1 YOHANES 2:6 - KITAB NU TUMPU ALLA LELE MA'IMAI'

⁶ De ihe na motatae tukoonyo ia tumuu' nosa'angu'mo tiba Tumpu, ia tionyo ahi' tumuu' mombatuki lawo i Kristus.

1 YOHANES 2:6 ပူးပေါင်းရင်းမြစ်များ

MAZMUR 85:13

Tumpu mombee'imo mae anu ma'ima', sahingga tano' to mombee'imo hasinnyo.

MATIUS 11:29

Batuki na palentang-Ku, ka' balajan pe'e hi beleng-Ku. Sabab Aku aiya madi' bohipusaon, ka' madi' ko kinti-kinti, sahingga komiu tompilawe.

YOHANES 13:15

Aku mombee'i sonto' aiya hi komiu, da komiu suele mombau apaa na anu binaung-Kumo hi komiu.

YOHANES 15:10

De komiu monjalanakon iwi-iwi' na palentah-ngKu, komiu saja' montuluti pongkalibosing-Ku, pokakana sumo Aku saja' montuluti pongkalibosi nu Tuuma, kalana monjalanakon palentah-Nyo iwi-iwi'.

1 KORINTUS 11:1

Obatuki na sonto'ku, sumo aku suele nombatukimo sonto' i Kristus.

EFESUS 5:2

Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.

1 PETRUS 2:21

Aijo' na kahanda'nyo Tumpu nolagamo belemiu. Kalana posi Kristus nongoa'imo sansala kalana bau kapentingan miu, tiba jalan anu sumo aijo' Ia nombee'imo belemiu sa'angu' na sonto', da belemiu mombatuki sonto' i uno nu kantumuu'an-Nyo.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.

1 YOHANES 2:4

Mian anu motatae, “Aku monsumbu' Tumpu,” panyo madi' tulu-tulutan hi iwi-iwi' na palentah-Nyo, mian aijo' baleko', ka' Tumpu madi' ko anu i uno nu kinyonyoanyo.

1 YOHANES 3:24

Iwi-iwi' na mian anu tulu-tulutan i to pale-palentah nu Tumpu, tumuu' nosa'angu' tiba Tumpu, ka' Tumpu nosa'angu' tiba aha. Ka' osumbu'to saba' Tumpu tumuu' nosa'angu' tiba kita, kalana Ia nombee'imo Roh-Nyo hi kita.

1 YOHANES 3:6

Iwi-iwi' na mian anu tumuu' nosa'angu'mo tiba i Kristus, madi'mo sabau-baunyo dosa'. Mian anu sabau-baunyo dosa', madi' toho' nontoa i Kristus kabai nonsumbu' Ia.

1 YOHANES 4:17

Kalibosan aijo' pinotimbalimo ma'ima' hondo i uno nu butongto, da kita ko kabaanian toka i Sinaa anu Pomputusianmo. Kita ko kabaanianmo, kalana kantumuu'anto i dunia aiya pokakanamo sumo kantumuu'an i Kristus.