1 YOHANES 1:9 - KITAB NU TUMPU ALLA LELE MA'IMAI'

⁹ Panyo de kita mongakui iwi-iwi' na dosa'to hi Tumpu, Ia monsidahakonmo janji'-Nyo ka' mombaumo apaa na anu adin. Ia mongampunimo iwi-iwi' na dosa'to, ka' mompolomasmo kasala'anto iwi-iwi' anu binauntomo.

1 YOHANES 1:9 ပူးပေါင်းရင်းမြစ်များ

1 TOMU-TOMUNDO' 8:47

opoita daa Belento mopotombihingankon do'a nu aha. De i lipu' aijo' aha mompala'imo to dosa-dosa' nu aha ka' balado'amo hi Belento ka' mule' mongakuimo na aha binaladosa'mo ka' nombaumo anu ma'idek, potombihingakon mae na do'a nu aha o Tumpu.

NEHEMIA 1:6

Toakon mae na aku O Tumpu, ka' potombihingakon mae na do'angku anu ku potoka hi ahop nu Belento sinaa ka' pihi kona hi aha mian Israel, posaihon nu belento haha aitu. Aku mangakumo saba' kami, mian nu Israel binaladosa'mo; aku ka' to mompo-mompolee'ku binaladosa'mo suele.

MAZMUR 19:12

Posaihon nu Belento pinokinde'anmo nu atulan aijo' iwi-iwi; daka' hondo na tambonyo obee' hi mian anu mohongo-hongo.

MAZMUR 32:5

Lantas ingakuankumo na dosa'ku hi Belento, kasala'anku madi'mo ko anu pinohowiningku. Tinantukankumo na aku mongakuimo hi Belento, ka' Belento nongampunimo iwi-iwi' na dosa'ku.

NOSABATMO 34:7

Aku saja' mongkalibosi momada-madala na lee' ka' mongampuni kasala'an tiba dosa'; panyo mian anu ko sala'nyo madi' ko madi'nyo sabole-bole Ku hukum, ka' Ku hukum mule' na to ana-anaknyo ka' to maku-makumpunyo toka-toka i lee' ko totolu'nyo ka' ko opatnyo kalana dosa' nu tu'anyo nu aha.”

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

YESAYA 45:21

Kalak mae na palakala nu beleyum ka' poto'i mae na bukuti'nyo iwi-iwi', sampamo ahi' na aha basale' hingga-hinggat. Ihe na nompolelemo han aijo' ka' nompoto'imo salatanmo pe'e naipuan mae? Temisa' Aku ahi', na Tumpu? Madi' ko tumpu sangga'at, olanyomo ahi' Aku. Akumo na Tumpu anu adin ka' anu Momposalamat, madi'mo daagi' kosangga'atannyo, olanyomo ahi' Aku!

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEREMIA 33:8

Ku pobelesi'mo na dosa-dosa' nu aha anu binaumo nu aha hi Belengku; sinin na dosa tiba ka'idekan nu aha Ku ampunimo.

MOHAANGI 3:23

saja' bu'ou de subu-subumo totu'u, Tumpu manonong hondo!

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

YEHEZKIEL 37:23

Aha madi'mo daagi' mohenyui butong nu aha nu palabuatan mombau dosa' ka' monsombah to pilo-pilogot anu mohenyui aha. Ku pobebasmo na aha da madi'mo mombau iwi-iwi' na kasala'an anu monsaduakon aha madi'mo mompajuli mae Aku. Ku posusi'mo na aha; aha timbalimo mian anu palesayamo hi belengku ka' Aku Tumpu Allahmo nu aha.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

MATIUS 3:6

Aha nongakui dosa-dosa' nu aha, ka' i Yohanes nompalamandikanmo aha i Kaunyo nu Yordan.

MARKUS 1:5

Iwi-iwi' na mian anu nolengkat mae i kampung Yudea ka' i kota Yerusalem namba nohongo i Yohanes. Aha nongakui to dosa-dosa' nu aha, ka' i Yohanes nompalamandikan aha i Kaunyo nu Yordan.

LUKAS 22:57

Panyo i Petrus nojalo. Ia notatae, “Aku madi' hondo monsumbu' mian aijo'!”

YOHANES 17:25

Kita Tuuma anu adin! Dunia madi' monsumbu' kita Tuuma, panyo Aku monsumbu' kita Tuuma; ka' mian haha aiya monsumbu' taalu' kita Tuuma na nonsai mae Aku.

SISIKON NU TO RASUL-RASUL 19:18

Da'isan na mian anu pinalesayamo hi Yesus, tinoka mongakui i ahop nu mian da'isan apaa na anu binaumo nu aha u'utu mae.

ROMA 3:26

Panyo uuka aiya Ia nontantukanmo kaputusan nu dosa' bau pomponyata' ka'adinan-Nyo. Tiba jalan aijo' Ia mompotoamo saba' butong-Nyo totu'u; ka' batu-batu mian anu palesayamo hi Yesus Kristus nutantukanmo mian anu po'ule'mo nompaha ima' tiba Tumpu Allah.

1 KORINTUS 1:9

Tumpu timbali opalesaya totu-totu'u. Iamo na Tumpu Allah anu nolagamo komiu da timbali mosa'angu' tiba Anak-Nyo, aijo'mo i Yesus Kristus Tumpunto.

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.

EFESUS 5:26

I Kristus nombau sumo aijo' da Ia timbali mompobelesi' jama'at aijo', nu pangajalan-Nyo, ka' aijo' tinanda'anmo nu uee palamandian, da lapas aijo' timbalimo Nu potalima hi Tumpu.

PO'ULE' INGULIT 7:9

Otutugi ahi' saba' Tumpu Allah nu belemiu ola sa'a-sa'angu'nyomo Ia na Tumpu Allah, ka' Iamo na Tumpu Allah anu talalo manonong. Tumpu mongganapimo apaa na anu jinanji'-Nyomo ka' nompotoamo kalibosan-Nyo sidu-sidutu' sampe samadala na lapisan nu lee'nyo nu aha mian anu mongkanonongi Ia ka' tulu-tulutan hi iwi-iwi' na palentah-Nyo.

1 TIMOTIUS 1:15

Totu'u hondo na potatae aiya – kalana aijo' tionyo ahi' otalima ka' opalesaya sahondo-hondonyo –: “I Kristus Yesus tinoka i dunia aiya da momposalamat mian baladosa'.” Ka' akumo na mian baladosa' anu talalo ma'idek.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 10:23

Kita tionyo ahi' mintoongmo hoso-hoson i anu otaha'imaninto, anu ingakuantomo kalana Tumpu timbali opalesaya, ka' apaa na anu jinanji'-Nyomo tionyo ahi' Nupodaagi'.

IBRANI 11:11

Kalana bala'iman, sahingga i Abraham nohumpakmo lee' hi Sarah, maumo i Abraham i langkai'mo hondo, ka' i Sarah mule' i lengke'mo. Pinalesayamo hondo na kinyonyoa i Abraham, kalana nusumbu' tionyo nuganapi nu Tumpu na palajanjian-Nyo.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

1 YOHANES 1:7

Panyo de kita tumuu'mo i uno nu jingka susumo Tumpu i uno nu jingka, saba' kita suele ahi' tumuu' sambukumo, mompaha dame-damemo samian ka' samian, ka' baso' i Yesus, Anak-Nyo, na mompolomasmo dosa'to iwi-iwi'.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!