1 YOHANES 2:17 - KITAB NU TUMPU ALLA LELE MA'IMAI'

¹⁷ Dunia ka' iwi-iwi na apaa anu i unonyo anu nuka'ima'i nu mian, hau-haunyomo lanyap. Panyo mian anu tulu-tulutan i pongka'oho' nu Tumpu tataap tumuu' sampe toka sidu-sidutu'.

1 YOHANES 2:17 ပူးပေါင်းရင်းမြစ်များ

MAZMUR 102:26

naipuan mae Belento nompotimbalimo dunia; langit suele lima nu Belento na nompotimbali.

MAZMUR 143:10

Potiju'akon mae na aku mombau pongka'oho' nu Belento, kalana Belentomo na Tumpungku. Belento manonong, ka' molaya'mo aku i jalan anu mahata.

MAZMUR 39:6

Talalo ahi' sasaingoni' na tinantukan nu Belento na umunku! De hi Belento kopinnyo nu kantumuu'anku madi' ko alati'nyo. Memang, manusia ola susumo opuhakon nu sawo nu manusia,

MAZMUR 90:9

Kantumuu'an mami kodo' kalana tambuha' nu Belento, taun-taun nu umun mami mingkot ola susumo monsawohakon sawo.

AMSAL 10:25

De ko tombusisi' montuda'mae mohopu' na mian anu ma'idek na kinyonyoanyo; panyo mian anu madi' tageo' na kinyonyoanyo tataap mahoson sampe toka sidu-sidutu'.

MATIUS 21:31

Jadi, ua'aha na anak aijo', ihe na anu nombau pongka'oho' nu tuumanyo?” “Anu tumpe,” tinaaman nu Kapala nu to Ima-imam ka' to pola-polaya' nu Yahudi aijo'. Lantas i Yesus notatae hi aha, “Palesayamo: Anu saja' montage hasin, ka' to bou-boune anu masala' na tongkoimoona timbali mian anu palesayamo hi Tumpu ka' de mule' komiu.

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

MATIUS 7:21

“Madi' iwi-iwi' na mian anu molaga Aku, ‘Tumpu, Tumpu,’ anu moko ala timbali mian anu palesayamo hi Tumpu, panyo ola to mia-mian anu mombau kahanda' nu Tuumang-Ku anu i suluga'.

MARKUS 3:35

Mian na utus mombau pongka'oho' nu Tumpu, iamo na utus mo'ane, utus boune ka' tinang-Ku.”

YOHANES 4:14

“panyo mian anu monginum uee anu Ku bee', madi'mo daagi' megot sidu-sidutu'. Kalana uee anu Ku bee' aijo' timbalimo mata nu uee i uno nu butongnyo anu mo'ili mosabat ka' mombee'i ia kantumuu'an talakana' sampe toka sidu-sidutu'.”

YOHANES 6:58

Aiyamo na roti anu nintatau' mae lengkat i suluga': misa' roti sumo anu kinaan nu mompolee' miu. Kalana noko kaan roti aijo', aha i natemo. Panyo mian anu mongkaan roti aiya, tumuu' sampe toka sidu-sidutu'.”

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

1 KORINTUS 7:31

ka' mian anu manjoo' na ulusan i dunia, tionyo ia tumuu' susumo ia madi' nupogago' nu hahan aijo'. Kalana madi'mo pin na dunia aiya, bau-baunyo anu susumo aiya tionyo lanyapmo!

KOLOSE 1:9

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

1 TESALONIKA 4:3

Aiyamo na kahanda' nu Tumpu: Da komiu tumuu' samata-mata hi Ia, susi' mati kojo'on hi iwi-iwi' palabuatan masala'.

1 TESALONIKA 5:18

I uno nu han iwi-iwi' tionyo ahi' komiu saja' montalima kase, kalana aijo'mo na anu nu ka'ima'i nu Tumpu hi komiu, sumo mian anu tumuu' mosa'angu' tiba i Kristus Yesus.

IBRANI 10:36

Komiu palalu sabaan, da komiu moko ala mombau anu nukahanda'i nu Tumpu, sahingga mohumpak anu jinanji'-Nyomo.

YAKOBUS 4:14

Apaa na anu timbali i kantumuu'an nu belemiu dodop, posi komiu pe'e madi' monsumbu'! Komiu ola sumo tibuk ola sasaingoni' na kantoan, lapas mae lanyapmo.

1 PETRUS 1:5

Iwi-iwi' aijo' bau bagi miu, kalana komiu pinalesayamo hi Tumpu. Jadi komiu o jagai nu kuasa nu Tumpu da komiu mohumpak kasalamatan anu oponyata'je toka i tempo'nyo saidi' mae.

1 PETRUS 4:2

Kalana aijo', saja' ahi' komiu tumuu' i dunia aiya mombatuki pongka'oho' nu Tumpu, ka' misa' mombatuki pongka'oho' nu manusia.