1 YOHANES 1:5 - KITAB NU TUMPU ALLA LELE MA'IMAI'

⁵ Aiya na lele anu i hongomo mami lengkat mae hi Anak-Nyo ka' anu opotokamo mami hi komiu: Tumpu aijo' jingka, ka' hi Ia madi' hondo-hondo kokapintungan.

1 YOHANES 1:5 ပူးပေါင်းရင်းမြစ်များ

MAZMUR 139:12

saba' pintung aijo' madi' ahi' mompintungi Belento; malom aijo' majingkamo susumo sinaa, ka' pintung aijo' susumo jingka.

MAZMUR 27:1

Mazmur i Daud. Tumpu aijo'mo na jingkaku ka' kasalamatanku, madi'mo ko anu ku kabuhuk. Tumpu aijo'mo na benteng bau pihohunganku, aku madi'mo mabuhuk.

MAZMUR 36:9

Sinukupmo na aha nongkaan anu nolabi-labimo i Laigan nu Belento tiba uee anu o'inum lengkat i kaunyo nu Belento anu sanang hondo na ingoa'anmo.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

YESAYA 2:5

O, lee' mae i Yakub, imbo' kita lumajangmo ijingka nu Tumpu!

YESAYA 60:19

Beleyum madi'mo daagi' nu timpa'i nu singgit de sinaamo ka' mule' madi'mo palalu nu jingkai nu bitu'on de pihimo. Kalana Aku Tumpu na timbalimo jingka sampe toka sidu-sidutu' hi beleyum, Aku monjingkaimo beleyum nu kaholomatan-Ku.

DANIEL 2:22

Iamo na mompotuka'lahasia anu talalo o pohowini. Lamo ia na momposumbu' apa-apaa anu jinadimo i uno nu pikat. Ia nu salingkukubi nu jingka anu taha-tahahumo.

YOHANES 1:19

To mia-mian Yahudi anu ko kuasa i Yerusalem nompokau to ima-imam ka' to mia-mian nu Lewi namba hi Yohanes, ka' nompokilawa hi ia, “Beleyum aiya ihe?”

YOHANES 1:4

Potatae nu Tumpu aijo' pu'un nu kantumuu'an, ka' kantumuu'an monjingkai mian.

YOHANES 1:9

Jingka totu-totu'u anu monjingkai iwi-iwi' na mian, tinokamo i dunia.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

YOHANES 9:5

De Aku daagi' i dunia aiya, Akumo na jingka nu dunia aiya.”

1 KORINTUS 11:23

Kalana pinogulu'akonkumo hi komiu, aijo' ihumpaku lengkat mae hi Tumpu: aijo'mo pihi-pihi salatan i Yesus, Tumpunto kinabisa'anmo, Ia nongalamo roti,

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

1 YOHANES 3:11

Salatanmo pe'e momonanyo pinotokakonmo na lele aiya hi komiu: Kita tionyo mompaha kali-kalibosi samian ka' samian.

ANU PINOTO'I HI YOHANES 21:23

Kota aijo' madi' palalu nujingkai nu batu nu sinaa kabai bitu'on, kalana katalasanggoan nu Tumpu na monjingkai, ka' Anak nu Domba aijo', atina'mo na sulu'nyo.

ANU PINOTO'I HI YOHANES 22:5

Aha madi'mo mompalalui sulu' kabai jingka nu batu nu sinaa, kalana madi'mo daagi' pihi, ka' Tumpuje na monjingkai aha. Sahingga aha saidi' mae mompalentahmo susumo tomundo sampe toka sidu-sidutu'.