1 YOHANES 2:16 - KITAB NU TUMPU ALLA LELE MA'IMAI'

¹⁶ Iwi-iwi na apaa anu daagi' i uno nu dunia aiya – anu nuka'ima'i nu kalakuan nu mian baladosa', anu otoa lantas oka'ima'imo ka' anu okabubuulakon – iwi-iwi' anu madi' nolengkat mae hi Tuuma, panyo nolengkat mae i dunia.

1 YOHANES 2:16 ပူးပေါင်းရင်းမြစ်များ

KAJADIAN 3:6

Tinoa nu boune aijo' na pu'un nu kau' aijo' taalu' ma'ima' ka' bua'nyo tinoanyo ma'ima' na okaan. Ka' ia binapikinmo mosia na ko ima'nyo de ia timbalimo pande. Kalana aijo tinipunyomo na bua' nu kau' aijo' ka' kinaannyo, ka' suele binee'annyomo na langkai'nyo ka' suele nongkaanmo.

KAJADIAN 6:2

to mala-malaekat nontoamo langkoyang haha aijo' to handa-handa. Lantas aha nongosoaimo langkoyang haha aijo' iya na anu nuka'ima'i nu aha.

AYUB 31:1

Sinumpa'kumo na palajanjianku madi'mo ko napisu na aku montoa to lalangkoyang.

MAZMUR 73:6

Kalana aijo' aha binuulonmo, ka' saja' singgi na mompalentah.

MAZMUR 78:18

Aha nontotonggolakonmo nonsobai Tumpu, nontuntutmo kaanon anu nuka'ima'i nu aha.

MAZMUR 78:30

Panyo napisu nu aha ma'isa kinokapa'osannyo; jadi daagi' hau-haunyo aha mongkaan,

AMSAL 27:20

I dunia nu mian anu sinilakamo saja' daagi ko tampat; sumo aitu mule' na anu nu indi nu manusia madi' ko batasnyo.

AMSAL 6:25

Boli beleyum tagoda kalana montoa butong nu aha handa, boli tagoda imata nu aha anu kahanda'mo monsale'i.

DANIEL 4:30

aku notatae, “Soba toa na ko ima'nyo na kota' Babel aiya! Akumo aiya na nombau da tinimbali puso nu kota' nu negara da bau pomponyata kakuasa'anku ka' mule' kahosonanku, katalasanggoan, ka' kahebatanku!”

NOMBILANGMO 11:34

Sahingga tampat aijo' sinanggohanmo “Kubulan Mangaluk”, kalana ikiijo'mo na pinongkubulan to mia-mian anu i natemo kalana mangaluk.

NOMBILANGMO 11:4

Aha namba na mian nu Israel haha aijo', daagi' ko to mia-mian anu lengkat mae i Salipu'an na nombatuki. Aha aijo' mongkahanda'i hondo mongkaan ponoka', ka' mian nu Israel suele nontampu'unimo nososon. Aha notatae, “Yoh, soba pa' ko ponoha' hi kita!

MATIUS 4:8

Lapas aitu Ibilis nomboamo i Yesus mule' nokiita' i bungkutnyo anu matangkas hondo ka' nompotiju' hi Ia iwi-iwi' na kalaja'an i dunia tiba iwi-iwi' na kakaya'annyo.

MATIUS 5:28

Panyo uuka Aku motatae hi beleyum: Ihe na montoa samian na boune ka' ko napisunyomo, mian aijo' nasala'mo tiba boune aijo' i uno nu kinyonyoanyo.

LUKAS 4:5

Ka' binoanyo mule' nu Ibilis na i Yesus i tampat anu matangkas, ka' ola tinolo kulap, Ibilis nompotoamo hi Ia iwi-iwi' na kalaja'an nu dunia.

ROMA 13:14

O'asanakon hi Tumpu Yesus Kristus na mompotantu apaa na anu tionyo o bau miu. Ka' boli mombatuki kalakuan nu mian anu baladosa', kahanda' mati ko osai napisu.

1 KORINTUS 10:6

Iwi-iwi' aijo' timbali sonto' hi kita, bau pompotuka' kita da boli mongka'ima'i anu ma'idek sumo aha.

GALATIA 5:17

Kalana pongka'oho' nu manusia mompahasala' tiba pongka'oho' nu Roh nu Tumpu, ka' pongka'oho' nu Roh nu Tumpu mompahasala' tiba pongka'oho' nu manusia. Ohu-ohua' aijo' madi' mompaha kona, sahingga komiu madi' moko ala mombau apaa na anu okahanda'i miu.

GALATIA 5:24

To mia-mian anu i Kristus Yesusmo na tumpunyo, mian haha aijo' nompateimo sipatnyo salaku manusia tiba iwi-iwi' na napisunyo ka' apaa na anu nu ka'ima'i.

EFESUS 2:3

Naipuan mae kita iwi-iwi' suele pokakanamo tiba aha; kita tumuu' nombatukimo tabiat nu mian ka' nombaumo apaa na anu moko sanang butong ka' pikilanto. Tempo'nyo aitu kita singkona to mia-mian anu tinambuha'anmo nu Tumpu. Pokakanamo sumo to mia-mian sangga'at.

TITUS 2:12

Balakat nu Tumpu aijo' mompogulu' kita da madi'mo daagi' kita tumuu' mompaha sala' tiba pongka'oho' nu Tumpu ka' madi'mo montuluti anu nu ka'ima'i nu dunia. Kita pinogulu' da tumuu' i uno nu dunia aiya, da monsumbu' boli sampa tagoda nu apa-apaa, jujun ka' tulu-tulutan hi Tumpu.

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

YAKOBUS 3:15

Kapandean anu sumo aijo' madi' nolengkat mae i suluga'. Ia nolengkat mae i dunia, nolengkat mae i napisu nu mian, ka' lengkat mae i setan!

YAKOBUS 4:16

Panyo uuka aiya komiu ko tige-tige ka' buulon. Iwi-iwi' anu okabubuulakon sumo aijo' sala'.

YOSUA 7:21

To bala-balang anu ihumpakto nahampate, sala'sa'angu' tinoangku jubah anu ma'ima' hondo, anu kina'ut nu aha Babilonia, ka' suele salaka ku gantang ohua' na kilogram ka' sangkolong na mosoni' mintonga' na kilogram ko labinyo sangkiding. Kinamiluankumo hondo na balang haha aijo', sahingga ingalangkumo ka' pinosulukumo i uno nu tano' kiijo' i kemah-ku; salaka kaiyong i aluknyo hondo-hondo.”

1 PETRUS 1:14

Otuluti na Tumpu, ka' bolimo tumuu' mombatuki pongka'oho' nu beleyum anu susumo naipuan mae, tempo'nyo belemiu ma'isa pe'e nonsumbu' Tumpu.

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.

2 PETRUS 2:10

utamanyo to mia-mian anu montuluti apaa na anu nu kamilui nu aha, aijo'mo napisu anu mahenyu ka' anu monjojoa kakuasa'an nu Tumpu. Baani ka' takabun hondo na to gulu-gulu' anu madi' totu'u haha aijo' sahingga aha madi' bata-bata na monjojoa Tumpu anu opopodaka' kiita' i suluga'!

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.