi' mongakuimo taalu' i Yesus Kristusmo na Tumpu; tiba jalan anu sumo aijo' Tumpu Tuumanto opopodaka'mo.

1 YOHANES 2:23

Mian anu madi' mongakui Anak, alati'nyo madi' montalima Tuuma mule'. Ka' mian anu mongakui Anak, alati'nyo montalima Tuuma suele.

1 YOHANES 2:24

Kalana aijo', lele anu i hongomo miu salatanmo pe'e momonanyo komiu pinalesayamo tionyo ahi' o toongi miu ma'i-ma'ima' i uno nu kinyonyoa. De lele aijo' o toongimo miu ma'i-ma'ima', komiu saja'mo tumuu' mosa'angu' tiba Anak ka' tiba Tuuma.

1 YOHANES 3:23

Anu pinalentahkon-Nyomo hi kita atina'mo: Kita tionyo ahi' palesaya hi Anak-Nyo, aijo'mo i Yesus Kristus ka' kita tionyo ahi' mompaha kali-kalibosi, susumo anu pinalentahkonmo i Kristus hi kita.

1 YOHANES 3:24

Iwi-iwi' na mian anu tulu-tulutan i to pale-palentah nu Tumpu, tumuu' nosa'angu' tiba Tumpu, ka' Tumpu nosa'angu' tiba aha. Ka' osumbu'to saba' Tumpu tumuu' nosa'angu' tiba kita, kalana Ia nombee'imo Roh-Nyo hi kita.

1 YOHANES 4:12

Madi' ko samian pe'e na anu toho'mo nontoa Tumpu, panyo de kita mompaha kali-kalibosi, Tumpu mosa'angu'mo tiba kita, ka' kalibosan-Nyo ganaapmo i butongto.

1 YOHANES 4:2

Sumo uuka na obau da osumbu' miu pa' Roh nu Tumpu kabai misa': Mian anu mongakui tukoonyo i Yesus Kristus tinokamo i dunia salaku mian, mian aijo' ko Rohmo anu tinoka mae lengkat hi Tumpu.

1 YOHANES 5:1

Mian anu pinalesayamo tukoonyo i Yesus aijo'mo na Tomundo anu Momposalamat anu jinanji'mo nu Tumpu, mian aijo' Anakmo nu Tumpu. Mian anu mongkalibosi tuumanyo, tuumanyo suele mongkalibosi anaknyo.

1 YOHANES 5:5

Ihe na moko ala mohungku'i dunia? Ola mian anu palesayamo tukoonyo i Yesus aijo'mo na Anak nu Tumpu.

2 YOHANES 1:7

Manjoo'mo na anu baleko' nololomo i songko-songko na dunia. Ahamo atina' na to mia-mian anu madi' mompalesaya i Yesus Kristus anu tinokamo i dunia sumo samian na mian. Mian anu sumo aijo' atina'mo na anu mongakali ka' Sampo Bali' i Kristus.