1 TOMU-TOMUNDO' 8:43 - KITAB NU TUMPU ALLA LELE MA'IMAI'

⁴³ O poita da itina' mae i kajojoongan nu Belento i suluga' o hongo mae nu Belento na do'anyo ka' bee'mo apaa na anu pinoitanyomo. Sahingga iwi-iwi' na bansa i songko-songko na dunia monsumbu'mo Belento ka' montulutimo Belento susumo mian nu Israel anu pinalesaya'mo. Da nusumbu' nu aha na laigan anu ku bau aiya bau tampat ponsomban Belento.

1 TOMU-TOMUNDO' 8:43 ပူးပေါင်းရင်းမြစ်များ

1 TOMU-TOMUNDO' 18:36

Salatan nonsombahkonmo koloban malom-malom i Elia nongohanimo mezbah aijo' ka' binalado'a, “O Tumpu, Tumpu Allah anu nunu sombah i Abraham, i Ishak, ka' i Yakub, ponyata'mo mae uuka aiya da nusumbu'mo nu aha taalu' Belentomo atina' na Tumpu Allah nu Israel, ka'akumo aiya na posaihon nu belento. Ponyata'mo mae mule' da nusumbu' nu aha taalu' anu ku bau aiya iwi-iwi' palentah mae lengkat hi Belento.

1 TOMU-TOMUNDO' 8:60

Tiba jalan anu sumo aijo' iwi-iwi' na bansa i dunia aiya monsumbu'je taalu' ola-olamo ahi' Tumpu, na Tumpu Allah, madi' ko sangga'atannyo.

2 TOMU-TOMUNDO' 19:19

O Tumpu, Tumpu Allah mami, lapasakon mae na kami aijo' hi aha to mia-mian nu Asyur da iwi-iwi' na bansa i dunia aiya monsumbu' taalu' ola ahi' belento sa'a-sa'angu'nyo na Tumpu Allah.”

1 TAWARIKH 16:8

Montalimah kase hi Tumpu, bebakon na katalasanggoan-Nyo, osisikakon apaa na anu binau-Nyomo hi to bansa-bansa.

2 TAWARIKH 6:33

ku taha'imani da kiita' mae i kajojoongan nu Belento i suluga', belento monpotombihingakon mae do'anyo ka' mombee' apaa na anu pinoitanyomo. Tiba jalan anu sumo aijo' iwi-iwi' na bansa anu i songko-songko na dunia mongakuimo belento ka' tulu-tulutanmo hi belento susumo mian nu Israel anu pinalesayamo hi belento. Nusumbu'mo nu aha taalu' laigan anu binaungkumo aiya, aiyamo na tampat bau ponsomban belento.

MAZMUR 102:15

Kalana to posa-posaihon nu Belento nongka'ima'imo ia, maumo ia nohobo'mo. Aha nongkalibosimo ia maumo ia tinimbalimo abu'.

MAZMUR 22:27

Miana nu kasiasi mongkaan sampe mobosu; mian anu tokamo hi Tumpu mompuji'mo Ia. O'amalakon da komiu mohumpak ka'ima'an sampe toka sidu-sidutu'!

MAZMUR 33:14

Kiita' mae i kasuhangan-Nyo Tumpu mompalahatikan iwi-iwi' na anu jojoong i dunia.

MAZMUR 67:2

O'amalakon da Tumpu mongkalibosi mae ka' mombalakati kita, o'amalakon da Ia montoa mae kita sanang na kinyonyoa-Nyo.

MAZMUR 86:9

Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

YESAYA 11:9

I Sion, Puge'nyo nu Tumpu anu Susi', madi' ko anu ma'idek kabai ko anu mongidei. Lipu' kahomo monsumbu' apaa na aijo' Tumpu, pokakanamo susumo uee mompobuke'imo ndalangon.

YEREMIA 25:29

Ku tampu'unimo na mohansuni lengkat pe'e iposi kota'-Ku. Dumo nu sangka nu aha au' aitu aha na madi' ahi' ohukum. Aha na memang ahi' ohukumo kalana Aku mompotokamo mae pahampatean hi iwi-iwi' na bansa anu isongko-songko na dunia aiya. Aku, Tumpu Anu Balakuasa, notataemo.

PO'ULE' INGULIT 26:15

I tampat nu belento anu susi' i suluga' sanangmo pe'e mae ahi' na kinyonyoa nu belento montoa ka' mombalakati mae mian nu Israel anu pinalesayamo hi bebelento; balakatiakon mae suele na lipu' anu kaya ka' ma'omuk anu binee'mo nu belento hi kami susumo anu jinanji'mo nu belento hi mompolee' mami.’ ”

YOSUA 4:23

Sisikakon hi aha taalu' Tumpu Allah nu belemiu nompo'otimo uee nu Kaunyo Yordan aijo' da belemiu iwi-iwi' toka i santoanyo susumo ia nompo'otimo Ambai Gelagah da kinajalanan mami,

YOSUA 4:24

da iwi-iwi' na mian anu i dunia aiya monsumbu' palias na kodaka'nyo na kuasanyo nu Tumpu. Ka' tiba jalan anu sumo aijo' belemiu mongadatimo Tumpu, Tumpu Allah nu belemiu sampe toka sidu-sidutu'.”

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

1 SAMUEL 17:46

Sinaamo uuka aiya na Tumpu mombee' mae beleyum hi belengku, beleyum ku patundu'mo ka' ubak nu beleyum ku kolongmo. Butong nu beleyum tiba butong nu to sulu-suludadu nu Filistin ku bee'mo hi tomonsi ka' binatang, da nu kaan nu aha. Sahingga songko-songko na dunia monsumbu'je taalu' kami bansa Israel ko Tumpu Allahnyo anu osombah mami.