1 TOMU-TOMUNDO' 8:34 - KITAB NU TUMPU ALLA LELE MA'IMAI'

³⁴ ku taha'imani Belento kiita' ii suluga' mompotombihingakon mae aha. Ku taha'imani Belento mongampuni dosa' nu mian anu pinalesayamo hi Belento aiya ka' po'ule' mo momboa aha i lipu' anu binee'mo nu Belento hi mompolee' nu aha.

1 TOMU-TOMUNDO' 8:34 ပူးပေါင်းရင်းမြစ်များ

KAJADIAN 13:15

Ku bee'mo hi beleyum ka' hi lee' nu beleyum na tano' songko-songko anu tinoamo nu beleyum atina' da timbalimo bau bagi nu beleyum sampe toka sidu-sidutu'.

1 TOMU-TOMUNDO' 8:33

De mian nu Israel anu pinalesayamo hi Belento nu patundu'mo nu sampo' bali'nyo iwi-iwi' kalana binaladosa'mo lantas aha po'ule'mo balatobat hi Belento ka' mongadatimo Belento salaku Tumpu, lapas aijo' mambamo mae i laigan ponsomban aiya ka' balado'amo momoita da o ampuni nu Belento,

1 TOMU-TOMUNDO' 8:35

De mian anu pinalesayamo hi Belento ka' baladosa'mo hi Belento ka' o hukummo nu Belento na aha madi'mo montudunakon mae ujan lantas aha balatobatmo madi'mo mombau dosa' nu aha ka' mongadatimo Belento salaku Tumpu, lapas aijo' aha tokamo mae i laigan ponsomban aiya ka' balado'amo hi Belento, de timbali Belento kiita' i suluga' mompotombihingakon mae naha,

MAZMUR 106:46

Binalakatan-Nyomo na aha da kinalibosanmo nu mian iwi-iwi' anu nomboamo aha i lipu' nu aha.

MAZMUR 106:47

Posalamatakon mae na kami, O, Tumpu mami, po'ule' mae posihuk na kami anu noga'a-ga'atmo hi to bansa-bansa sangga'at, da kami montalima kasemo ka' mompuji'mo sanggo nu Belento anu susi' hondo.

MAZMUR 85:2

Belento mongka'ima'i tano' nu Belento o, Tumpu kantumuu'an nu aha Israel po'ule'mo pinokopianan nu Belento.

NOSABATMO 6:8

Iwi-iwi' na potuunon nu Tumpu aijo' pinotokamo i Musa hi bansa Israel, panyo aha madi' mongka'oho' mompajuli i Musa, kalana aha binotuanan aijo' tahahumo kinabisa'an, sahingga nonsaduakonmo aha ingise-ise'mo na kinyonyoa kalana madi'mo moko ala mombau apa-apaa.

YEREMIA 31:27

Aku, Tumpu notataemo, tukoong-Ku tokaje mae na tempo'nyo lipu' nu Israel tiba Yehuda Ku pobuke'imo nu manusia tiba binatang.

YEREMIA 32:37

Po ule'mo Ku posihuk na bansa aiya lengkat mae ibansa iwi-iwi' tampat pipinongga'a-ga'atakonan-Ku aha kalana Aku pinusamo, ka' notambuha'mo hi aha. Aha Ku boamo mule' mae itampat aiya ka' Ku pobee'mo jojoong i aiya sahingga madi'mo ko anu mompoposia.

DANIEL 9:12

Belento momputusi kona hondo susumo anu jinanji'mo nu Belento hi kami ka' mule' hi aha anu nongkuasaimo mae kami. Yerusalem i hukumo nu Belento tala-talalo, sahanyo kota' iyayamae i dunia aiya na madi' talalo i hukum.

DANIEL 9:19

O, Tumpu potombihingakon mae na kami ampuniakon mae na kami ka' palahatikan mae na kami, ka' palia-lia'mo na mombau kaputusan! Bolimo otanda'i pipin da iwi-iwi' na mian monsumbu' talu' Belento ahi' na Tumpu. Kalana Yerusalem tiba mian anu palesayamo hi Belento memang ahi' madi'mo sala', Belentomo na Tumpu-Nyo'.”

DANIEL 9:25

Tulis ka' alati'imo na aiya; Pimpitun lipat na popitu na taun na ohikuhakon, i mulaan pe'e mae tempo'nyo nonontalimamo palentah da po ule'mo mombau kota' Yerusalem sampe tokamo mae na samian na polaya' anu pinile'anmo nu Tumpu. Kopinnyo pimpitun lipat na anompulu' ka' ohua' na taun, iwi-iwi' na jalan tiba to bente-benteng nu Yerusalem anu ma'idekmo po ule'mo obau, panyo tempo'nyo aijo' manjoo' hondo nakasansala'an na ota'up.

AMOS 7:2

Kihi-kihi' haha aijo' boli' nongkaanmo iwi-iwi' na anu sinu'an i tano'. Lantas aku notatae, “Tumpu Anu Matangkas na Kuasanyo, ampuniakon na mian anu palesayamo hi Belento Aha talalo ise' ka' lupe, mosia na timbali aha moko ala montahan?”

PO'ULE' INGULIT 30:1

“Uuka aiya belemiu mompile'imo pa' balakat kabai kutuk susumo anu tinutuhakonmo hi belemiu. De belemiu nongoa'imo kasansala'an aijo' iwi-iwi' ka' tinumuu'mo hi bansa-bansa anu i salipu'an i tampat nu belemiu pinongga'a-ga'atakonan nu Tumpu Allah nu belemiu, belemiu tonginau'mo i apaa na anu pinoki pile'ankumo hi belemiu.

PO'ULE' INGULIT 30:4

Mau mule' belemiu noga'a-ga'atmo iyaya mae i dunia aiya, Tumpu Allah nu belemiu po'ule'mo momposihuk belemiu ka' po'ule'mo monsule'akon belemiu.

YOSUA 21:43

Sumo aijo' na Tumpu nombee' hi aha mian nu Israel songko-songko na tano' anu sinumpa'akonmo na jinanji' hi mompolee' nu aha. Salatan aha jinojoongmo i lipu' aijo' aha mian nu Israel tinataapmo ikiijo'.