1 YOHANES 3:3 - KITAB NU TUMPU ALLA LELE MA'IMAI'

³ Iwi-iwi' na mian anu montaha'imani i Kristus susumo aiya, mompokopiani ahi' butongnyo da totu-totu'u susi', belesi' madi' baladosa' sumo i Kristus susi'.

1 YOHANES 3:3 ပူးပေါင်းရင်းမြစ်များ

2 SAMUEL 22:27

Kakona hi mian anu Nu poto'i na butong nu Belento susi' panyo mian anu mombau anu ma'idek na oka'ideki ahi' nu Belento.

MATIUS 5:48

Tuumaum i suluga' mongkalibosi iwi-iwi' na mian totu-totu'unyo. Komiu tionyo suele sumo aitu.”

LUKAS 6:36

Tionyo komiu ko kalibosan susumo Tuumaum suele ko kalibosan!”

YOHANES 17:19

Bau kapalaluan nu aha, Aku mombee' butong-Ku da osumbu' ahi', taalu' kita Tuuma na tumpunyo, da aha suele timbali matungka' kita Tuuma na tumpunyo, aijo' nyata' i hahan anu hondo.

SISIKON NU TO RASUL-RASUL 15:9

Tumpu montoa kita pokakana sumo aha. Ia nompobelesimo kinyonyoa nu aha, kalana aha palesaya.

ROMA 15:12

Ka' aiya suele na anu tinaloakonmo i Yesaya, “Lengkat mae hi lee' i Isai tokaje na sala'samian anu mompalentah to bansa-bansa; hi Ia na bau kataha'imanan nu to bansa-bansa.”

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

KOLOSE 1:5

Komiu pinalesayamo ka' komiu nongkalibosimo, kalana komiu monginde'i apaa na anu pinosadiamo i suluga' nu Tumpu bau bagi miu. Komiu nohongomo han aijo', salatan Lele Ma'ima' anu totu'u pinotokamo hi komiu.

2 TESALONIKA 2:16

O amalakon hi Tumpunto Yesus Kristus ka' Tumpu Tuumanto mongindeko' ka' mompohosonakon kinyonyoa miu da komiu timbali mongkalaja ka' mompolele apaa na anu ma'ima'. Kalana Tumpu mongkalibosi kita, ka' kalana kanonongan nu kinyonyoa-Nyo, Ia nompotimbalimo kita saja' sabaan ka' montaha'imani anu ma'ima'.

TITUS 3:7

da kalana balakat i Yesus, kita mompo'ule'mo ma'ima' tiba Tumpu, ka' kita mohumpakmo kantumuu'an anu ma'ima' sampe toka sidu-sidutu', anu saja' o'ima-imaninto.

IBRANI 12:14

Bala usaha da tumuu' simbulu tiba to mia-mian. Ka' Bala usaha mule' da tumuu' susi', na palesaya hi Tumpu. Kalana madi' ko samian pe'e na moko ala montoa Tumpu de madi' ia tumuu' sumo aijo'.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

1 PETRUS 1:15

Panyo, tionyo ahi' komiu susi' i iwi-iwi' na han anu obau nu belemiu, pokakana sumo Tumpu anu molagamo belemiu aijo' susi'.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.

2 PETRUS 1:4

Tiba jalan anu sumo aijo' na Tumpu nombee'imo kita to bala-balakat anu ko angga'nyo ka' madi' ko gampanyo anu jinanji'-Nyomo. Kalana balakat haha aijo' sahingga belemiu nolapasmo i han anu ma'idek anu lewa' okamilui ka' anu nongideimo dunia aiya, ka' komiu nohumpakmo atulan nu Tumpu.

2 PETRUS 3:14

Kalana aijo', to utu-utus anu okanonongi, hau-haunyo belemiu montanda'imo Sinaa aijo', bala usaha totu-totu'u da tumuu' susi' ka' madi' ko alunyo i ahop nu Tumpu. Ka' opokopiani ima-ima' na pompahasumbu'an tiba Tumpu.

1 YOHANES 2:6

De ihe na motatae tukoonyo ia tumuu' nosa'angu'mo tiba Tumpu, ia tionyo ahi' tumuu' mombatuki lawo i Kristus.

1 YOHANES 4:17

Kalibosan aijo' pinotimbalimo ma'ima' hondo i uno nu butongto, da kita ko kabaanian toka i Sinaa anu Pomputusianmo. Kita ko kabaanianmo, kalana kantumuu'anto i dunia aiya pokakanamo sumo kantumuu'an i Kristus.