1 YOHANES 1:3 - KITAB NU TUMPU ALLA LELE MA'IMAI'

³ Apaa na anu tinoamo mami ka' i hongomo, aijo'mo mule' na anu opolele mami hi komiu, da komiu tiba kami bubuu' mongoa'i totu-totu'u tumuu' nosa'angu' tiba Tuuma ka' Anak-Nyo i Yesus Kristus.

1 YOHANES 1:3 ပူးပေါင်းရင်းမြစ်များ

AYUB 13:1

iwi-iwi' aijo' toho'mo tinoangku ka' pinosi hongongkumo, ka' totu-totu'u ku sumbu' hondo.

MAZMUR 2:7

Notataemo na tomundo', “Ku bebakonmo apaa na anu tinantukanmo nu Tumpu. Ia notataemo hi belengku, ‘Beleyum ana-Ku mo'ane, sinaa aiya aku timbalimo Tuuma nu beleyum.

MAZMUR 22:22

Aku madi'mo moko ala mombau apa-apaa, potuu'akon mae na aku da madi' nutanduk nu sapi' ka' mule' da madi' nusa'u nu singa.

YESAYA 66:19

Aku mompo'una'mo sa'angu' na tanda aijo' hi aha. Madi' manjoo' na anu aijo' hi aha na anu Ku posalamat. Aha Kusai mamba hi to bansa-bansa, ilipu' anu toto jo'o-jo'on, anu ma'isa toho' nohongo lele mongkona Aku kabai nontoa katalasanggoan tiba kuasang-Ku: mamba i Spanyol, i Libia, tiba i Lidia tiba anu to pande-pande na mompana', mamba i Tubal, tiba i Yunani. Aha saidi' mae mombebakonmo katalasanggoan-Ku i bansa haha aijo'.

NOMBILANGMO 10:32

De beleyum mombatukimo saba' iwi-iwi' na anu ma'ima' apaa na anu nubau nu Tumpu hi kami, obau mami hi beleyum.”

YOHANES 17:11

Uuka aiya Aku toka hi kita Tuuma. Aku madi'mo daagi' jojoong i dunia; panyo aha daagi' i dunia. Kita Tuuma anu Susi'! Potuu'akon na aha nu kuasa, nu sanggonto Tuuma, aijo'mo sanggo anu binee'mo nu kita Tuuma hi beleng-Ku – da aha timbali mosa'angu', pokakana sumo kita Tuuma ka' Aku suele sa'a-sa'angu'.

YOHANES 17:21

Ku poita kita Tuuma, da aha iwi-iwi' timbali mosa'angu', susumo kita Tuuma mosa'angu' tiba Aku, ka' Aku tiba kita Tuuma. O'amalakon da aha timbali mosa'angu' tiba Kita, da dunia palesaya taalu' kita Tuuma na nonsai mae Aku.

YOHANES 17:25

Kita Tuuma anu adin! Dunia madi' monsumbu' kita Tuuma, panyo Aku monsumbu' kita Tuuma; ka' mian haha aiya monsumbu' taalu' kita Tuuma na nonsai mae Aku.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 19:35

Mian anu nositoa bauon aijo', iamo na nompoto'i han aijo' da komiu suele palesaya. Ka' anu sinakisiannyo aijo' totu'u, ka' nu sumbu' saba' aijo' memang totu'u.

SISIKON NU TO RASUL-RASUL 13:32

Jadi, uuka aiya kami mompotokakon Lele Ma'ima' aijo' hi komiu: Apaa na anu jinanji'akonmo nu Tumpu hi mompolee'to,

SISIKON NU TO RASUL-RASUL 13:41

‘Palahatikan ima-ima', na komiu to mia-mian anu mongka'ima'i motatae anu moko kulang! Komiu bangang, lantas mate! Kalana tempo' uuka Aku hau-haunyo mombau apa-apaa anu madi' o palesaya miu, maupe'e daagi' ko mian anu monsisikakon hi komiu.’ ”

SISIKON NU TO RASUL-RASUL 2:42

Totu-totu'u na aha saja' binalajan hi to rasul-rasul, ka' saja' silimu' hingga-hinggat. Aha nongkaan hingga-hinggat ka' balado'a hingga-hinggat.

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

SISIKON NU TO RASUL-RASUL 4:20

Kalana kami madi' timbali belenti na motatae mongkona apaa na anu tinoamo mami ka' pinosi hongo.”

ROMA 15:27

Tiba kinyonyoa sanang aha nomputusimo da mombau sumo aijo'. Memang konanyomo na aha patut montulungi to utu-utus anu kasiasi i Yerusalem aijo'; kalana mianmo nu Yahudi haha aijo', sahingga mian anu misa' Yahudi nohumpakmo to bala-balakat anu lengkat mae hi Tumpu. Jadi to mia-mian anu misa' Yahudi aijo' patut suele montulungi to mia-mian Yahudi nu to bala-balakat, susumo lapangnyo to bala-balang.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

1 KORINTUS 1:9

Tumpu timbali opalesaya totu-totu'u. Iamo na Tumpu Allah anu nolagamo komiu da timbali mosa'angu' tiba Anak-Nyo, aijo'mo i Yesus Kristus Tumpunto.

