1 YOHANES 2:27 - KITAB NU TUMPU ALLA LELE MA'IMAI'

²⁷ Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.

1 YOHANES 2:27 ပူးပေါင်းရင်းမြစ်များ

AMSAL 28:5

Ka'adilan madi' nu sumbu' nu mian palaganta, panyo mian anu monsombah Tumpu, totu-totu'u monsumbu' ka'adilan.

IMAMAT 7:35

Kaanon anu sinombahkonmo hi Tumpu, aijo' na bahagian anu obee' hi Harun ka' hi to ana-anaknyo i sinaa aha binalakatanmo timbali imam.

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

YOHANES 14:16

Ku poitaje hi Tuuma, da Ia tionyo mombee'i komiu Pontulungi sangga'at, anu jojoong hingga-hinggat ka' komiu sidu-sidutu'.

YOHANES 14:17

Ia aijo' Roh nu Tumpu anu momponyata' kahondoan mongkona Tumpu. Dunia madi' montalima Ia kalana madi' montoa ka' madi' monsumbu' Ia. Panyo komiu monsumbu' Ia, kalana Ia jojoong hingga-hinggat ka' komiu, ka' mosa'angu' tiba komiu.

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

YOHANES 4:14

“panyo mian anu monginum uee anu Ku bee', madi'mo daagi' megot sidu-sidutu'. Kalana uee anu Ku bee' aijo' timbalimo mata nu uee i uno nu butongnyo anu mo'ili mosabat ka' mombee'i ia kantumuu'an talakana' sampe toka sidu-sidutu'.”

YOHANES 6:45

I Uno nu Kitab nu to Nabi-nabi tinulis sumo uuka, ‘Iwi-iwi' na mian nu pogulu' nu Tumpu.’ Jadi iwi-iwi' na mian anu mohongo Tuuma ka' balagulu' hi Ia, toka mae hi beleng-Ku.

1 KORINTUS 2:12

Ka' kita madi' binee'an roh nu dunia aiya, panyo Roh anu lengkat mae hi Tumpu, da kita monsumbu' iwi-iwi' apaa na anu binee' nu Tumpu hi kita.

1 KORINTUS 2:13

Kalana aijo' de kami montutuhakon hahan mongkona Tumpu hi to mia-mian anu ko Roh nu Tumpu, kami madi' montutuhakon mombatuki kapandean nu mian, panyo mombatuki pokinde' nu Roh nu Tumpu.

2 KORINTUS 1:21

Posi Tumpu na nompotimbalimo kami tiba kita Utus mahoson na mosa'angu' tiba i Kristus; Iamo singkona na nompile'i kita matungka' bau kapalaluan-Nyo.

EFESUS 4:21

Komiu nohongomo mongkona Ia! Ka' salaku anu saja' mombatuki Ia, komiu pinogulu'mo singkona mongkona sipat-sipat nu Tumpu anu daagi' hi Ia!

KOLOSE 2:6

To Utu-utus nontalimamo i Kristus Yesus salaku Tumpu. Mokonyo aijo' tionyo ahi' komiu tumuu' mosa'angu'mo tiba Ia,

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

1 TESALONIKA 4:9

Madi'mo daagi' palalu na kami montulis sulat toka hi komiu mosia na komiu tionyo mongkalibosi to Utu-utus anu sa'a-sa'angu' na kapalesaya'an. Komiu suele ingajanmo nu Tumpu da mompaha kali-kalibosi.

1 TIMOTIUS 2:7

Ka' aijo'mo na sababnyo aku pinokau namba hi to mia-mian anu misa' Yahudi da mompolele hi aha lele mongkona kapalesaya'an anu totu'u. Anu pinotoingkumo aiya, memang totu'u, aku madi' baleko'.

1 PETRUS 1:23

Kalana potatae anu tumuu' ka' sampe toka sidu-sidutu' lengkat mae hi Tumpu aijo', belemiu pinotimbalimo manusia bu'ou anu misa' i hampeakon nu manusia, panyo lengkat mae hi Tuuma anu tumuu' sampe toka sidu-sidutu'.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.

1 YOHANES 3:24

Iwi-iwi' na mian anu tulu-tulutan i to pale-palentah nu Tumpu, tumuu' nosa'angu' tiba Tumpu, ka' Tumpu nosa'angu' tiba aha. Ka' osumbu'to saba' Tumpu tumuu' nosa'angu' tiba kita, kalana Ia nombee'imo Roh-Nyo hi kita.

2 YOHANES 1:2

Kalana Tumpu utumo i uno nu kinyonyoanto, ka' saja'mo mombaya'i kita sampe toka sidu-sidutu'.