1 YOHANES 2:20 - KITAB NU TUMPU ALLA LELE MA'IMAI'

²⁰ Panyo komiu nohumpakmo Roh nu Tumpu anu i lambe'akonmo i Yesus Kristus ka' mokonyo aijo' komiu iwi-iwi' nonsumbu'mo pangajalan anu totu'u.

1 YOHANES 2:20 ပူးပေါင်းရင်းမြစ်များ

MAZMUR 16:10

Kalana Belento madi' mompojohok aku da silakamo; mian anu nukalibosi nu Belento madi' nupojohok nu Belento da silakamo.

MAZMUR 23:5

Belentomo na nompotoukai bau-bauon hi belengku i ahop nu mian anu mongewa mae aku. Belentomo na nolalabot mae aku susumo mian anu o'adati. Belentomo na nompo'inumi mae aku nu inumon anu ma'ima' hondo ka' nolabi-labimo.

MAZMUR 45:7

Tumpu mombee'imo kuasa beleyum da mompalentahmo kakuasa'an nu beleyum pin hondo sampe toka sidu-sidutu'; beleyum adinmo na mompalentah layat nu beleyum.

MAZMUR 71:22

Aku mompuji'mo Belento okuti'akon gambuus, kalana Belento manonong, o, Tumpungku. Aku monyanyiakonmo anu bau pompuji' Belento okuti'akon kasapi', o, Tumpu susi' na Israel.

MAZMUR 92:10

Osumbu' mami sampobali' nu Belento opateimo ingko-ingkot, o, Tumpu, iwi-iwi' na mian anu ma'idek na kinyonyoa oga'a-ga'at madi'mo oposa'angu'.

AMSAL 28:5

Ka'adilan madi' nu sumbu' nu mian palaganta, panyo mian anu monsombah Tumpu, totu-totu'u monsumbu' ka'adilan.

YESAYA 43:3

Kalana Akumo na Tumpu nu beleyum, Tumpu nu Israel anu susi', anu Momposalamatmo beleyum. Mesir Ku bee'mo salaku baumo pontokongi beleyum, Sudan tiba Syeba salaku baumo pombolosi beleyum.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YEREMIA 31:34

Madi'mo daagi' palalu maunyomo ola samian na bubu' aha mongajan sangalunyo da monsumbu' Tumpu. Kalana aha iwi-iwi' anu tu'amo kabai anu daagi' anak saidi' mae monsumbu'mo Aku. Kasala'an-kasala'an nu aha madi'mo lewa' Ku inau', to dosa-dosa' nu aha Ku ampunimo. Aku, Tumpu notataemo.”

IMAMAT 7:35

Kaanon anu sinombahkonmo hi Tumpu, aijo' na bahagian anu obee' hi Harun ka' hi to ana-anaknyo i sinaa aha binalakatanmo timbali imam.

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

MARKUS 1:24

“O Yesus, mian nu Nazaret, Beleyum mongka'oho' mombau apaa hi kami? Beleyum toka da monsilakai kami? Kusumbu' ihe na Beleyum: Beleyumo na posaihon anu Susi' lengkat mae hi Tumpu Allah!”

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala

LUKAS 4:34

“O Yesus, mian nu Nazaret, apaa na anu ka'oho' obaunto hi kami? Beleyum toka monsilakai kami? Kusumbu' ihe na beleyum; beleyum posaihon nu mian susi' lengkat mae hi Tumpu!”

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

SISIKON NU TO RASUL-RASUL 3:14

Ia Susi' ka' ma'ima', panyo komiu mombahakon Ia ka' mompakisa da i Pilatus molapasakon samian na topo patei hi komiu.

1 KORINTUS 2:15

Mian anu ko Roh nu Tumpu timbali moko ala monselidiki iwi-iwi' apaa, panyo madi' ko samian pe'e ko hak monselidiki Ia.

IBRANI 1:9

Belento mongka'ima'i ka'adilan ka' mongka'ideki anu tageo; mokonyo aijo' Tumpu, Tumpu nu Belento, nompile'imo Belento ka' nombee'imo Belento da o'adati anu mompodaagi' kabilahian, molingkudui to sanga-sangalu nu Belento.”

IBRANI 8:11

Aha madi'mo palalu mompogulu' hi sampo tulunannyo, kabai mompoto'i hi utusnyo, ‘Sabole-bole osumbu' na Tumpu.’ Kalana aha iwi-iwi', ise' daka' saidi' mae nusumbu'je nu aha na Aku.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.

1 YOHANES 4:13

Kalana Tumpu nombee'imo kita Roh-Nyo, jadi osumbu'tomo taalu' kita tinumuu'mo nosa'angu' tiba Tumpu, ka' Tumpu nosa'angu'mo tiba kita.

YUDAS 1:5

Iwi-iwi' aijo' sinumbu'mo miu. Panyo aku kahanda' mompotuka' hi komiu mosia na Tumpu nomposalamatmo mian nu Israel lengkat mae i lipu' Mesir, panyo lapas mae nonsilakaimo to mia-mian anu madi' palesaya, anu aijo' hi bubuu' aha.

ANU PINOTO'I HI YOHANES 3:7

“Toka hi malaikat anu kiijo' hi jama'at nu Filadelfia, tulismo sumo uuka: Aiyamo na potuunon lengkat mae hi Ia anu susi', ka' anu tumuu' kopian. Gunsing i Daud Ia na montoongi; de Ia na montuhea'akon madi' ko samian pe'e na timbali montumban, ka' de Ia na montumban, madi' ko samian pe'e na timbali montuhea'akon.

ANU PINOTO'I HI YOHANES 4:8

Opa-opat na malaikat aijo' toto sa'angu' ko polipiknyo anom, ka' i titikubnyo ka' i sasu unonyo kaho matanyo. Sinaa ka' pihi malaikat haha aijo' madi' momohokot na manyanyi, “Susi', susi' na Tumpu Anu Matangkas na kuasanyo; anu daagi', ka' anu daagi'mo, ka' anu saja' daagi' sidu-sidutu'.”