1 YOHANES 3:7 - KITAB NU TUMPU ALLA LELE MA'IMAI'

⁷ To ana-anakku, boli mompobee' mau mule' ihe anu momposala' pikilan miu. Mian anu mombau pongka'oho' nu Tumpu atina'mo na anak nu Tumpu, susumo i Kristus Anak nu Tumpu.

1 YOHANES 3:7 ပူးပေါင်းရင်းမြစ်များ

MAZMUR 106:3

Mohumpak ka'ima'an na mian anu montuluti totu-totu'u palentahnyo iwi-iwi', ka' saja' totu'u na anu, nu bau.

MAZMUR 45:7

Tumpu mombee'imo kuasa beleyum da mompalentahmo kakuasa'an nu beleyum pin hondo sampe toka sidu-sidutu'; beleyum adinmo na mompalentah layat nu beleyum.

MATIUS 5:20

Jadi, o inau': Madi' opoko ala miu na timbali mian anu palesayamo hi Tumpu, de madi' molabii to gulu-gulu' agama, ka' to mia-mian Farisi i uno nu han mombau pongka'oho' nu Tumpu Allah!”

LUKAS 1:75

saja' tulut hi Ia ka' momposanang kinyonyoa-Nyo i uno nu kantumuu'anto.

SISIKON NU TO RASUL-RASUL 10:35

Mian anu mabuhuk hi Tumpu ka' mombau anu ma'ima', mian aijo' otalima nu Tumpu, madi' mompile'i ia bansa apaa.

ROMA 2:13

Kalana mian po'ule'mo ma'ima' tiba Tumpu, misa' kalana mian aijo' nonsumbu'mo atulan nu agama Yahudi, panyo kalana ia nombaumo apaa na anu tuli-tulis i uno nu atulan aijo'.

1 KORINTUS 6:9

Osumbu' miu na to mia-mian anu madi' montuluti pongka'oho' nu Tumpu madi' timbali mian anu palesayamo hi Tumpu? Boli o akali! To mia-mian anu masala', to mia-mian anu bapilogot, anu masala', anu mombau anu moko ambang hi sangko gampanyo bubuu' mo'ane, kabai bubuu' boune,

EFESUS 5:6

Boli komiu nu akali nu to sisi-sisik anu madi' mimbatu. Kalana anu hahan aijo'mo na monsaduakon Tumpu montambuha'i to mia-mian anu madi' tulu-tulutan hi Ia.

EFESUS 5:9

Kalana lengkat i jingka aijo' na kalubatan nu ngangahan na bauon anu ma'ima', adin ka' hodi' i pontoan nu Tumpu.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

IBRANI 1:8

Panyo hi Anak aijo', Tumpu notatae, “Kalaja'an nu Belento, o Tumpu, sangkutnyo sampe toka sidu-sidutu'! Kapalentahan nu Belento atina'mo na kapalentahan anu adin.

IBRANI 7:2

Jadi, i Abraham nombee'imo i Melkisedek anu i humpaknyo namba nahampate binagi sampulu' na bagian, sambahagian na binee'nyo. (Sanggo i Melkisedek alati'nyo, anu momonanyo, “Tomundo nu Ka'adilan”; ka' kalana ia tomundo lengkat mae i Salem, sahingga sanggonyo alati'nyo mule' “Tomundo Ka'ima'an”.)

YAKOBUS 1:22

Tionyo ahi' obau miu apaa na anu pinoto'imo nu Tumpu, boli ola mohongo, sahingga desumo aijo' oposi akalimo miu na butong miu.

YAKOBUS 2:19

Te madi' opalesaya miu Tumpu ola sa'angu'? Jadi to roh-roh ma'idek suele palesaya ka' nulakat nu kabuhukan na aha!

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.

1 YOHANES 2:1

To ana-anakku! Aku nontulis aiya toka hi komiu da komiu boli mombau dosa'. Panyo de ko anu mombau dosa', saba' hi kita daagi' ko samian na anu mombolosakon, aijo'mo i Yesus Kristus anu talalo adin hondo aijo'; Iaje na mompoitakon ka'ampunan dosa' hi Tuuma.

1 YOHANES 2:26

Aku nontulismo aiya toka hi belemiu kona hi to mia-mian anu hau-haunyo ko kahanda'mo mongakali komiu.

1 YOHANES 2:29

Komiu nonsumbu'mo taalu' i Kristus titumuu'mo tulu-tulutan i pongka'oho' nu Tumpu. Kalana aijo' komiu tionyo ahi' monsumbu' suele saba' batu-batu mian anu tumuu'mo tulu-tulutan i pongka'oho' nu Tumpu, atina' anakmo nu Tumpu.

1 YOHANES 3:18

To Ana-anakku! Boli mongkalibosi ola i nganga' kabai ola i potatae. Tionyo ahi' kita mongkalibosi nu kalibosan anu totu-totu'u, anu oponyata' i palabuatanto.

1 YOHANES 3:3

Iwi-iwi' na mian anu montaha'imani i Kristus susumo aiya, mompokopiani ahi' butongnyo da totu-totu'u susi', belesi' madi' baladosa' sumo i Kristus susi'.

1 YOHANES 4:17

Kalibosan aijo' pinotimbalimo ma'ima' hondo i uno nu butongto, da kita ko kabaanian toka i Sinaa anu Pomputusianmo. Kita ko kabaanianmo, kalana kantumuu'anto i dunia aiya pokakanamo sumo kantumuu'an i Kristus.