1 YOHANES 2:5 - KITAB NU TUMPU ALLA LELE MA'IMAI'

⁵ Panyo mian anu tulu-tulutan i potatae nu Tumpu, mian aijo' mongkalibosi Tumpu totu-totu'u. Aijo'mo na tandanyo taalu' kita tumuu' nosa'angu'mo tiba Tumpu.

1 YOHANES 2:5 ပူးပေါင်းရင်းမြစ်များ

MAZMUR 105:45

da mian anu palesayamo hi Ia aijo', tulu-tulutan hi atulan-Nyo iwi-iwi', ka' montulutimo iwi-iwi' na palentah-Nyo. O puji' na Tumpu!

MAZMUR 106:3

Mohumpak ka'ima'an na mian anu montuluti totu-totu'u palentahnyo iwi-iwi', ka' saja' totu'u na anu, nu bau.

MAZMUR 119:146

Aku momoitamo tulung hi Belento; posalamatakon mae na aku, aku montoongimo atulan nu Belento.

MAZMUR 119:2

Mohumpak ka'ima'an na mian anu kantumuu'annyo montuluti palentah-Nyo, ka' totu-totu'u na kinyonyoanyo bala'usaha monsumbu' Tumpu.

MAZMUR 119:4

Belento nombee'imo mae kami atulan nu Belento o Tumpu, da obau mami ma'i-ma'ima'.

AMSAL 28:7

Olitau ka' langkoyang anu montuluti atulan atina'mo na mian anu pande. Panyo mian anu mosangalu tiba mian anu loyan na balanja mongambangi tuumanyo.

AMSAL 8:32

Kalana aijo' potombihingakon mae na aku, o belemiu anu ma'isa langkai' ka' bengkele', Otuluti na anu ku poto'i da belemiu sanang na kantumuu'an.

ANU MOMPOLELE POTATAE NU TUMPU 8:5

Mian anu tulu-tulutan hi ia sanang ka' madi' ko anu mompoposia; sinumbu'mo nu mian anu pande, hipian ka' mosia na montuluti tomundo'.

YEHEZKIEL 36:27

Roh-Ku, Ku dudu'akonmo i uno nu kinyonyoa nu beleyum ka' belemiu Ku jagaimo da tumuu'mo montuluti iwi-iwi na atulan-Ku ka' mule' montulutimo iwi-iwi' na palentang-Ku.

LUKAS 11:28

Panyo i Yesus nontaami, “Lebe bilahi mule' na mian anu mohongo potatae nu Tumpu ka' mombau palentah-Nyo!”

YOHANES 14:21

Mian anu montalima to pale-palentah-ngKu ka' mombau, iamo na anu mongkalibosi Aku. Tuumang-Ku mongkalibosi mian anu mongkalibosi Aku. Aku mule' mongkalibosi mian aijo' ka' mompotoa butong-Ku hi ia.”

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 15:5

Akumo na kau' anggur, ka' komiu na to panga-panga'nyo. Mian anu saja' mosa'angu' tiba Aku, ka' Aku tiba ia, tionyo mimbua' mahampe; kalana de madi' tiba Aku, komiu madi' moko bau apa-apaa.

YOHANES 6:56

Mian anu mongkaan butong-Ku ka' monginum baso'-Ku tataap mosa'angu' tiba Aku, ka' Aku tiba ia.

ROMA 8:1

Uuka aiya madi'mo ko pohukuman hi aha anu tumuu' mosa'angu' tiba i Kristus Yesus.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

2 KORINTUS 5:17

Mian anu nosa'angu'mo tiba i Kristus tinimbalimo mian bu'ou totu-totu'u. Anu pini-pininmo imadi'anmo – iwi-iwi' tinimbalimo bu'ou.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

YAKOBUS 2:22

Aiya nanasamo taalu' iman tionyo ahi' oponyata' i han anu obau da timbali sukup ka' ma'ima'.

1 YOHANES 3:24

Iwi-iwi' na mian anu tulu-tulutan i to pale-palentah nu Tumpu, tumuu' nosa'angu' tiba Tumpu, ka' Tumpu nosa'angu' tiba aha. Ka' osumbu'to saba' Tumpu tumuu' nosa'angu' tiba kita, kalana Ia nombee'imo Roh-Nyo hi kita.

1 YOHANES 4:17

Kalibosan aijo' pinotimbalimo ma'ima' hondo i uno nu butongto, da kita ko kabaanian toka i Sinaa anu Pomputusianmo. Kita ko kabaanianmo, kalana kantumuu'anto i dunia aiya pokakanamo sumo kantumuu'an i Kristus.

1 YOHANES 4:18

Mian anu nongoa'imo totu-totu'u kalibosan nu Tumpu, madi'mo monsumbu' mongoa'i mabuhuk, kalana kalibosan anu ma'ima' hondo aijo' nongalinakonmo iwi-iwi na kabuhukan anu o'oa'i. Jadi osumbu'mo de mian ma'isa nongoa'i kalibosan nu Tumpu anu ma'ima' hondo, mian aijo' mabuhuk na mongahopi Sinaa anu Pomputusianmo.

1 YOHANES 5:2

Tiba jalan anu sumo aijo', timbalimo osumbu'to taalu' kita nongkalibosimo to ana-anak nu Tumpu. Kita mongkalibosi Tumpu ka' tulu-tulutanmo i iwi-iwi' na palentah-Nyo.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

2 YOHANES 1:6

Mongkalibosi alati'nyo tumuu' mombatuki iwi-iwi' palentah nu Tumpu. Ka' palentah anu i hongomo miu salatanmo pe'e momonanyo, aijo'mo komiu tionyo ahi' tumuu' mompaha kali-kalibosi samian ka' samian.

ANU PINOTO'I HI YOHANES 12:17

Ulo anu talalo hondo daka' aijo' pinusamo hondo hi boune aijo', sahingga ia nambamo nontumbuhi lee'nyo sangga'at nu boune aijo', aijo'mo iwi-iwi' mian anu tulu-tulutan i to pale-palentah nu Tumpu Allah, ka' anu tinimbalimo sakisi mongkona i Yesus ka' kakuasa'an-Nyo.

ANU PINOTO'I HI YOHANES 14:12

I uno nu han aiya mian anu pinalesayamo hi Tumpu anu tulu-tulutanmo i to pale-palentah nu Tumpu, ka' anu tulu-tulutanmo hi Yesus, palalu ahi' sabaan.