1 YOHANES 4:12 - KITAB NU TUMPU ALLA LELE MA'IMAI'

¹² Madi' ko samian pe'e na anu toho'mo nontoa Tumpu, panyo de kita mompaha kali-kalibosi, Tumpu mosa'angu'mo tiba kita, ka' kalibosan-Nyo ganaapmo i butongto.

1 YOHANES 4:12 ပူးပေါင်းရင်းမြစ်များ

KAJADIAN 32:30

Lapas aijo' i Yakub notataemo, “Aku nompaha piamo tiba Tumpu Allah, ka' aku daagi' tinumuu'.” Kalana aijo' sinanggohannyomo na tampat aijo' Pniel.

NOSABATMO 33:20

Ohup-Ku madi' Ku potoa hi belemiu, kalana madi' timbali mian montoa Aku ka' tataap sabole-bole tumuu'.

NOMBILANGMO 12:8

Ka' Aku motatae tiba ia mompaha ahop, ka' anu sahondo-hondonyo, madi' mongande-andeakon. Ka' mule' ohup-Ku tinoanyomo! Kadaka' belemiu baani mompisala'i i Musa, posaihon-Ku aijo'?”

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

1 KORINTUS 13:13

Jadi, tempo' aiya totolu' na han anu tionyo saja' obaunto: palesaya, montaha'imani, ka' mompaha kali-kalibosi. Anu talalo hondo penting i anu totolu' aiya, aijo'mo, mongkalibosi to mia-mian sangga'at.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

IBRANI 11:27

Kalana bala'iman, sahingga i Musa nompala'imo Mesir ka' madi'mo mabuhuk maumo nu tambuha'i nu tomundo'. I Musa nolausakonmo patujunyo sumomo ia nontoamo Tumpu anu madi' otoa-toa.

1 YOHANES 2:5

Panyo mian anu tulu-tulutan i potatae nu Tumpu, mian aijo' mongkalibosi Tumpu totu-totu'u. Aijo'mo na tandanyo taalu' kita tumuu' nosa'angu'mo tiba Tumpu.

1 YOHANES 3:24

Iwi-iwi' na mian anu tulu-tulutan i to pale-palentah nu Tumpu, tumuu' nosa'angu' tiba Tumpu, ka' Tumpu nosa'angu' tiba aha. Ka' osumbu'to saba' Tumpu tumuu' nosa'angu' tiba kita, kalana Ia nombee'imo Roh-Nyo hi kita.

1 YOHANES 4:16

Kita nonsumbu'mo ka' pinalesayamo i kalibosan nu Tumpu Allah hi kita. Tumpu aijo', mongkalibosi. Mian anu kantumuu'annyo kinuasanmo nu kalibosan, mian aijo' nosa'angu'mo tiba Tumpu Allah, ka' Tumpu nosa'angu'mo tiba ia.

1 YOHANES 4:20

De samian motatae, “Aku mongkalibosi Tumpu,” panyo ia madi' mongkalibosi utusnyo, mian aijo' baleko'. Kalana mian anu madi' mongkalibosi utusnyo anu nutoa, madi' moko ala mongkalibosi Tumpu anu madi' nutoa.

1 YOHANES 4:6

Panyo kita to ana-anakmo nu Tumpu; ka' mian anu nonsumbu'mo Tumpu, nohongomo potataento. Mian anu misa' anu nu Tumpu, madi' nohongo potataento. Sumo aijo' na balu-balu'nyo kita monsumbu' pompahasala'an nu Roh anu mombee'i pangajalan anu totu'u, ka' roh anu madi' totu'u.