1 YOHANES 3:11 - KITAB NU TUMPU ALLA LELE MA'IMAI'

¹¹ Salatanmo pe'e momonanyo pinotokakonmo na lele aiya hi komiu: Kita tionyo mompaha kali-kalibosi samian ka' samian.

1 YOHANES 3:11 ပူးပေါင်းရင်းမြစ်များ

YOHANES 13:4

Mokonyo aijo' Ia tinuminjo nongukat jubah-Nyo ka' nompobutu' handu i kompong-Nyo.

YOHANES 15:12

Aiya na palentah-ngKu: Kalibosi na samian ka' samian, pokakana sumo Aku mongkalibosi komiu.

GALATIA 6:2

Tionyo ahi' komiu mompaha tulu-tulungi kasusa'an nu mian, da tiba jalan anu sumo aijo' komiu montulutimo palentah i Kristus.

EFESUS 5:2

Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.

1 TESALONIKA 4:9

Madi'mo daagi' palalu na kami montulis sulat toka hi komiu mosia na komiu tionyo mongkalibosi to Utu-utus anu sa'a-sa'angu' na kapalesaya'an. Komiu suele ingajanmo nu Tumpu da mompaha kali-kalibosi.

1 TIMOTIUS 1:5

Kahanda' nu pokinde'ku aijo', atina'mo da mian timbali ko kinyonyoa anu ma'ima' ka' kinyonyoa anu ma'ima' ka' susi', tiba mule' totu-totu'u palesaya hi Tumpu, ka' tiba jalan anu sumo aijo' yo aha timbali mongkalibosi sangalunyo.

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 3:8

Isinyo aijo'mo: Oposa'angu' ahi' to Utu-utus na tanga'an ka' kinyonyoa. Pompaha kali-kalibosi ahi' sumo to mia-mian anu moto utus. Ka' mompaha kano-kanonongi ahi', ka' mintabiat madi' montige-tige.

1 PETRUS 4:8

Mompaha kali-kalibosi totu-totu'u samian ka' samian, aijo' na lebe molingkudui iwi-iwi' kalana de mompaha kali-kalibosi belemiu suele timbali mompaha ampu-ampuni.

1 YOHANES 1:5

Aiya na lele anu i hongomo mami lengkat mae hi Anak-Nyo ka' anu opotokamo mami hi komiu: Tumpu aijo' jingka, ka' hi Ia madi' hondo-hondo kokapintungan.

1 YOHANES 4:11

To Utu-utus anu okanonongi, de Tumpu sumo aijo' na pongkalibosinyo kita, kita suele tionyo ahi' mompaha kali-kalibosi samian ka' samian.

1 YOHANES 4:21

Kalana aijo', aiyamo na palentah anu binee'mo i Kristus hi kita: Ihe na mongkalibosi Tumpu tionyo ahi' suele mongkalibosi utusnyo.

1 YOHANES 4:7

To Utu-utus anu okanonongi! Imbo' da kita mompaha kali-kalibosi samian ka' samian, kalana kalibosan nolengkat mae hi Tumpu. Mian anu mongkalibosi atina' Anak nu Tumpu, ka' ia monsumbu' Tumpu.

2 YOHANES 1:5

Kalana aijo', Pontina'on, ku poita sabole-bole da kita iwi-iwi' mompaha kali-kalibosi. Anu ku poto'i aiya misa' sa'angu' na palentah anu sala'je; palentah aiya binee'mo hi kita salatanmo pe'e kita nontampu'unimo pinalesaya.