1 YOHANES 3:20 - KITAB NU TUMPU ALLA LELE MA'IMAI'

²⁰ Osumbu'to, saba' de kita nupisala'i nu kinyonyoanto, ponsumbu'an nu Tumpu lebe daka' molingkudui ponsumbu'an nu kinyonyoanto, ka' mule' Ia na monsumbu' iwi-iwi'.

1 YOHANES 3:20 ပူးပေါင်းရင်းမြစ်များ

AYUB 27:6

Aku sabole-bole ahi' montoongi kalakuanku anu saja' hondo tulu-tulutan, ka' suele kinyonyoangku saja' belesi'.

AYUB 33:12

O, Ayub, pikilan nu beleyum atina' sala' iwi-iwi'! Kalana Tumpu Allah ahi' na lebe daka' molingkudui manusia.

MAZMUR 90:8

Belento nompo'una'mo kasala'an mami i ahop nu Belento, dosa' mami anu sulu-suluk kinantoaanmo hi Belento.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

YOHANES 8:9

Salatan nohongo i Yesus nontaloakon sumo aijo', i nambamo na aha nompala'i tampat aijo' toto samian lengkat pe'e i anu lebe motu'amo. Ahennyo i Yesus me sausa'nyo i kiijo' tiba boune anu daagi' tinjo-tinjo i katinjoannyo.

SISIKON NU TO RASUL-RASUL 5:33

Salatan to sanga-sangalunyo nu Mian Kopian Daka' nu Agama nohongomo aijo', aha pinusamo hondo ka' aha nosa'angu'mo na tanga'an da mompateimo to rasul-rasul haha aijo'.

ROMA 8:34

Pa' daagi' ko mian anu mongka'oho' mompo sala' kita? I Kristus Yesus na montinjohi kita! Ia na anu sinilakamo, kabai memanga Iamo na po'ule'mo pinotumuu' salatan Ia sinilaka ka' kiita'mo mae hi Tumpu i tampat anu mongkuasai.

1 KORINTUS 4:4

Aku madi' mongoa'i sala' i uno nu han mau mule' pa' apaa, panyo aijo' misa' bukuti' au'-aitu aku memang madi' kosala'nyo. Posi Tumpuje na montantukan aku kosala'nyo kabai madi'.

TITUS 3:11

Nu sumbu' saba' mian anu sumo aijo' palaganta ka' dosa'nyo haha aijo' na ponsumbu'an saba' ia memang sala'mo.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

IBRANI 6:13

Tempo'nyo Tumpu binajanji' hi Abraham, Ia binasumpa'mo tukoonyo, nu bauje apaa na anu jinanji'nyomo. Ka' kalana madi' ko anu lebe matangkas molingkudui Tumpu, sahingga Ia binasumpa'mo i posi sanggo-Nyo.

1 YOHANES 3:19

Sumo aitu na balu-balu'nyo kita monsumbu', saba' kita aijo' ninsoopmo to ana-anak nu Tumpu anu totu'u, ka' kinyonyoanto tataapmo i ahop nu Tumpu.

1 YOHANES 3:21

Jadi, to Utu-utusku anu okanonongi, de kinyonyoanto madi' mompisala'i kita, kita timbali baani na mangadap hi Tumpu.

1 YOHANES 4:4

Panyo to Ana-anakku komiu anumo nu Tumpu. Komiu nohungku'imo to nabi-nabi anu madi' totu'u kalana Roh anu daagi' hi belemiu lebe daka' na kuasanyo molingkudui roh anu daagi' hi to mia-mian anu kinuasanmo nu dunia aiya.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.