1 TOMU-TOMUNDO' 8:6 - KITAB NU TUMPU ALLA LELE MA'IMAI'

⁶ Lapas aijo' to ima-imam nomboamo Peti' Palajanjian aijo' i uno nu Laigan nu Tumpu ka' pinokokomo nu aha i patu nu patong nu malaekat haha aijo' i Salipi' Anu Susi' hondo.

1 TOMU-TOMUNDO' 8:6 ပူးပေါင်းရင်းမြစ်များ

2 SAMUEL 6:17

Peti' Palajanjian aijo' pino una'mo i tampatnyo anu pinotokamo i Daud i uno nu kemah. Lapas aijo' i Daud nonsombahkonmo hi Tumpu koloban anu opotunu ka' koloban paladamean.

2 SAMUEL 6:2

Aha binoanyomo i Baale-Yehuda da mongala mae kiijo' Peti Palajanjian anu osa-osanggohi Tumpu Daka' hondo na kuasanyo anu naninsuhang aita hi to mala-malaikat.

1 TOMU-TOMUNDO' 6:16

I uno nu laigan aijo' i sasu hikunyo binauan salipi'nyo ka' pinokonan pimpi'nyo bau pongoloti kau' lontio' na binau, lengkat pe'e i salonyo toka-toka mokiita' i palaponnyo. Salipi'nyo aijo' osanggohi Salipi'nyo anu Susi'. Hondo ko mantannyo osio' na meten.

1 TOMU-TOMUNDO' 6:19

Salipi'nyo anu Susi' Hondo aijo' binau i uno nu Laigan nu Tumpu aijo' pinotouka da pompo'una'an Peti' Palajanjian nu Tumpu.

1 TOMU-TOMUNDO' 6:27

Ohu-ohua' na patong aijo' pinotinjo mompaha bebe' i uno nu Salipi' anu susi' Hondo aijo' sahingga toto sa'angu' na polipiknyo aijo' mompadis pimpi' ka' polipiknyo sangga'at mompaha padi-padis i totonga' nu Salipi' aijo'.

1 TOMU-TOMUNDO' 8:3

Salatan to kapa-kapala sinihukmo iwi-iwi', to ima-imam nohangkatmo Peti' Palajanjian aijo'

1 TOMU-TOMUNDO' 8:4

ka' binoamo nu aha i Laigan nu Tumpu. Kemah nu Tumpu ka' iwi-iwi', na pakakasnyo i lalinmo suele binoamo i Laigan nu Tumpu nu to ima-iman ka' aha mian nu Lewi.

1 TOMU-TOMUNDO' 8:7

Polipiknyo nu patong haha aijo' natikalambomo nongkukubi peti' aijo' tiba ka' kau' anu bau polembanan.

1 TAWARIKH 22:19

Jadi tionyo ahi' belemiu palesaya ka' mohongo-hongo Tumpu Allah nu belemiu i uno nu kinyonyoa totu-totu'u ka' i uno nu kantumuu'an nu beleyum. Tampu'unimo na mombau laigan anu bau ponsomban Tumpu, da Peti' Palajanjian-Nyo ka' iwi-iwi' na pakakas sangga'at anu opake samata-mata de monsombahmo Tumpu, opo'una'mo i kiijo'.”

2 TAWARIKH 5:7

Lapas aijo' to ima-imam nomposoopmo Peti' Palajanjian aijo' i uno nu Laigan nu Tumpu ka' pinokokonyomo i patu nu patong malaikat i uno nu Salipi' anu talalo hondo Susi'.

MAZMUR 80:1

Anu mongkapalai panyanyi. Ingala i lagu nu nyanyian: Bunga Bakung. Mazmur mongkona han anu sinakisianmo i Asaf.

MAZMUR 80:2

O, Polaya' nu Israel, potombihingakon mae, Belento na nolaya'mo lee' i Yusuf susumo potu'on, sanggombu. Belento na anu sinumuhangmo aita' i malaekat, tinokamo mae, na'ima'mo hondo na tinoa, hi ahop i Efraim, Benyamin tiba hi Manasye.

MAZMUR 99:1

Tumpu aijo'mo na Tomundo'; to bansa-bansa langkakatan. Ia sumuhang aita' i to mala-malaekat, dunia gayu'an.

NOSABATMO 37:9

ka' binau mompaha ahop, ka' polipiknyo boka-boka mongkukubi kolop nu peti' aijo'.

YESAYA 37:16

“O, Tumpu Anu Daka' na Kuasanyo, Tumpu anu mongkuasai iwi-iwi' na kalaja'an idunia aiya.

YEHEZKIEL 10:5

Onyi' nu polipik nu malaekat haha aijo' de mompapa'imo kahongoan toka-toka ipopasan anu isambiha'nyo, sumomo ahi' potatae nu Tumpu Anu Mahakuasa.

YEHEZKIEL 41:4

Lantas ingukunnyomo suele na suo'nyo aijo': ko ewanyo sulapa' opat, ko mantannyo tiba kobolanyo pokakana sampulu' na meten. Lapas aijo' ia notataemo mae hi belengku, “Aiyamo na Tampat Anu Susi' hondo.”

1 SAMUEL 4:4

Lantas aha nonsaimo mian namba i Silo mongala Peti' Palajanjian nu Tumpu, anu salaku kajojoongan nu Tumpu Anu Daka' na kuasanyo. Anak i Eli ua-ua aha, i Hofni tiba i Pinehas na nontuntuni mae Peti' Palajanjian aijo'.