1 YOHANES 3:2 - KITAB NU TUMPU ALLA LELE MA'IMAI'

² To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.

1 YOHANES 3:2 ပူးပေါင်းရင်းမြစ်များ

AYUB 19:26

Maumo kilitku kahomo bela ka' nobehe-behe'mo, panyo de daagi' ko butongku, Tumpu Allah saja' ku tonto'i.

MAZMUR 16:11

Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MAZMUR 31:19

Paha onsongi na nganga' nu mian anu toto bale-baleko' kalana katabuulan nu aha sola'mo mongalu mian anu madi' tageo' na kinyonyoanyo.

YESAYA 56:5

saba' sanggo nu belemiu madi' okolilimi i uno nu Laigan-Ku, ka' mule' hi aha bansang-Ku. Aijo' na lebe ma'ima' nalingkudui na mohumpak anak to momo'ane ka' to bou-boune. Belemiu ku bee'imo sanggo sidu-sidutu', anu madi'mo okolilimi.”

MALEAKHI 3:2

Tetapi ihe na moko ala totahan i sinaa nu Tumpu anu tokamo mae aijo' ka' mompotoamo butong-Nyo? Kalana Ia sumomo ahi' apu nu tukang anu lewa' monsopu' logam, ka' mule' sumomo ahi' sabung nu tukang baso'i hude.

MATIUS 5:8

Bila-bilahi na mian anu molino na kinyonyoanyo; aha monsumbu'je Tumpu!

LUKAS 17:30

Sumo aitumo na baunyo saidi' mae de sinaa Anak nu Mian oponyata'mo.

LUKAS 20:36

Baunyo nu aha sumomo malaikat, ka' madi'mo silaka. Aha te ana-anakmo nu Tumpu, kalana aha po'ule'mo tinumuu' lengkat i kapatean.

YOHANES 1:12

Panyo daagi' ahi' ko anu montalima Ia, ka' palesaya hi Ia; aha binee'an-Nyo hak timbali Anak nu Tumpu,

YOHANES 11:52

Ka' misa' ola bau kapentingan nu bansa Yahudi, panyo mule' da molimu' ka' momposa'angu' ana-anak nu Tumpu anu noga'aga'atmo.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

ROMA 8:16

Roh nu Tumpu tiba roh to momponyata' saba' kita aitu ana-anak nu Tumpu.

ROMA 8:18

Iwi-iwi' na kasansala'an anu o'oa'into uuka aiya, de aku na montutugi, madi' opoko ala opokakanakon tiba kabilahian anu oponyata' hi kita.

ROMA 8:19

Songko-songko na dunia daka-daka' na kinyonyoa montanda'i te tempo'nyo Tumpu momponyata' to ana-anak-Nyo.

ROMA 8:29

Aha anu pinile'anmo nu Tumpu, pinoko tantukanmo lengkat pe'e i imomoonanyo da timbali pokakana sumo Anak-Nyo, aijo'mo i Yesus Kristus. Kalana aitu Anak aijo' timbalimo anu tongkoimoona hi aha anu moto utus manjoo'.

1 KORINTUS 13:12

Apaa na anu otoanto uuka aiya daagi' sumo lolung anu madi' manasa i uno nu mongkitaan. Panyo saidi' mae otoantoje mana-manasa. Uuka aiya ma'isa kusumbu' iwi-iwi', panyo saidi' mae kusumbu'je iwi-iwi', pokakana sumo Tumpu monsumbu' songko-songko butongku.

1 KORINTUS 15:49

Susumo kita uuka aiya pokakana i Adam tano' na binau, saba' saidi' mae kita timbalije sumo Ia anu lengkat mae i suluga'.

1 KORINTUS 2:9

Ola ahi' han aijo' sumo anu tinulismo i Kitab nu Tumpu Allah, “Apaa na anu madi' toho' tinoa kabai i hongo nu mian, ka' madi' mule' toho' i lubat i pikilan nu mian, aijo'mo na pinotouka nu Tumpu bau bagi nu to mia-mian anu mongkalibosi Ia.”

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

GALATIA 3:26

Kalana komiu pinalesayamo hi Kristus Yesus, sahingga komiu nosa'angu'mo tiba ia; ka' kalana aijo', komiu timbalimo to ana-anak nu Tumpu.

GALATIA 4:6

Kalana komiu to ana-anakmo nu Tumpu, Tumpu nonsaimo mae Roh nu Anak-Nyo da minsoop i uno nu kinyonyoa nu kita Utus ka' i kinyonyoangku, aijo'mo Roh anu notatae, “Tuuma, o, Tuumangku.”

FILIPI 3:21

Butongto anu madi' mahoson ka' anu timbali mohonsu aiya nubali'ije i Kristus timbali sumo butong-Nyo anu talasanggo. Ia timbali moko ala mombau aijo' kalana Ia daagi' ko kuasa mompatundu' iwi-iwi na apaa.

KOLOSE 3:4

Jadi, pinolengkatan nu kantumuu'an miu anu totu-totu'u atina'mo hi Kristus, ka' de Ia po'ule'mo otoa, komiu suele tokamo mae hingga-hinggat tiba Ia ka' opopodaka'mo suele tiba Ia!

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

2 PETRUS 1:4

Tiba jalan anu sumo aijo' na Tumpu nombee'imo kita to bala-balakat anu ko angga'nyo ka' madi' ko gampanyo anu jinanji'-Nyomo. Kalana balakat haha aijo' sahingga belemiu nolapasmo i han anu ma'idek anu lewa' okamilui ka' anu nongideimo dunia aiya, ka' komiu nohumpakmo atulan nu Tumpu.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.

1 YOHANES 2:7

To Utu-utus anu okanonongi! Anu ku tulis aiya misa' sa'angu' na palentah anu sala'je. Aiya palentah anu pininmo anu pinotokamo hi belemiu salatanmo pe'e komiu nontampu'unimo pinalesaya hi Kristus; aijo'mo lele anu lengkat mae hi Tumpu Allah anu noko hongomo miu momonanyo.

1 YOHANES 3:1

Soba toa na Tumpu nongkalibosimo hondo sahingga kita ingakuannyomo sumomo to ana-anak-Nyo. Ka' memang kita to ana-anakmo nu Tumpu. Mokonyo aijo' dunia anu na'idekmo aiya madi' monsumbu' kita kalana dunia madi' monsumbu' Tumpu.

1 YOHANES 3:10

Aiya na pompaha sala'annyo, to ana-anak nu Tumpu tiba to ana-anak nu Ibilis; ihehe na madi' mombau pongka'oho' nu Tumpu, kabai madi' mongkalibosi Utusnyo, ia misa' anak nu Tumpu.

1 YOHANES 3:21

Jadi, to Utu-utusku anu okanonongi, de kinyonyoanto madi' mompisala'i kita, kita timbali baani na mangadap hi Tumpu.

1 YOHANES 5:1

Mian anu pinalesayamo tukoonyo i Yesus aijo'mo na Tomundo anu Momposalamat anu jinanji'mo nu Tumpu, mian aijo' Anakmo nu Tumpu. Mian anu mongkalibosi tuumanyo, tuumanyo suele mongkalibosi anaknyo.

ANU PINOTO'I HI YOHANES 2:28

Aha montalimaje mandala' nu kabete'an hi beleng-Ku.

ANU PINOTO'I HI YOHANES 22:4

ka' montoamo ohup-Nyo. Sanggo-Nyo saidi' mae o tulisje i siakan nu Aha.