1 YOHANES 1:2 - KITAB NU TUMPU ALLA LELE MA'IMAI'

² Salatan kantumuu'an aijo' pinonyata'mo, kami nontoamo. Mokonyo aijo' kami nompoto'imo apaa na anu sinakisianmo mami mongkona Ia. Kami nompolelemo hi komiu mongkona kantumuu'an anu totu'u ka' anu toka sampe sidu-sidutu', anu daagi' hingga-hinggat tiba Tuuma, ka' anu pinonyata'mo hi kami.

1 YOHANES 1:2 ပူးပေါင်းရင်းမြစ်များ

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 1:4

Potatae nu Tumpu aijo' pu'un nu kantumuu'an, ka' kantumuu'an monjingkai mian.

YOHANES 10:28

Aku mombee'i aha kantumuu'an kopian ka' toka sidu-sidutu', ka' sidu-sidutu' aha madi' silaka. Madi' ko samian pe'e mongagoi aha i limang-Ku.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 15:27

Ka' komiu suele tionyo mombee'i katalangan mongkona Aku, kalana komiu no'imboamo ka' Aku salatanmo pe'e imomoonanyo.

YOHANES 16:28

Memang Aku nolengkat mae hi Tuuma, ka' tinokamo i uno nu dunia. Panyo uuka Ku pala'imo na dunia minsusule'mo hi Tuuma.”

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 17:5

Kita Tuuma! Popodaka'mo na Aku u'uka aiya hi kita Tuuma nu kadaka'an anu daagi' hi beleng-Ku, ka' hi kita Tuuma, ma'isa pe'e dunia aiya pinotimbali.

YOHANES 19:35

Mian anu nositoa bauon aijo', iamo na nompoto'i han aijo' da komiu suele palesaya. Ka' anu sinakisiannyo aijo' totu'u, ka' nu sumbu' saba' aijo' memang totu'u.

YOHANES 21:14

Aiyamo na ko pintolunnyo i Yesus nompotoa butongnyo hi anu saja' mombatuki Ia, salatan Ia po'ule'mo tinumuu' lengkat i kasilakan-Nyo.

YOHANES 3:13

Ma'isa toho' ko samian pe'e anu noliba'mo i suluga', ola ahi' Ia anu nintatau' i Dunia aijo'mo Anak nu Mian.

YOHANES 7:29

Aku monsumbu' Ia, kalana Aku nolengkat mae hi Ia, ka' Iamo na nonsai mae Aku.”

YOHANES 8:38

Apaa na anu tinoang-Kumo hi Tuumang-Ku, aijo'mo na anu Ku taloakon. Sadaang komiu mombau apaa na anu pinogulu'akon nu tuuma miu hi komiu.”

SISIKON NU TO RASUL-RASUL 10:41

madi' hi iwi-iwi' na mian, sambiha'nyo ola posi kami anu pinile'anmo nu Tumpu i momonanyo da timbali to saki-sakisi-Nyo: Kami nongkaan ka' nonginum tiba Ia, salatan Ia po'ule'mo tinumuu' lengkat i kasilakan-Nyo.

SISIKON NU TO RASUL-RASUL 2:32

I Yesusmo aiya na po'ule' pinotumuu' nu Tumpu lengkat i kapatean. Kami iwi-iwi' nosi sakisimo han aijo'.

SISIKON NU TO RASUL-RASUL 3:15

To utu-utus mompateimo Ia, padahan Iamo na pinolengkatan nu kantumuu'an bau kapentingan nu iwi-iwi' mian. Ka' Tumpu po'ule'mo nompotumuu' ia lengkat i kapateannyo. Kami nonsakisimo han aijo'.

SISIKON NU TO RASUL-RASUL 5:32

Kamimo na to saki-sakisi mongkona iwi-iwi' aijo' – kami ka' suele Roh nu Tumpu anu binee'mo nu Tumpu hi to mia-mian anu mombatuki palentah-Nyo.”

