1 YOHANES 3:19 - KITAB NU TUMPU ALLA LELE MA'IMAI'

¹⁹ Sumo aitu na balu-balu'nyo kita monsumbu', saba' kita aijo' ninsoopmo to ana-anak nu Tumpu anu totu'u, ka' kinyonyoanto tataapmo i ahop nu Tumpu.

1 YOHANES 3:19 ပူးပေါင်းရင်းမြစ်များ

MAZMUR 119:56

Aku nohumpakmo kantumuu'an ma'ima' kalana nontulutimo iwi-iwi' na atulan nu Belento.

YESAYA 32:17

Batu-batu mian mombaumo palabuatan anu totu'u sahingga daagi'mo ko kantumuu'an ma'ima' ka' madi'mo ko anu mombau kahengge'an sampe toka sidu-sidutu'.

YOHANES 13:35

De komiu mompaha kali-kalibosi, atina'je ka' nusumbu' nu mian iwi-iwi', taalu' komiu anu saja' mombatuki Aku.”

YOHANES 18:37

Lantas i Pilatus nompokilawamo hi Ia, “Desumo aitu Beleyum tomundo'?” I Yesus nontaami, “Beleyum notatae, Aku aiya tomundo'! Aku i hampe ka' tinoka i dunia daagi' ko sa'angu' na kahanda' aijo'mo mombee'i katalangan mongkona kahondoan. Mian anu lengkat mae i kahondoan aijo' mohongo Aku.”

ROMA 4:21

Ia palesaya hondo Tumpu timbali mombau apaa na jinanji'-Nyomo.

ROMA 8:38

Kalana kupalesaya hondo-hondo songko-songko na dunia, mau mule' kapatean kabai kantumuu'an, mau mule' malaikat kabai anu ko kuasa, mau mule' anu mompai patei uuka aiya, kabai anu mompai patei anu aiya mae i ahop, kabai anu toto hoso-hoson sangga'at;

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

IBRANI 11:13

Iwi-iwi' na mian haha aijo' tataap bala'iman sampe silaka. Aha madi'mo mohumpak hahan anu jinanji'mo nu Tumpu, panyo ola montanggalakon ka' molabot aijo' mae jo'o-jo'on. Ka' aijo' mule' aha mongakui, saba' aijo' aha ola mian anu lengkat mae i salipu'an ka' anu ola jojoong madi' pin i dunia aiya.

1 YOHANES 1:8

De kita motatae tukoonto, kita madi' baladosa', kita mombaleko'imo posi butongto; ka' Tumpu madi' ko anu i uno nu kinyonyoanto.

1 YOHANES 2:21

Jadi aku nontulis aiya toka hi belemiu misa' kalana komiu madi' monsumbu' pangajalan anu totu'u, panyo kalana komiu nonsumbu'mo, ka' komiu mule' nonsumbu'mo saba' madi' ko leko'nyo i uno nu pangajalan anu totu'u aijo'.

1 YOHANES 3:14

Sinumbu'tomo, saba' kita nosabatmo i kapatean, ka' nolalinmo i kantumuu'an. Sinumbu'tomo na aijo', kalana kita mongkalibosi to Utu-utus bubu' kita. Mian anu madi' mongkalibosi, alati'nyo daagi' nu kuasai nu kapatean.

1 YOHANES 3:20

Osumbu'to, saba' de kita nupisala'i nu kinyonyoanto, ponsumbu'an nu Tumpu lebe daka' molingkudui ponsumbu'an nu kinyonyoanto, ka' mule' Ia na monsumbu' iwi-iwi'.

1 YOHANES 3:21

Jadi, to Utu-utusku anu okanonongi, de kinyonyoanto madi' mompisala'i kita, kita timbali baani na mangadap hi Tumpu.