1 YOHANES 2:3 - KITAB NU TUMPU ALLA LELE MA'IMAI'

³ De kita tulu-tulutan hi iwi-iwi' na palentah nu Tumpu, aijo'mo na tandanyo taalu' kita nonsumbu'mo Tumpu.

1 YOHANES 2:3 ပူးပေါင်းရင်းမြစ်များ

MAZMUR 119:32

Aku sanang hondo na tulu-tulutan hi palentah nu Belento, kalana Belento nombalakatimo da aku lebe mangalati'.

MAZMUR 119:6

De ku palahatikan na palentah nu Belento iwi-iwi', saba' aku madi'mo mohumpak ambang.

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

LUKAS 6:46

“Ka' kadaka' komiu molaga Aku, ‘Tumpu, Tumpu,’ panyo madi' mombau anu Kupoita hi komiu?

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

YOHANES 15:10

De komiu monjalanakon iwi-iwi' na palentah-ngKu, komiu saja' montuluti pongkalibosing-Ku, pokakana sumo Aku saja' montuluti pongkalibosi nu Tuuma, kalana monjalanakon palentah-Nyo iwi-iwi'.

YOHANES 15:14

Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

1 YOHANES 2:13

Aku nontulismo toka hi belemiu to Tutuuma, kalana komiu nonsumbu'mo Ia anu polo-polo'mo daagi' salatanmo pe'e i momonanyo. Aku nontulismo toka hi belemiu, to Oli-olitau kalana komiu nohungku'imo, Anu Ma'idek.

1 YOHANES 3:14

Sinumbu'tomo, saba' kita nosabatmo i kapatean, ka' nolalinmo i kantumuu'an. Sinumbu'tomo na aijo', kalana kita mongkalibosi to Utu-utus bubu' kita. Mian anu madi' mongkalibosi, alati'nyo daagi' nu kuasai nu kapatean.

1 YOHANES 3:19

Sumo aitu na balu-balu'nyo kita monsumbu', saba' kita aijo' ninsoopmo to ana-anak nu Tumpu anu totu'u, ka' kinyonyoanto tataapmo i ahop nu Tumpu.

1 YOHANES 3:6

Iwi-iwi' na mian anu tumuu' nosa'angu'mo tiba i Kristus, madi'mo sabau-baunyo dosa'. Mian anu sabau-baunyo dosa', madi' toho' nontoa i Kristus kabai nonsumbu' Ia.

1 YOHANES 4:13

Kalana Tumpu nombee'imo kita Roh-Nyo, jadi osumbu'tomo taalu' kita tinumuu'mo nosa'angu' tiba Tumpu, ka' Tumpu nosa'angu'mo tiba kita.

1 YOHANES 4:7

To Utu-utus anu okanonongi! Imbo' da kita mompaha kali-kalibosi samian ka' samian, kalana kalibosan nolengkat mae hi Tumpu. Mian anu mongkalibosi atina' Anak nu Tumpu, ka' ia monsumbu' Tumpu.

1 YOHANES 5:19

Osumbu'to saba' kita aiya anumo nu Tumpu, mau mule' songko-songko na dunia aiya Anumo Ma'idek na nongkuasai.

1 YOHANES 5:2

Tiba jalan anu sumo aijo', timbalimo osumbu'to taalu' kita nongkalibosimo to ana-anak nu Tumpu. Kita mongkalibosi Tumpu ka' tulu-tulutanmo i iwi-iwi' na palentah-Nyo.

1 YOHANES 5:3

Kalana mongkalibosi Tumpu alati'nyo tulu-tulutanmo i palentah-Nyo iwi-iwi'. Ka' palentah-Nyo iwi-iwi' madi' maboat hi kita,

ANU PINOTO'I HI YOHANES 12:17

Ulo anu talalo hondo daka' aijo' pinusamo hondo hi boune aijo', sahingga ia nambamo nontumbuhi lee'nyo sangga'at nu boune aijo', aijo'mo iwi-iwi' mian anu tulu-tulutan i to pale-palentah nu Tumpu Allah, ka' anu tinimbalimo sakisi mongkona i Yesus ka' kakuasa'an-Nyo.

ANU PINOTO'I HI YOHANES 14:12

I uno nu han aiya mian anu pinalesayamo hi Tumpu anu tulu-tulutanmo i to pale-palentah nu Tumpu, ka' anu tulu-tulutanmo hi Yesus, palalu ahi' sabaan.

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.