1 YOHANES 4:14 - KITAB NU TUMPU ALLA LELE MA'IMAI'

¹⁴ Kami nontoamo Anak nu Tumpu, ka' kami nompolelemo Ia, anu sinai mae nu Tuuma da timbali Tomundo anu Momposalamat dunia aiya.

1 YOHANES 4:14 ပူးပေါင်းရင်းမြစ်များ

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

YOHANES 10:36

ka' kadaka' komiu montaloakon Aku mompopo'ise' Tumpu, kalana notataemo Aku Anak nu Tumpu? Padahan Aku pinile'anmo nu Tuuma, ka' sinaimo mae mamba i dunia.

YOHANES 12:47

Mian anu mohongo apaa na anu Kupogulu', panyo madi' mombatuki – misa' Aku na mohukum ia. Kalana Aku toka misa' momputusi palakala nu dunia aiya, panyo da momposalamat.

YOHANES 3:11

Palesayamo: kami monsisik ola apaa na anu osumbu' mami, ka' kami timbali sakisi ola apaa na anu tinoamo mami; panyo komiu madi' mongka'oho' montalima anu sinakisian mami.

YOHANES 3:32

Ia notatae mongkona apaa na anu tinoamo ka' anu ihongo-Nyomo, panyo madi' ko samian pe'e palesaya hi anu sinakisian-Nyomo.

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

YOHANES 4:42

Aha notatae hi boune aijo', “Kami palesayamo uuka aiya, misa' ola kalana apaa na anu tinaloakonmo nu beleyum hi kami, panyo kalana posi ihongomo mami na Ia, ka' nonsumbu'mo taalu' memang Ia anu Momposalamat dunia.”

YOHANES 5:39

Komiu mompakalioi Kitab nu Tumpu kalana monsangka au'aitu desumo aijo' komiu ko kantumuu'anmo anu talakana' ka' toka sidu-sidutu'. Ka' posi Kitab nu Tumpu aijo' nombee'imo katalangan mongkona Aku.

SISIKON NU TO RASUL-RASUL 18:5

Salatan i Silas ka' i Timotius tinokamo lengkat mae i Makedonia, i Paulus nonggunaakon iwi-iwi' na kasampatannyo da mompolele lele lengkat mae hi Tumpu toka hi to mia-mian Yahudi tukoonyo i Yesus aijo'mo na Tomundo' anu Momposalamat anu jinanjimo nu Tumpu.

1 PETRUS 5:12

Sulatku anu ola kodo-kodo' aiya tinulisku toka hi belemiu tinulungan i Silas, anu ku anggap samian na utus Kristen, anu mohongo-hongo. Aku kahanda' mongkakeha' belemiu, ka' mompohoson kinyonyoa nu belemiu, kalana apaa na anu tinuliskumo aiya lele anu totu'u aijo'mo balakat nu Tumpu. Opai-pai lio da komiu mintoong ahi' hoso-hoson i balakat aijo'.

1 YOHANES 4:10

Aiyamo na kalibosan: Misa' kita na anu nongkalibosimo Tumpu Allah, panyo Tumpu na anu nongkalibosimo kita, ka' anu nonsaimo mae Anak-Nyo da kalana Ia, dosa'to iwi-iwi' nohumpakmo ka'ampunan.

1 YOHANES 5:9

Kita palesaya hi anu sinakisianmo nu mian, panyo anu sinakisianmo nu Tumpu na lebe totu'u. Ka' aijo'mo na anu sinakisianmo nu Tumpu mongkona Anak-Nyo.