1 YOHANES 2:1 - KITAB NU TUMPU ALLA LELE MA'IMAI'

¹ To ana-anakku! Aku nontulis aiya toka hi komiu da komiu boli mombau dosa'. Panyo de ko anu mombau dosa', saba' hi kita daagi' ko samian na anu mombolosakon, aijo'mo i Yesus Kristus anu talalo adin hondo aijo'; Iaje na mompoitakon ka'ampunan dosa' hi Tuuma.

1 YOHANES 2:1 ပူးပေါင်းရင်းမြစ်များ

MAZMUR 4:4

Da osumbu', Tumpu nompile'imo anu nukahanda'i nu bele-Nyo samian na anu Nu kalibosi. Tumpu mompotombihing de aku momoita tulung hi Ia.

YEHEZKIEL 3:21

De mian anu ma'ima' na kinyonyoanyo aijo' nu pokinde'i ahi' nu beleyum da madi'mo mombau dosa' ka' nu tulutimo na pokinde' nu beleyum saba' ia madi'mo ahi' Ku hukum ka' mule beleyum salamatmo.”

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

LUKAS 10:22

Iwi-iwi' na apa-apaa binee'mo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' suele ko anu monsumbu' Tuuma, de misa' Anak; ka' to mia-mian pa' hi he na anu nukahanda'i nu Anak aijo' pomposumbu'annyo Kita Tuuma.”

YOHANES 13:33

To ana-anak-Ku, Aku madi'mo daagi' piin na jojoong tiba miu. Olioje komiu na Aku, panyo sumo anu tinaloakon-Kumo hi anu mongkuasai Yahudi, sumo aitu suele na Ku taloakon hi komiu; i tampat kalambanan-Ku madi' opoko toka miu.

YOHANES 14:16

Ku poitaje hi Tuuma, da Ia tionyo mombee'i komiu Pontulungi sangga'at, anu jojoong hingga-hinggat ka' komiu sidu-sidutu'.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 21:5

I Yesus notatae hi aha, “Ana-anak, pa' komiu ko ikan?” “I madi',” na koonyo nu aha.

YOHANES 5:14

Lapas aijo' i Yesus siningkabotmo tiba mian aijo' i uno nu Laigan nu Tumpu, ka' notatae hi ia, “Uuka aiya beleyum ma'alinmo. Bolimo po'ule' baladosa' da boli mongoa'i anu lebe ma'idek.”

YOHANES 5:36

Panyo anu tinalangkan-Ku lebe daka' molingkudui anu tinalangkan i Yohanes. Apaa na anu Kubau uuka aiya, aijo'mo na kalaja anu pinokauhakon nu Tuuma hi beleng-Ku, bau pomponyata' saba' Tuuma nompokaumo mae Aku.

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”

YOHANES 8:11

“Madi', Kita Tuuma,” na koonyo. “Ma'ima'mo,” na koonyo i Yesus, “Aku suele madi' mohukum beleyum. Uuka aiya lako'mo ka' bolimo mombau dosa' mule'.”]

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.

ROMA 5:10

De tempo'nyo kita nompaha idek ka' Tumpu, kita pinodame-Nyomo nu kinasilakaan nu Anak-Nyo, apaa mule' uuka aiya salatan pompahasumbu'anto ka' Tumpu po'ule'mo na'ima', matantumo kita oposalamat mule' i uno nu kantumuu'an i Kristus.

ROMA 6:15

Uuka aiya, mosia na katotu'uannyo? Timbali na kita mombau dosa', kalana kita madi'mo i 'aluk nu kuasa nu atulan nu agama Yahudi, panyo i 'alukmo nu balakat nu Tumpu? Madi' hondo-hondo!

ROMA 8:34

Pa' daagi' ko mian anu mongka'oho' mompo sala' kita? I Kristus Yesus na montinjohi kita! Ia na anu sinilakamo, kabai memanga Iamo na po'ule'mo pinotumuu' salatan Ia sinilaka ka' kiita'mo mae hi Tumpu i tampat anu mongkuasai.

