1 YOHANES 4:1 - KITAB NU TUMPU ALLA LELE MA'IMAI'1 To Utu-utus anu okanonongi! Boli palesaya hi mian iwi-iwi' anu mangaku ko Roh nu Tumpu, panyo o uji' pe'e na aha da osumbu' pa' roh anu daagi' hi aha aijo' nolengkat mae hi Tumpu Allah kabai misa'. Kalana nabi anu madi' totu'u nanjoo'mo na namba noyaya. အခန်းကိုကြည့်ပါ။ |
Panyo tinaaman nu Tumpu, “Nabi haha aijo' nompoto'imo anu madi' totu'u kalana notataemo nomboa mae atas sanggong-Ku; Aku na madi' ahi' nonsai mae aha ka' madi' mule' ahi' nombee'i mae palentah kabai nompoto'i hi aha. Apa-apaa na anu tinoamo nu aha sisinisikmo nu aha na misa'ahi' lengkat mae hi beleng-Ku; aha nongkila-kilamo hahan anu jadi aiya mae i ahop, aijo' anu madi' kokaliangannyo, ola anu pinosi kuku nu aha ipala.
Hi samian binee'an kuasa da timbali mombau anu okabangangi, ka' hi sangga'at binee'an balakat da mompoto'iakon tanga'an-tanga'an nu Tumpu. Hi sangga'at mule' Roh aijo' nombee'i balakat da moko ala mompotantu pompahasala'annyo iya na balakat anu lengkat mae hi Roh nu Tumpu, ka' iya na misa'. Daagi' ko anu binee'an balakat da motatae nu ngangahan na basa' anu okabangangi, ka' daagi' mule' ko anu binee'an balakat da monsisikakon poso'nyo nu basa' haha aijo'.
Boli sampa-sampa' bingong kabai madi'mo sanang na kinyonyoa kalana ko lelemo i hongo tukoonyo sinaa po'ule'mo katokaan nu Tumpu Yesus tinokamo. Kugantang lele aijo' nolengkat mae i sa'angu' na lele anu jadi aiya mae i ahop, kabai lengkat mae i sa'angu' na ajalan; kabai ugaat daagi' ko anu notatae, tukoonyo kami toho'mo nontulis anu sumo aijo' i uno nu sala'sa'angu' na sulat mami.
Tempo'nyo naipuan mae mian anu palesayamo hi Tumpu itina' hi komiu ko anumo tinimbali to nabi-nabi anu madi' totu'u. Sumo aijo' mule' itina' hi komiu saidi' mae ko anumo timbali to gulu-gulu' anu madi' totu'u. Aha mompogulu' to panga-pangajalan anu madi' totu'u, anu mombinasai mian. Ka' aha saidi' mae mompojalomo Anu Matangkas na kuasanyo anu nompobebasmo aha. Tiba jalan anu sumo aijo' aha mompotokamo kasilaka'an i posi butong, anu madi'mo pin nuta'upmo nu aha.