1 YOHANES 3:21 - KITAB NU TUMPU ALLA LELE MA'IMAI'

²¹ Jadi, to Utu-utusku anu okanonongi, de kinyonyoanto madi' mompisala'i kita, kita timbali baani na mangadap hi Tumpu.

1 YOHANES 3:21 ပူးပေါင်းရင်းမြစ်များ

AYUB 22:26

Sahingga beleyum timbalije saja' sabole-bole palesaya hi Tumpu Allah, ka' nusumbu'mo nu beleyum taalu' ia ahi' na pinolengkatan nu kasanangan nu beleyum.

AYUB 27:6

Aku sabole-bole ahi' montoongi kalakuanku anu saja' hondo tulu-tulutan, ka' suele kinyonyoangku saja' belesi'.

MAZMUR 101:2

Aku mompasangkilamo kantumuu'an anu madi' ko kasala'annyo. Hipianje na Belento toka mae hi belengku? Aku tumuu'mo susi' i laiganku,

ROMA 14:22

Ola ahi' apaa na anu nupalesaya nu kita Utus aijo', olamo ahi' kita Utus na mosi bau aijo' i ahop nu Tumpu. Mian anu madi' mongoa'i kasala'an apaa na anu nusangka totu'u, mian aijo' tantu bilahimo.

1 KORINTUS 4:4

Aku madi' mongoa'i sala' i uno nu han mau mule' pa' apaa, panyo aijo' misa' bukuti' au'-aitu aku memang madi' kosala'nyo. Posi Tumpuje na montantukan aku kosala'nyo kabai madi'.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

EFESUS 3:12

Kalana palesaya hi Kristus, ka' kalana nosa'angu'mo tiba Ia, kita pinoloasmo mongohani Tumpu kalana pinalesayamo totu-totu'u.

1 TIMOTIUS 2:8

Ku kahanda'i da mau mule' iya mae na to momo'ane balado'a ming kinyonyoa ahi' anu susi', madi' pusa kabai ko po'uwalian.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

IBRANI 4:16

Kalana aijo' imbo' na kita babaani na mangadap hi Tumpu Allah anu ma'ima' hondo na mompalentah. Tumpu mongkalibosije kita ka' mombalakati kita da kita nu tulungi de tokamo na tempo'nyo anu tinantukanmo.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.

1 YOHANES 2:7

To Utu-utus anu okanonongi! Anu ku tulis aiya misa' sa'angu' na palentah anu sala'je. Aiya palentah anu pininmo anu pinotokamo hi belemiu salatanmo pe'e komiu nontampu'unimo pinalesaya hi Kristus; aijo'mo lele anu lengkat mae hi Tumpu Allah anu noko hongomo miu momonanyo.

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.

1 YOHANES 3:20

Osumbu'to, saba' de kita nupisala'i nu kinyonyoanto, ponsumbu'an nu Tumpu lebe daka' molingkudui ponsumbu'an nu kinyonyoanto, ka' mule' Ia na monsumbu' iwi-iwi'.

1 YOHANES 4:17

Kalibosan aijo' pinotimbalimo ma'ima' hondo i uno nu butongto, da kita ko kabaanian toka i Sinaa anu Pomputusianmo. Kita ko kabaanianmo, kalana kantumuu'anto i dunia aiya pokakanamo sumo kantumuu'an i Kristus.

1 YOHANES 5:14

Ka' baanimo na kita mangadap hi Tumpu, kalana opalesayanto totu-totu'u do'anto Nu talimamo, de opoitanto, mau mule' pa' apaa, asan anu kona i pongka'oho'-Nyo.