1 TOMU-TOMUNDO' 9:8 - KITAB NU TUMPU ALLA LELE MA'IMAI'

⁸ Laigan ponsomban aiya timbalimo tambulan nu anu nopapu sahingga toto samian anu montulu i kiijo' tolokengkeng ka' mongoa'i mabuhuk. Aha motatae, 'Kadaka' Tumpu nombaumo susumo aijo' i lipu' ka' laigan aiya?'

1 TOMU-TOMUNDO' 9:8 ပူးပေါင်းရင်းမြစ်များ

2 TOMU-TOMUNDO' 22:17

Aha nohikumo Aku ka' nonsombahkonmo koloban hi pilogot sangga'at. Iwi-iwi' na anu binaumo nu aha nonsungkelekmo kinyonyoang-Ku sahingga Aku pinusamo. Aku nontambuha'imo Yerusalem, ka' tanbuha'ku aiya madi'mo ku poko sabanakon.

2 TOMU-TOMUNDO' 25:9

I Nebuzaradan nompapumo Laigan nu Tumpu, laigan nu tomundo' ka' laigan iwi-iwi' nu to mia-mian anu talasanggo i Yerusalem.

2 TAWARIKH 29:8

Lantas Tumpu notambuha'mo sahingga nohukumo mian nu Yehuda ka' Yerusalem. Ka' belemiu iwi-iwi' nonsumbu'mo apaa na anu binaumo nu Tumpu aijo' nompotolokengkengmo ka' kinabuhukmo.

2 TAWARIKH 36:19

Pagan mesen nu kota Yerusalem i hobo'akonnyomo ka' pinapunyomo na kota aijo', tibamo Laigan nu Tumpu ka' iwi-iwi' na laigan nu tomundo tibamo sinin na balangnyo anu mahan na olinyo anu daagi' kiijo' i iwi-iwi' i laigan nu tomundo.

2 TAWARIKH 7:21

Laigan ponsomban Aku aiya, tempo' uuka aiya o'angga'i hondo, panyo de jadi na anu kokoong-Ku aijo' saba' batu-batu mian anu motulu i kiijo' bangangmo na montoa. Aha motataemo, ‘Kadaka' Tumpu nombaumo lipu' ka' laigan aiya sumo aijo'?’

YESAYA 64:11

Laigan nu Tumpu anu susi' ka' mule' talasanggo, tampat nu mompolee' mami sola' mompuji' Belento, tinanggotanmo nu apu; iwi-iwi' na tampat anu oka'ima'i mami singkapmo na'idek.

YEREMIA 16:10

De nupoto'imo na aiya iwi-iwi' hi aha, ugat nu pokilawamo nu aha kadaka' Aku mohukumo aha sumo aijo'mo na ko boatnyo. Nu pokilawamo nu aha pa' apaa na kasala'an tiba dosa' nu aha anu binaumo hi Belengku, Tumpu Allah nu aha.

YEREMIA 18:16

Lipu' aiya pinotimbalimo nu aha tampat anu okabuhuk hondo ka' saja'mo timbali bau sisik anu okokojoi. Iwi-iwi' na anu motulu ikiijo' mahalilokanmo ubak kalana mabuhukmo.

YEREMIA 19:8

Ku potudunmo hi aha na balaa' anu opalias hondo ikota' aiya sahingga batu-batu mian anu motulu ikiijo' tolokengkengmo ka' mabuhukmo.

YEREMIA 22:28

Aku i Yeremia nompoto'imo, “Pa' i Tomundo' Yoyakhin tinimbalimo susumo kuhon tano' anu noposo'mo anu o alinmo ka' madi'mo daagi' oka'ima'i? Mokonyo aijo' ia tiba to ana-anaknyo olaa'mo ka' oboamo ilipu' anu madi' nu sumbu-sumbu' nu aha?”

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

YEREMIA 44:8

Kadaka' belemiu nombaumo hahan anu monsabapimo Aku motambuha'? Belemiu tinokamo i Mesir ka' jinojoongmo, ilipu' anu ma'isa osumbu-sumbu' nu belemiu aijo' lantas belemiu monsombahmo pilogot ka' monsombahkonmo koloban hi to pilo-pilogot nu lipu' aijo'! Te belemiu kahanda'mo mohansuni posi butong nu belemiu da belemiu nu alumo nu bansa iwi-iwi' idunia aiya ka' mule' sanggo nu belemiu lewa'mo opake salaku bau pontotobi'akon?

YEREMIA 49:17

Tumpu notatae, “Balaa' anu saidi' mae montokai Edom talalo ahi' daka' sahingga ihehe na mian anu motulu ikiijo' tolokengkengmo ka' mabuhukmo.

YEREMIA 5:19

Panyo de nu pokilawa nu aha kadaka' Ku baumo na aijo' iwi-iwi' hi aha, poto'i Yeremia saba' susumo aha nompala'imo Aku ilipu' nu aha ka' nompalesayamo to pilo-pilogot nu bansang sangga'at, sumo aijo'mo na aha timbalimo posaihon nu to mia-mian anu isalipu' anu lengkat mae ilipu' sangga'at.”

YEREMIA 50:13

Kalana Aku notambuha'mo sahingga Babel timbalimo tampat anu nohobo'-hobo'mo ka' madi'mo daagi' ko anu monjojoongi. Iwi-iwi' na mian anu motulu ikiijo' tolokengkengmo ka' mule' mabuhukmo.

YEREMIA 52:13

I Nebuzaradan nompapumo Laigan nu Tumpu, laigan nu tomundo' tiba laigan iwi-iwi' nu aha mian anu talasanggo i Yerusalem.

MOHAANGI 2:15

Iwi-iwi' na anu motulu mongalu beleyum, kalana ihansunmo songko-songko na beleyum Aha naha lilokanmo ka' notatae, “Te aijo'mo na kota' anu talalo hondo ma'ima' kota'anu nunu buulakon nu dunia?”

DANIEL 9:12

Belento momputusi kona hondo susumo anu jinanji'mo nu Belento hi kami ka' mule' hi aha anu nongkuasaimo mae kami. Yerusalem i hukumo nu Belento tala-talalo, sahanyo kota' iyayamae i dunia aiya na madi' talalo i hukum.

PO'ULE' INGULIT 28:37

Iyaya mae na lipu' pinongga'a-ga'atakonan nu Tumpu belemiu, to mia-miannyo mabuhukmo na montoa belemiu; belemiu lewa'mo o'aluu ka' nukokojoi nu aha.

PO'ULE' INGULIT 29:23

Ale' miu iwi-iwi' madi'mo ma'omuk ka' nutumuu'imo nu padang ka' tabuhonmo nu belelang ka' timuson. Tano'nyo madi'mo timbali posu'anan ka' hemput madi'mo mongka'oho' tumuu' ikiijo'. Lipu' nu belemiu sumomo to kota-kota nu Sodom ka' Gomora, Adma ka' Zeboim anu ingideanmo nu Tumpu tempo'nyo Ia talalomo hondo notambuha'.