1 YOHANES 1:6 - KITAB NU TUMPU ALLA LELE MA'IMAI'

⁶ De kita motatae tukoonto kita tumuu' nosa'angu'mo tiba Ia, yo aitu kita tumuu' i uno nu kapintungan, saba' kita binaleko'mo mau ola potatae, mau pe'e tiba apaa na anu binaumo.

1 YOHANES 1:6 ပူးပေါင်းရင်းမြစ်များ

MAZMUR 82:5

Belemiu madi' ko anu opisumbu-sumbu', ponga' ka' sala' na bapikin, kalana belemiu, sahingga atulan nu kantumuu'an nu mian da'isan tinabuntala'mo.

MAZMUR 94:20

Belento madi' mosangaja' tiba to mia-mian kopian anu ma'idek na kinyonyoanyo, anu montanga'imo mombau anu ma'idek panyo monggunakon atulan.

AMSAL 2:13

Aha madi'mo mongka' oho' montiho kantumuu'an anu ma'ima'; aha nongalamo jalan anu pintung ka' kahomo dosa'.

MATIUS 7:22

I Sinaa Kakiamatan da'isan na mian motatae hi belengku, ‘Tumpu, Tumpu, te misa' sanggonto na o pake mami mompotoka potuunon nu Tumpu? Ka' te misa' sanggo nu Tumpu suele, kami mule' nola'mo to roh-roh anu ma'idek, ka' nombau manjoo' na anu okabangangi?’

YOHANES 11:10

Panyo mian anu lumajang i pihi, tosumpun, kalana madi' ko jingka hi ia.”

YOHANES 12:35

I Yesus nontaami, “Ola sasaingoni' na jingka aijo' daagi' aiya hi komiu. Jadi, lajangmo da tempo' u'uka komiu daagi' ko jingka, da komiu boli nukona nu kapintungan. Mian anu lumajang i uno nu pintung, madi' nusumbu' pa' iyana kalambanannyo.

YOHANES 12:46

Aku toka i dunia aiya sumo jingka, da iwi-iwi' na mian anu palesaya hi beleng-Ku boli jojoong i uno nu pintung.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

YOHANES 8:55

padahan komiu madi' monsumbu' Ia. Panyo Aku monsumbu' Ia. De Aku motatae Aku madi' monsumbu' Ia, tantu Aku samian na anu baleko' pokakana sumo komiu. Aku monsumbu' Ia ka' mohongo-hongo potatae-Nyo.

1 TIMOTIUS 4:2

anu pinotoka nu to mia-mian anu mongakali ka' baleko'. Kinyonyoanyo nu to mia-mian haha aijo' pinikatmo.

YAKOBUS 2:14

To Utu-utus! Apaa na gunanyo mian motatae, “Aku mian anu pinalesayamo,” padahan ia madi' momponyata' i uno nu kantumuu'annyo? Timbali na iman anu sumo aijo' momposalamat?

YAKOBUS 2:16

Apaa na gunanyo komiu motatae hi ia, “Higahi na mompusok baju' anu mamut ka' higahi na mongkaan!” – de komiu madi' mombee'i ia kapalaluan bau pontumuu'nyo?

YAKOBUS 2:18

Ugaat daagi' ko anu motatae, “Daagi' ko mian anu montaha'imani imannyo, ka' daagi' mule' ko anu montaha'imani bukuti' nu anu obau.” Ku taamije, “Potiju'akon mae hi belengku mosia na mian mohumpak iman padahan madi' ko bukuti'nyo i han anu obau, ka' ku potoaje na bukuti'nyo nu anu binaumo da bau pomponyata' saba' aku ko iman.”

1 YOHANES 1:10

Panyo de kita motatae tukoonto, kita madi' baladosa', kita monsangkamo au'aitu Tumpu baleko', ka' kita madi' mompo'una' potatae nu Tumpu i kinyonyoanto.

1 YOHANES 1:3

Apaa na anu tinoamo mami ka' i hongomo, aijo'mo mule' na anu opolele mami hi komiu, da komiu tiba kami bubuu' mongoa'i totu-totu'u tumuu' nosa'angu' tiba Tuuma ka' Anak-Nyo i Yesus Kristus.

1 YOHANES 1:8

De kita motatae tukoonto, kita madi' baladosa', kita mombaleko'imo posi butongto; ka' Tumpu madi' ko anu i uno nu kinyonyoanto.

1 YOHANES 2:4

Mian anu motatae, “Aku monsumbu' Tumpu,” panyo madi' tulu-tulutan hi iwi-iwi' na palentah-Nyo, mian aijo' baleko', ka' Tumpu madi' ko anu i uno nu kinyonyoanyo.

1 YOHANES 4:20

De samian motatae, “Aku mongkalibosi Tumpu,” panyo ia madi' mongkalibosi utusnyo, mian aijo' baleko'. Kalana mian anu madi' mongkalibosi utusnyo anu nutoa, madi' moko ala mongkalibosi Tumpu anu madi' nutoa.