1 YOHANES 3:5 - KITAB NU TUMPU ALLA LELE MA'IMAI'

⁵ Osumbu' miu saba' i Kristus toka mae da monsapui to dosa-dosa' nu mian, ka' memang madi'mo ko dosa'nyo i uno nu butong-Nyo.

1 YOHANES 3:5 ပူးပေါင်းရင်းမြစ်များ

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

MATIUS 1:21

I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”

LUKAS 23:41

Ola hukuman hi kita ohua' yo timbangnyomo tiba anu binaunto! Panyo Ia madi' hondo ko sala'nyo!”

LUKAS 23:47

Salatan tinoa nu kapala nu suludadu apaa na anu tinimbalimo aijo', ia nompuji'mo Tumpu. Lantas ia notataemo, “Totu-totu'u, Ia madi' ko sala'nyo!”

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

YOHANES 1:31

Ma'isa pe'e Ia tinoka, aku madi' monsumbu' pa' ihe na Ia aitu. Padahan aku tinokamo nompalamandikan nu uee da bansa Israel monsumbu' Ia.”

YOHANES 14:30

Aku madi'mo daagi' basisik lebe manjoo' tiba komiu, kalana tempo'nyomo na kuasa nu dunia aiya toka. Panyo ia madi' mongkuasai butong-Ku.

YOHANES 8:46

Ihe na anu atina' hi komiu moko ponyata' daagi' ko dosa' hi beleng-Ku? De Aku montaeakon kahondoan, kadaka' komiu madi' palesaya hi beleng-Ku?

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

1 TIMOTIUS 1:15

Totu'u hondo na potatae aiya – kalana aijo' tionyo ahi' otalima ka' opalesaya sahondo-hondonyo –: “I Kristus Yesus tinoka i dunia aiya da momposalamat mian baladosa'.” Ka' akumo na mian baladosa' anu talalo ma'idek.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 4:15

Imam Daka'to anu talasanggo aijo' misa' imam anu madi' moko ala mongoa'i apa-apaa na anu madi' opoko ala o oa'into. Panyo Ia sinobanmo i uno nu iwi-iwi' na han, pokakana sumo kita; ola Ia madi' nombau dosa'.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

IBRANI 9:26

Kalana desumo aitu, aijo' alati'nyo saja' pino'uli-ulit-Nyo na nongoa'i kasansala'an salatanmo pe'e dunia aiya pinotimbali. Panyo bukuti'nyo, uuka aiya i tempo' anu i mihinyomo aiya, Ia tinoka ola ninsan da mompobelesi dosa', aijo'mo nongkolobanakonmo posi butong-Nyo.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

1 PETRUS 1:18

Osumbu' nu belemiu apaa na anu binayanakonmo da bau pompobebas belemiu i kantumuu'an anu madi' ko angga'nyo anu pinotatu-tatusakonmo nu mompolee' miu. Pinombayannyo misa' pa' apaa anu timbali ma'idek sumo salaka kabai mosoni',

1 PETRUS 1:20

I Kristus pinile'anmo nu Tumpu ma'isa pe'e dunia aiya pinotimbali. Ka' i sinaa aiya tempo' nu mongahopimo kakiamatan, Ia tinokamo i dunia da belemiu oposalamat.

1 PETRUS 2:22

Ia madi' toho' nombau dosa', ka' madi' toho' samian pe'e na nohongo Ia binaleko'.

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 YOHANES 1:2

Salatan kantumuu'an aijo' pinonyata'mo, kami nontoamo. Mokonyo aijo' kami nompoto'imo apaa na anu sinakisianmo mami mongkona Ia. Kami nompolelemo hi komiu mongkona kantumuu'an anu totu'u ka' anu toka sampe sidu-sidutu', anu daagi' hingga-hinggat tiba Tuuma, ka' anu pinonyata'mo hi kami.

1 YOHANES 1:7

Panyo de kita tumuu'mo i uno nu jingka susumo Tumpu i uno nu jingka, saba' kita suele ahi' tumuu' sambukumo, mompaha dame-damemo samian ka' samian, ka' baso' i Yesus, Anak-Nyo, na mompolomasmo dosa'to iwi-iwi'.

1 YOHANES 2:1

To ana-anakku! Aku nontulis aiya toka hi komiu da komiu boli mombau dosa'. Panyo de ko anu mombau dosa', saba' hi kita daagi' ko samian na anu mombolosakon, aijo'mo i Yesus Kristus anu talalo adin hondo aijo'; Iaje na mompoitakon ka'ampunan dosa' hi Tuuma.

1 YOHANES 2:2

I Yesus Kristus na mombolosakon da iwi-iwi' na dosa'to o ampuni. Ka' misa' ola dosa'to panyo suele tiba dosa' nu iwi-iwi' mian.

1 YOHANES 2:29

Komiu nonsumbu'mo taalu' i Kristus titumuu'mo tulu-tulutan i pongka'oho' nu Tumpu. Kalana aijo' komiu tionyo ahi' monsumbu' suele saba' batu-batu mian anu tumuu'mo tulu-tulutan i pongka'oho' nu Tumpu, atina' anakmo nu Tumpu.

1 YOHANES 3:8

Panyo mian anu sabau-baunyo dosa' atina'mo na anak nu Ibilis, kalana Ibilis binaladosa' salatanmo pe'e momonanyo. Kalana han aijo' sahingga Anak nu Tumpu tinoka mae aijo'mo da monggalisi pakalaja'an nu Ibilis.

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.