1 YOHANES 3:15 - KITAB NU TUMPU ALLA LELE MA'IMAI'

¹⁵ Mian anu mongka'ideki Utusnyo atina' topo patei, ka' osumbu' miu saba' mian anu topo patei madi' ko kantumuu'an kopian ka' sampe toka sidu-sidutu'.

1 YOHANES 3:15 ပူးပေါင်းရင်းမြစ်များ

KAJADIAN 27:41

Sahingga i Esau nongka'idekimo i Yakub, kalana Tuumanyo nombee'mo balakat hi utusnyo ise' aijo'. Ia binapikin, “Madi'mo daagi' pin tuumanyo silakamo, ka' lapas na kami moliwangi, i Yakub ku pateimo!”

MATIUS 5:28

Panyo uuka Aku motatae hi beleyum: Ihe na montoa samian na boune ka' ko napisunyomo, mian aijo' nasala'mo tiba boune aijo' i uno nu kinyonyoanyo.

MARKUS 6:19

Aijo'mo na sababnyo i Herodias monguna', i kinyonyoa ka'idekan hi Yohanes ka' kahanda' mompatei i Yohanes, panyo ia madi' moko bau han aijo', kalana nu polewo-lewot i Herodes.

YOHANES 4:14

“panyo mian anu monginum uee anu Ku bee', madi'mo daagi' megot sidu-sidutu'. Kalana uee anu Ku bee' aijo' timbalimo mata nu uee i uno nu butongnyo anu mo'ili mosabat ka' mombee'i ia kantumuu'an talakana' sampe toka sidu-sidutu'.”

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

SISIKON NU TO RASUL-RASUL 23:12

Subu-subu dodododopnyo, to mia-mian Yahudi nontampu'unimo nomposa'angu' tanga'an. Aha binasumpa'mo madi' mongkaan kabai monginum de aha ma'isa pe'e mompatei i Paulus.

SISIKON NU TO RASUL-RASUL 23:14

Aha namba hi kapala nu to imam-imam ka' to pola-polaya' nu Yahudi ka' notatae, “Kami binasumpa'mo hingga-hinggat, madi' mongkaan kabai monginum apa-apaa de kami ma'isa mompatei i Paulus.

PO'ULE' INGULIT 19:11

“Panyo madi' pokakana de ko mian molalubusi sampobali'nyo, ka' sangaja' memang mongka'ideki ka' mompateimo ia, lantas mompalaihakonmo butongnyo i sala'sa'angu' na kota palaian da boli opatei.

YAKOBUS 1:15

Ka' mule', de tanga'annyo anu ma'idek aijo' obatuki, atina'je ka' toka na dosa'; ka' de dosa' tahahumo ka'ahenannyo aijo'mo na kapatean.

1 PETRUS 1:23

Kalana potatae anu tumuu' ka' sampe toka sidu-sidutu' lengkat mae hi Tumpu aijo', belemiu pinotimbalimo manusia bu'ou anu misa' i hampeakon nu manusia, panyo lengkat mae hi Tuuma anu tumuu' sampe toka sidu-sidutu'.

1 YOHANES 2:11

Panyo mian anu mongka'ideki utusnyo, daagi' i uno nu kapintungan. Ia lumajang i uno nu kapintungan, ka' madi' nu sumbu' pa' moya na kalambanannyo, kalana kapintungan aijo' sahingga ia madi' moko ala montoa.

1 YOHANES 2:9

Mian anu motatae tukoonyo ia kiijo'mo i uno nu jingka, panyo mian aijo' daagi' mongka'ideki utusnyo, mian aijo' daagi' i uno nu kapintungan sampe tempo' uuka aiya.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”