1 YOHANES 1:8 - KITAB NU TUMPU ALLA LELE MA'IMAI'

⁸ De kita motatae tukoonto, kita madi' baladosa', kita mombaleko'imo posi butongto; ka' Tumpu madi' ko anu i uno nu kinyonyoanto.

1 YOHANES 1:8 ပူးပေါင်းရင်းမြစ်များ

1 TOMU-TOMUNDO' 8:46

De mian anu pinalesayamo hi Belento binaladosa'mo hi Belento – memang totu-totu'unyo madi'mo daagi' ko samian anu madi' baladosa' – lantas kalana Belento montambuha'mo opojohokmo nu Belento na aha nu patundu'mo nu sampo bali' ka' mian anu i hakopmo oboamo i lipu' sangga'at anu majo'on kabai anu ohani

2 TOMU-TOMUNDO' 20:15

“Apaa na kahanda' tinoa nu aha i laigan nu tomundo',” na koonyo i Yesaya mule'. “Iwi-iwi'!” na koonyo i Hizkia. “Madi' ko halata' i uno nu laigan nu tomundo' na madi' pinotoangku hi aha.”

2 TAWARIKH 6:36

De mian anu pinalesayamo hi belento baladosa'mo hi belento – memang madi' ko samian pe'e na anu madi' baladosa' – lantas kalana pusamo na belento opojohokmo nu belento na aha da nu patundu'mo nu sampo bali' ka' oboamo salaku mian anu i hakopmo ka' oboamo i sala'sa'angu' na lipu' anu majo'on kabai ohani,

AYUB 14:4

Te toho' mule' na manusia anu baladosa' moko ala mompodaagi' anu talalo hondo ma'ima'?

AYUB 15:14

Pa totu'u na manusia madi' toho' ko kasala'annyo? Te timbali na ia opototu'u i ahop nu Tumpu Allah?

AYUB 25:4

Te moko ala ahi' susi' na manusia i mata nu Tumpu Allah? Te moko ala ahi' na ia belesi, de nutoa nu Tumpu Allah?

MAZMUR 143:2

Aku aiya posaihon nu Belento, boli mae mompulusi aku, kalana madi' ko mian anu madi' kokasala'annyo i ahop nu Belento.

AMSAL 20:9

Daagi' ko mian, anu moko ala motatae “Kinyonyoangku belesi, aku madi'mo binala dosa'?”

ANU MOMPOLELE POTATAE NU TUMPU 7:20

I dunia aiya madi' ko mian anu talakana'; madi' koa anu saja' mombau anu ma'ima' ka' madi' toho' binaladosa'.

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

YEREMIA 2:35

belemiu notatae koonyo nu belemiu, belemiu madi' kosala'nyo, koonyo nu belemiu Aku madi'mo daagi' montambuha'i belemiu. Panyo Aku, Tumpu mohukumo belemiu kalana belemiu madi'mo mongakui taalu' belemiu sinala'mo.

IMAMAT 13:12

De nutoa nu imam nana'nyo mompute' aijo', nolelemo lengkat aita mae i ubaknyo toka-toka akaong i tengkenyo,

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

ROMA 3:10

Sumo anu tinulis i uno nu Kitab nu Tumpu, “Madi' ko samian pe'e na anu totu'u,

ROMA 3:23

Iwi-iwi' mian binaladosa'mo hi Tumpu anu kahanda' momposalamat aha.

1 KORINTUS 3:18

Boli kosamian pe'e mosi akali butongnyo. De daagi' ko mian itina' hi komiu mongoa'i butongnyo pande sumo kokoonyo nu dunia aiya, mian aijo' tionyo timbali pe'e ponga', da ia totu-totu'u timbali pande.

GALATIA 6:3

De daagi' ko samian monsangka butongnyo talasanggo padahan madi', mian aijo' mombaleko'imo posi butongnyo.

1 TIMOTIUS 6:5

ka' po'uwalian anu madi'mo ko kamingkotannyo. Jalan pikilan nu mian haha aijo' pinu'otmo ka' madi'mo daagi' totu'u. Aha monsangka de bala agama moko timbali kaya.

2 TIMOTIUS 3:13

sadangkan to mia-mian anu ma'idek ka' to mia-mian anu mongakali mompaka pa'idekmo. Aha mongakali mian sangga'at padahan posi aha suele o akali.

YAKOBUS 1:22

Tionyo ahi' obau miu apaa na anu pinoto'imo nu Tumpu, boli ola mohongo, sahingga desumo aijo' oposi akalimo miu na butong miu.

YAKOBUS 1:26

De daagi' ko toto samian anu mongoa'i butongnyo mian anu tulu-tulutan i agama, panyo ia madi' mombala'ingati jila'nyo, saba' ia mongakali posi butongnyo; ia monsombah Tumpu madi' ko kaliangannyo.

YAKOBUS 3:2

Kita iwi-iwi' toto minsan mombau kasala'an. Panyo mian anu madi' toho' mombau kasala'an de ia motatae, ia mian anu ma'ima', anu moko ala mongkuasai iwi-iwi na butongnyo.

2 PETRUS 2:13

Salaku bau pohukum kalana kasansala'an anu sinaduakonmo nu aha, aha mongoa'ije kasansala'an. De hi aha, anu momposanang kinyonyoa atina'mo mombau tulu-tulumo pa' apaa sinaa, bau pomposanang anu nuka'ima'i nu butong nu aha. De aha sumuhang hingga-hinggat tiba komiu i uno nu bau-bauon mongkakan, kalakuan nu aha monsaduakon da kita mahega kalana aha talalo ahi' mongka'ima'i da ma'osa i napisu.

1 YOHANES 1:10

Panyo de kita motatae tukoonto, kita madi' baladosa', kita monsangkamo au'aitu Tumpu baleko', ka' kita madi' mompo'una' potatae nu Tumpu i kinyonyoanto.

1 YOHANES 1:6

De kita motatae tukoonto kita tumuu' nosa'angu'mo tiba Ia, yo aitu kita tumuu' i uno nu kapintungan, saba' kita binaleko'mo mau ola potatae, mau pe'e tiba apaa na anu binaumo.

1 YOHANES 2:4

Mian anu motatae, “Aku monsumbu' Tumpu,” panyo madi' tulu-tulutan hi iwi-iwi' na palentah-Nyo, mian aijo' baleko', ka' Tumpu madi' ko anu i uno nu kinyonyoanyo.

1 YOHANES 4:20

De samian motatae, “Aku mongkalibosi Tumpu,” panyo ia madi' mongkalibosi utusnyo, mian aijo' baleko'. Kalana mian anu madi' mongkalibosi utusnyo anu nutoa, madi' moko ala mongkalibosi Tumpu anu madi' nutoa.

2 YOHANES 1:2

Kalana Tumpu utumo i uno nu kinyonyoanto, ka' saja'mo mombaya'i kita sampe toka sidu-sidutu'.

3 YOHANES 1:3

Aku sanang hondo salatan tino pia-piangkuka na Utusto mian Kristen tinoka mae ka' nompoto'i hi belengku tukoonyo nu aha palias na ko tulu-tulutannyo na kita Utus hi Tumpu anu totu'u, kalana memang kita Utus saja' tumuu' mombatuki pangajalan nu Tumpu.