1 YOHANES 3:17 - KITAB NU TUMPU ALLA LELE MA'IMAI'

¹⁷ De samian anu daagi' ko kangalabian, montoa utusnyo anu madi'mo ko apa-apaa, panyo madi' mongka'oho' montulungi utusnyo aijo', mosia na mian aijo' timbali montaloakon tukoonyo ia mongkalibosi Tumpu?

1 YOHANES 3:17 ပူးပေါင်းရင်းမြစ်များ

AMSAL 12:10

Mian anu manonong mongkalesang potuu'onnyo; panyo mian anu ma'idek na kinyonyoanyo na ola ahi'monsakisa.

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

AMSAL 21:13

Ihe na madi' mongka'oho' mohongo tusa' nu mian anu kinaku langanmo madi' opolahatikan de ia na momoita tulung.

AMSAL 28:9

De beleyum madi' montuluti atulan nu Tumpu Allah, Tumpu Allah suele mongoa'i monguahi na mohongo do'a nu beleyum.

LUKAS 3:11

I Yohanes nontaami, “Mian anu ko baju' ohua', tionyo mombee'i sa'angu' hi mian anu madi' ko baju'; ka' anu daagi' ko kaanon tionyo mombagi.”

2 KORINTUS 8:9

Kalana osumbu' miu hondo kita talalo nukalibosi i Yesus Kristus Tumpunto. Ia kaya, panyo Ia nompotimbalimo butong-Nyo kasiasi kalana kapentingan miu da kalana Ia kinasiasimo aijo', komiu timbalimo kaya.

IBRANI 13:16

Boli okolilimi na mombau anu ma'ima' ka' mompaha tulu-tulungi, kalana aijo'mo na koloban anu momposanang kinyonyoa nu Tumpu.

YAKOBUS 2:15

Bisuannyo komiu mo'ane kabai boune mompalalui baju' ka' madi' ko kaanon sukup sansina-sinaa.

YAKOBUS 2:16

Apaa na gunanyo komiu motatae hi ia, “Higahi na mompusok baju' anu mamut ka' higahi na mongkaan!” – de komiu madi' mombee'i ia kapalaluan bau pontumuu'nyo?

1 YOHANES 4:20

De samian motatae, “Aku mongkalibosi Tumpu,” panyo ia madi' mongkalibosi utusnyo, mian aijo' baleko'. Kalana mian anu madi' mongkalibosi utusnyo anu nutoa, madi' moko ala mongkalibosi Tumpu anu madi' nutoa.

1 YOHANES 5:1

Mian anu pinalesayamo tukoonyo i Yesus aijo'mo na Tomundo anu Momposalamat anu jinanji'mo nu Tumpu, mian aijo' Anakmo nu Tumpu. Mian anu mongkalibosi tuumanyo, tuumanyo suele mongkalibosi anaknyo.