1 TOMU-TOMUNDO' 8:9 - KITAB NU TUMPU ALLA LELE MA'IMAI'

⁹ I uno nu Peti' Palajanjian aijo' madi' ko sangga'atnyo ola ahi' ohua' na batu. Batu haha aijo' pinosoopmo i Musa i kiijo' tempo'nyo kiita' mae i Bungkutnyo nu Sinai, tempo'nyo Tumpu binajanji'mo tiba bansa Israel, tempo'nyo aha nambamo mae lengkat i Mesir nokiijo' i lipu' Kana'an.

1 TOMU-TOMUNDO' 8:9 ပူးပေါင်းရင်းမြစ်များ

1 TOMU-TOMUNDO' 8:21

I uno nu Laigan nu Tumpu aijo' pinotoukankumo na pompokokoan Peti' Palajanjian anu pinongisian batu palajanjian nu Tumpu tiba mompolee'to tempo'nyo Ia nomboa mae nosabat lengkat mae i Mesir.”

2 TAWARIKH 5:10

I uno nu Peti' Palajanjian aijo' madi' ko anu sangga'at na ingisi, ola ahi' samata-mata kobakan nu batu ohua'. Batu ohua' aijo' pinosoopmo i Musa tempo'nyo daagi' kiijo' mae i Bungkutnyo nu Sinai, salatan Tumpu binalajanji'mo tiba bansa Israel tempo'nyo aha nompala'imo mae Mesir nambamo i Lipu' Kana'an.

2 TAWARIKH 5:9

Kau' anu bau polembanan aijo' mantan hondo, sahingga puusnyo poti-potingkolong kantoan mokiijo' lengkat i ahop nu Salipi' anu Talalo Hondo Susi', panyo madi' kantoan i sambiha'nyo. (Sampe sinaa uuka aiya kau' haha aijo' daagi' kiijo').

NOSABATMO 13:21

De sinaa Tumpu lumajang momona i ahop nu aha nu hohungi nu kundom, ka' de pihimo Ia na mamba momona aijo' hi aha i jingka apu mompotiju' jalan. Sahingga aha timbali lumajang sinaa ka' pihi.

NOSABATMO 14:24

Ohanimo maliana Tumpu nontoamo lengkat mae aita' i jingka nu apu ka' hohung nu kundom nokiijo' hi suludadu nu aha Mesir ka' nompokalangkabutmo.

NOSABATMO 16:10

Hau-haunyo i Harun notataemo hi aha iwi-iwi', aha nontoamo nokiijo' i padang bola ka' monti-montiik jingka nu Tumpu kinantoaanmo i uno nu kundom.

NOSABATMO 16:33

I Musa notataemo hi Harun, “Ala na sa'angu' na kuhon, isi kila-kila ohua' na liter na manna ka' potimpas i ahop nu Tumpu ka' po una' da nutoa nu lee'to.”

NOSABATMO 25:16

Lantas i uno nu peti' aijo' na pompo'isian nu beleyum ohua' na batu anu ko tulisannyo palentah anu Ku bee'je hi beleyum.

NOSABATMO 25:21

Po'isi na batu ohu-ohua' i uno nu peti' aijo', ka' okulubi.

NOSABATMO 40:20

Lapas aijo' batu ohu-ohua' aijo' pinosoopnyomo i uno nu Peti' Palajanjian. Lantas kinulubanmo i Musa na Peti' aijo', ka' pinosoopnyomo na kau' polembanan i pasinsingnyo.

YEHEZKIEL 10:4

Jingka anu majingka hondo salaku tanda Tumpu tinokamo najingka lengkat mae aijo' i malaekat haha aijo' ka' nolalinmo i sabatan pinsoopan mokiijo' i Laigan nu Tumpu sahingga popasannyo najingkamo hondo.

IMAMAT 16:2

Ia notatae, “Sisikakon hi utus nu beleyum i Harun, saba' ola ahi' tempo' anu tinantukanmo na ia timbali minsoop i Salipi' anu Susi' hondo anu nu oloti nu lalanse', kalana ikiijo' na Aku nanintoa i uno nu kundom i kolop nu Peti' Palajanjian. De i Harun molanggai palentah aijo' ia matemo.

NOMBILANGMO 17:10

Lantas Tumpu notataemo hi Musa, “Po'ule' potimpas na tokon i Harun i ahop nu Peti' Palajanjian. Tokon aijo' tionyo ahi' opo'una' salaku bau tanda saja' o'inau' nu aha mian Israel, anu saja' moto'idek saba' aha matemo de aha saja' mososon.”

NOMBILANGMO 9:15

I sinaa pompotinjoanmo Kemah nu Tumpu, tinokamo na kundom nohohungi Kemah aijo'. Salatan pe'e nalomo sangkutnyo tinoka daagi' subu, kundom aijo' otoa sumo apu.

PO'ULE' INGULIT 31:26

“Alamo na kitab nu Atulan nu Tumpu Allah aiya, ka' po'una' i sohipi'nyo nu Peti' Palajanjian nu Tumpu Allah nu belemiu, da saja' sabole-bole ikiijo' bau salaku pomponyata' hi bansa aijo',

PO'ULE' INGULIT 4:13

Kiijo' mae Ia nompoto'imo hi belemiu apaa na anu tionyo ahi' obau nu belemiu, salaku bau pomponyata' apaa na anu jinanji'akon-Nyomo hi belemiu. Sampulu' na palentah anu tinulis-Nyomo i ohua' na batu pontulisan aijo' tionyo ahi' obau nu belemiu.

IBRANI 9:4

I uno nu salipi' aijo' daagi' ko mezbah mosoni' na binau bau pompapuian kamangian, ka' daagi' mule' ko Peti' Palajanjian. Peti' aijo' i lapisan songko-songko nu mosoni'. I uno nu Peti' aijo' daagi' ko kuhon mosoni', isinyo manna, tokon i Harun anu ninsumpemo, ka' ohua' na kobakan nu batu bau pinontulisan; anu kiijo' tuli-tulis sampulu' na palentah nu Tumpu.

ANU PINOTO'I HI YOHANES 15:8

Sahingga Laigan nu Tumpu aijo' nobuke'mo nu tibuk nu katalasanggoan ka' kuasa nu Tumpu. Ka' de popitu' na balaa' anu binoa mae nu popi-popitu' na malaikat aijo' ma'isa mingkot, madi' ko samian pe'e na anu timbali minsoop i Laigan nu Tumpu Allah.