1 KORINTUS 15:1

Ka' uuka aiya, to Utu-utus, gagalanku komiu po'ule' pe'e monginau' Lele Ma'ima' lengkat mae hi Tumpu anu pinolelengkumo u'utu mae hi belemiu. Komiu nontalimamo ka' nompalesayamo i Kristus, kalana Lele Ma'ima' aijo'.

EFESUS 3:6

Lahasia aijo', atina'mo: Montului Lele Ma'ima' aijo', mian anu misa' Yahudi suele mongoa'i to bala-balakat nu Tumpu anu naipuan mae pinotouka ola bau kapentingan nu mian Yahudi. To mia-mian anu misa' Yahudi pinotimbalimo ka' pinosoopmo sambu-sambutong, ka' suele mohumpakmo apaa na anu jinanji'mo nu Tumpu hi Kristus Yesus.

FILIPI 1:7

Memang nukonamo de aku ko kinyonyoa sumo aijo' hi komiu, kalana komiu Utus iwi-iwi' saja' i uno nu kinyonyoangku. Ka' mule' komiu singkona montalima hingga-hinggat ka' aku balakat anu binee'mo nu Tumpu hi belengku; mau uuka aiya aku hau-haunyo i uno nu talungku', mau pe'e aku i sambiha'nyomo mompototu'u ka' montinjohakon Lele Ma'ima' aijo'.

FILIPI 2:1

Komiu nahosonmo kalana komiu nosa'angu'mo tiba i Kristus. Ka' komiu sinanangmo kalana i Kristus nongkalibosimo komiu! Komiu pinotiju'mo nu Roh nu Tumpu, ka' komiu suele nompaha kali-kalibosimo, ka' nompaha ina-inau'mo kalibosan nu samian ka' samian.

FILIPI 3:10

Ola sa'a-sa'angu'nyomo na ku kahanda'i aijo'mo da aku monsumbu' i Kristus, ka' mongoa'i kuasa anu nompotumuu'mo Ia sinilaka. Ku inde'i da mongoa'i sansala hingga-hinggat tiba Ia, ka' timbali pokakana sumo Ia i uno nu han Ia sinilaka.

KOLOSE 1:13

Ia nolapasakonmo kita i kuasa nu kapintungan ka' nolalinmo i uno nu kalaja'an nu Anak-Nyo anu Nu kalibosi.

1 TESALONIKA 1:10

Aha notatae mule' mongkona mosia na komiu montaha'imani katokaan nu Anak nu Tumpu lengkat mae i suluga', aijo'mo i Yesus, anu sinilakamo po'ule'mo pinotumuu' nu Tumpu. I Yesusmo ai-aijo' na anu momposalamat kita i tambuha' nu Tumpu anu saidi' mae toka.

1 TIMOTIUS 6:2

To posa-posaihon anu tuannyo mian Kristen, madi' timbali monte tuannyo kalana aha bubu' mian Kristen. Ola ahi' aha tionyo mohongo-hongo palentah nu tuan nu aha aijo' tiba lebe mule' ma'ima', kalana tuan anu ohongo-hongo ma'ima' na palentahnyo aijo' bubu' mian palesaya anu okalibosi. Iwi-iwi' aiya tionyo ahi' beleyum mongajanakon ka' opokinde'akon.

IBRANI 2:12

I Yesus notatae hi Tumpu, “Ku poto'ije hi to utu-utus-Ku na Belento. Ku poto'ije na Belento de aha singkabotmo, ipogombuan.”

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

IBRANI 3:14

Kita iwi-iwi' mosangalumo tiba i Kristus, i sa'angu' na tanga'an asan kita sampe toka imihinyo na montoongi hoso-hoson kapalesaya'an anu totu-totu'u anu daagi'mo hi kita salatanmo pe'e imoonanyo.

1 PETRUS 5:1

Ku poita da okalesang hondo-hondo nu to pola-polaya' nu jama'at miu. Aku nontulis aiya salaku sangalu bubuu' polaya' ka' salaku mian anu nonsakisimo kasansala'an anu ingoa'anmo i Kristus, ka' anu saidi' mae suele opopodaka', de maluannyo katalasanggoan i Kristus opotoamo hi manusia. Ku poita sabole-bole,

2 PETRUS 1:16

Tempo'nyo kami nompoto'i hi belemiu i Yesus Kristus Tumpunto toka talasanggo hondo, kami madi' nohongo hi sisik anu toto bale-baleko' anu ola pohumpakan puji' nu mian. Katalasanggoan i Kristus aijo' tinoamo mami nu posi mata mami.

1 YOHANES 1:1

Isi nu sulat aiya mongkona Potatae nu Tumpu anu mompotumuu', aijo'mo Potatae nu Tumpu anu polo-polo'mo daagi' salatanmo pe'e momonanyo. Kami nohongomo ka' nontoamo nu posi mata mami. Kami nontoamo ka' lima mami nongkanyangmo ia.

1 YOHANES 1:5

Aiya na lele anu i hongomo mami lengkat mae hi Anak-Nyo ka' anu opotokamo mami hi komiu: Tumpu aijo' jingka, ka' hi Ia madi' hondo-hondo kokapintungan.

1 YOHANES 1:7

Panyo de kita tumuu'mo i uno nu jingka susumo Tumpu i uno nu jingka, saba' kita suele ahi' tumuu' sambukumo, mompaha dame-damemo samian ka' samian, ka' baso' i Yesus, Anak-Nyo, na mompolomasmo dosa'to iwi-iwi'.