ROMA 8:3

Apaa na anu madi' opoko bau nu atulan nu agama, kalana kita mian madi' moko ala mombau, aijo' binaumo nu Tumpu. Tumpu nohungku'imo kuasa nu dosa' anu i uno nu sipat nu mian, aijo'mo nonsai posi Anak-Nyo na tinoka nimbalu-balu sumo mian anu baladosa' da mongalini dosa'.

GALATIA 4:4

Panyo tinokamo i tempo'nyo anu tinantukanmo, Tumpu nonsaimo mae Anak-Nyo namba i dunia. Anak-Nyo aijo' i hampeakon nu samian na boune ka' tinumuu'mo i uno nu kakuasa'an nu atulan nu agama.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

2 TIMOTIUS 1:10

Ka' uuka Tumpu nompotoamo balakat-Nyo aijo' hi kita, kalana nompotokamo mae Tomundo anu Momposalamat kita, i Kristus Yesus. I Yesus nompokalamo kuasa nu kapatean ka' nomboamo mae kantumuu'an anu sampe toka sidu-sidutu' montului Lele Ma'ima' aijo'.

TITUS 1:2

Pangajalan aijo' nimpu'u i anu otaha'imani, aijo'mo kita montalimaje kantumuu'an kopian ka' sampe toka sidu-sidutu'. Tumpu Allah nonjanji'mo kantumuu'an aijo' ma'isa pe'e dunia aiya tinimbali – ka' Tumpu madi' toho' baleko'.

1 PETRUS 5:1

Ku poita da okalesang hondo-hondo nu to pola-polaya' nu jama'at miu. Aku nontulis aiya salaku sangalu bubuu' polaya' ka' salaku mian anu nonsakisimo kasansala'an anu ingoa'anmo i Kristus, ka' anu saidi' mae suele opopodaka', de maluannyo katalasanggoan i Kristus opotoamo hi manusia. Ku poita sabole-bole,

1 YOHANES 1:1

Isi nu sulat aiya mongkona Potatae nu Tumpu anu mompotumuu', aijo'mo Potatae nu Tumpu anu polo-polo'mo daagi' salatanmo pe'e momonanyo. Kami nohongomo ka' nontoamo nu posi mata mami. Kami nontoamo ka' lima mami nongkanyangmo ia.

1 YOHANES 2:25

Ka' aiyamo na anu jinanji'mo i Kristus hi kita: Tumuu' kopian ka' sampe toka sidu-sidutu'.

1 YOHANES 3:5

Osumbu' miu saba' i Kristus toka mae da monsapui to dosa-dosa' nu mian, ka' memang madi'mo ko dosa'nyo i uno nu butong-Nyo.

1 YOHANES 3:8

Panyo mian anu sabau-baunyo dosa' atina'mo na anak nu Ibilis, kalana Ibilis binaladosa' salatanmo pe'e momonanyo. Kalana han aijo' sahingga Anak nu Tumpu tinoka mae aijo'mo da monggalisi pakalaja'an nu Ibilis.

1 YOHANES 4:14

Kami nontoamo Anak nu Tumpu, ka' kami nompolelemo Ia, anu sinai mae nu Tuuma da timbali Tomundo anu Momposalamat dunia aiya.

1 YOHANES 4:2

Sumo uuka na obau da osumbu' miu pa' Roh nu Tumpu kabai misa': Mian anu mongakui tukoonyo i Yesus Kristus tinokamo i dunia salaku mian, mian aijo' ko Rohmo anu tinoka mae lengkat hi Tumpu.

1 YOHANES 5:11

Aiyamo na anu sinakisianmo aijo': Tumpu nombee'imo kita kantumuu'an kopian ka' sampe toka sidu-sidutu', ka' Anak-Nyo aijo'mo na pinolengkatan nu kantumuu'an aijo'.

1 YOHANES 5:13

Aku nontulis toka hi komiu anu pinalesayamo hi Anak nu Tumpu Allah, da osumbu' miu saba' komiu ko kantumuu'anmo kopian ka' sampe toka sidu-sidutu'.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.