1 YOHANES 3:1 - KITAB NU TUMPU ALLA LELE MA'IMAI'

¹ Soba toa na Tumpu nongkalibosimo hondo sahingga kita ingakuannyomo sumomo to ana-anak-Nyo. Ka' memang kita to ana-anakmo nu Tumpu. Mokonyo aijo' dunia anu na'idekmo aiya madi' monsumbu' kita kalana dunia madi' monsumbu' Tumpu.

1 YOHANES 3:1 ပူးပေါင်းရင်းမြစ်များ

2 SAMUEL 7:19

Pakalaus nolabimo na anu binaumo nu belento Tumpu, O tumpu Anu Matangkas na kakuasa'an, belento Tumpu nonjanji'mo hi lee'ku mongkona tempo' anu aiya mae i ahop. Ka' han aijo' pinotoamo nu belento hi belengku maumo aku aiya ola ahi' mian biasa, o Tumpu Anu Matangkas na kakuasa'an.

MAZMUR 31:19

Paha onsongi na nganga' nu mian anu toto bale-baleko' kalana katabuulan nu aha sola'mo mongalu mian anu madi' tageo' na kinyonyoanyo.

YEREMIA 3:19

Tumpu notatae, “O Israel, Aku kahanda'mo montalima beleyum salaku anak-Ku, ka' mombee'imo beleyum lipu' anu oka'ima'i nu kinyonyoa, lipu' anu ma'ima' hondo idunia aiya songko-songko. Ku kahanda'i da beleyum monsanggo Aku tuuma nu beleyum, ka' madi'mo daagi' mompala'i Aku.

HOSEA 1:10

Bansa nu Israel timbalimo na konjoo'nyo sumo bone' i ambai, sahingga madi' opo ka ala otakan kabai o lekeng. Uuka aiya Tumpu motataemo hi aha, “Belemiu misa'mo mian-Ku anu palesayamo,” panyo tokaje na tempo'nyo. Ia notataeje hi aha, “Akumo na Tumpu anu tumuu' ka' belemiumo na to ana-anak-Ku!”

LUKAS 20:36

Baunyo nu aha sumomo malaikat, ka' madi'mo silaka. Aha te ana-anakmo nu Tumpu, kalana aha po'ule'mo tinumuu' lengkat i kapatean.

YOHANES 1:12

Panyo daagi' ahi' ko anu montalima Ia, ka' palesaya hi Ia; aha binee'an-Nyo hak timbali Anak nu Tumpu,

YOHANES 11:52

Ka' misa' ola bau kapentingan nu bansa Yahudi, panyo mule' da molimu' ka' momposa'angu' ana-anak nu Tumpu anu noga'aga'atmo.

YOHANES 15:21

Iwi-iwi' aijo' saidi' mae nubau nu aha hi komiu, kalana komiu anu saja' mombatuki Aku, kalana aha madi' monsumbu' Ia anu nonsai mae Aku.

YOHANES 16:3

Aha mombau sumo aijo' hi komiu kalana aha ma'isa monsumbu' Tuuma tiba suele Aku.

YOHANES 17:25

Kita Tuuma anu adin! Dunia madi' monsumbu' kita Tuuma, panyo Aku monsumbu' kita Tuuma; ka' mian haha aiya monsumbu' taalu' kita Tuuma na nonsai mae Aku.

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

ROMA 5:8

Panyo Tumpu mompotoa liibos-Nyo hi kita tempo'nyo i Kristus sinilaka pontokong kita tempo'nyo kita daagi' baladosa'.

ROMA 8:19

Songko-songko na dunia daka-daka' na kinyonyoa montanda'i te tempo'nyo Tumpu momponyata' to ana-anak-Nyo.

ROMA 8:21

daagi' ko sa'angu' na tempo' dunia aiya opobebas i kakuasa'an anu mongidei, ka' hingga-hinggat opomaladekamo tiba to ana-anak nu Tumpu.

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

2 KORINTUS 6:18

Aku timbalimo Tuuma miu, ka' komiu timbalimo to ana-anak-Ku, sumo aitu na koonyo nu Tumpu Anu Matangkas na kuasanyo.”

GALATIA 3:26

Kalana komiu pinalesayamo hi Kristus Yesus, sahingga komiu nosa'angu'mo tiba ia; ka' kalana aijo', komiu timbalimo to ana-anak nu Tumpu.

GALATIA 3:29

De komiu i Kristusmo na tumpunyo, saba' komiu lee'mo i Abraham. Ka' komiu montalimamo apaa na anu jinanji'mo nu Tumpu Allah.

PO'ULE' INGULIT 14:1

“Belemiu mian anu pinalesayamo hi Tumpu Allah nu belemiu. Jadi de belemiu ko anumo sinilaka, ka' mombaumo adatnyo kona hi mian anu sinilakamo, boli mombelai butong miu kabai mongkis siakan nu belemiu susumo anu nubau nu aha bansa sangga'at.

KOLOSE 3:3

Kalana komiu sinilakamo, ka' kantumuu'an miu madi'mo kantoan tiba i Kristus hi Tumpu.

1 YOHANES 3:10

Aiya na pompaha sala'annyo, to ana-anak nu Tumpu tiba to ana-anak nu Ibilis; ihehe na madi' mombau pongka'oho' nu Tumpu, kabai madi' mongkalibosi Utusnyo, ia misa' anak nu Tumpu.

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.

1 YOHANES 4:17

Kalibosan aijo' pinotimbalimo ma'ima' hondo i uno nu butongto, da kita ko kabaanian toka i Sinaa anu Pomputusianmo. Kita ko kabaanianmo, kalana kantumuu'anto i dunia aiya pokakanamo sumo kantumuu'an i Kristus.

ANU PINOTO'I HI YOHANES 21:7

To mia-mian anu inguntungmo i uno nu kasabalan montalimaje hahan aijo' hi Beleng-Ku. Aku timbalimo Tumpunyo, ka' ia timbalimo anak-Ku.