1 KORINTUS 15:34

Sinumbu'mo uuka aiya, ka' bolimo mombau dosa'. Sabenannyo pa'a-pa'ambangmo ahi' na komiu, kalana itina' hi komiu daagi' ko anu ma'isa nonsumbu' Tumpu.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

GALATIA 4:19

To ana-anakku anu ku kanonongi! Uuka aiya aku po'ule' mule' nongoa'i sansala kalana komiu. Aku mongoa'i sansala sumomo samian na tina nu anak anu mongoa'imo sansala tempo'nyo mohampeakonmo anak. Aku saja' mongoa'i sansala, de sipat-sipat i Kristus ma'isa minsoop hi butong miu!

EFESUS 2:18

Kalana montului Kristus salaku jalan kita iwi-iwi' – mau mian nu Yahudi, maumo misa' mian nu Yahudi – kalana Roh nu Tumpu anu sa'a-sa'angu'nyomo aijo' timbalimo moko ohani Te Aha Tuuma.

EFESUS 4:26

De komiu pusa, boli mompobee' pusaum aijo' monsaduakon komiu baladosa'. Boli sansinaamo na pusa,

1 TIMOTIUS 2:5

Kalana, ola sa'a-sa'angu'nyomo na Tumpu, ka' ola samian na bau ponsumbu'an Tumpu manusia aitumo i Kristus Yesus.

1 TIMOTIUS 3:14

Aku nontantomo madi'mo daagi' pin aku mambaje molenga beleyum. Mau mule' sumo aijo', aku nontulismo ahi' sulat aiya toka hi beleyum,

IBRANI 9:24

Kalana i Kristus madi' ninsoop i Salipi' anu Susi' anu binau nu mian, anu ola mongibalatakon Salipi' anu Susi' ka' anu sahondo-hondonyo. Posi i Kristus na minsoop i Suluga'; i kiita' mae Ia tempo' uuka mangadap hi Tumpu kalana kapentinganto.

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.

YAKOBUS 3:9

Kita mompake ia da bau pontaloakon talima kase hi Tumpu ka' Tuumanto, panyo mule' bau pongkutuki sangko mian, anu pinotimbalimo sumo butong nu Tumpu.

1 PETRUS 2:22

Ia madi' toho' nombau dosa', ka' madi' toho' samian pe'e na nohongo Ia binaleko'.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 YOHANES 3:18

To Ana-anakku! Boli mongkalibosi ola i nganga' kabai ola i potatae. Tionyo ahi' kita mongkalibosi nu kalibosan anu totu-totu'u, anu oponyata' i palabuatanto.

1 YOHANES 3:5

Osumbu' miu saba' i Kristus toka mae da monsapui to dosa-dosa' nu mian, ka' memang madi'mo ko dosa'nyo i uno nu butong-Nyo.

1 YOHANES 3:7

To ana-anakku, boli mompobee' mau mule' ihe anu momposala' pikilan miu. Mian anu mombau pongka'oho' nu Tumpu atina'mo na anak nu Tumpu, susumo i Kristus Anak nu Tumpu.

1 YOHANES 4:4

Panyo to Ana-anakku komiu anumo nu Tumpu. Komiu nohungku'imo to nabi-nabi anu madi' totu'u kalana Roh anu daagi' hi belemiu lebe daka' na kuasanyo molingkudui roh anu daagi' hi to mia-mian anu kinuasanmo nu dunia aiya.

1 YOHANES 5:17

Iwi-iwi' na kalakuan anu sala' atina' dosa', panyo daagi' ko dosa' anu madi' mongahenakon mian talakangkanan i kantumuu'an kopian ka' sampe toka sidu-sidutu'.

1 YOHANES 5:21

To ana-anakku, opimpali na butong miu i to pilo-pilogot! 13

3 YOHANES 1:4

Anu moko ala mompotimbali aku da lebe lame', aijo'mo samata-mata ola de aku mohongomo to ana-anakku i uno nu kantumuu'annyo montulutimo pangajalan nu Tumpu.